ಶತ್ರುಘ್ನ ಪ್ರಸಾದ ಸಿನ್ಹಾ

ಮೂಲತಃ ಚಲನ ಚಿತ್ರನಟರಾಗಿದ್ದ ಶತ್ರುಘ್ನ ಸಿನ್ಹಾ ಭಾರತೀಯ ಜನತಾ ಪಕ್ಷ ಸೇರಿ ತಮ್ಮ ರಾಜಕೀಯ ಜೀವನ ಆರಂಭಿಸಿದರು. ಉಪಚುನಾವಣೆಯೊಂದರಲ್ಲಿ ರಾಜೇಶ ಖನ್ನಾ ವಿರುದ್ಧ ಚುನಾವಣೆಗೆ ಸ್ಪರ್ಧಿಸಿ ರಾಜಕೀಯಕ್ಕೆ ಕಾಲಿಟ್ಟರು. ಆದರೆ ಖನ್ನಾ ವಿರುದ್ಧ ಚುನಾವಣೆಗೆ ಸ್ಪರ್ಧಿಸಿದ್ದು ತಮ್ಮ ಜೀವನದ ಅತಿ ದೊಡ್ಡ ತಪ್ಪು ಎಂದು ಅವರೇ ಒಂದು ಬಾರಿ ಹೇಳಿಕೊಂಡಿದ್ದರು. ಈ ಚುನಾವಣೆಯಲ್ಲಿ ಶತ್ರುಘ್ನ ವಿರುದ್ಧ ಖನ್ನಾ ಭಾರಿ ಮತಗಳ ಅಂತರದಿಂದ ಜಯಿಸಿದರೂ ಅದರ ನಂತರ ಖನ್ನಾ ಯಾವತ್ತೂ ಶತ್ರುಘ್ನ ಜೊತೆಗೆ ಮಾತನಾಡಲಿಲ್ಲ. ಶತ್ರುಘ್ನ ಅವರ ಸ್ಪರ್ಧೆಯಿಂದ ತೀರಾ ನೊಂದಿದ್ದ ಖನ್ನಾ ಅವರನ್ನು ಶತ್ರುಘ್ನ ಅವರು ಸಮಾಧಾನಿಸಲು ಯತ್ನಿಸಿ ಮತ್ತೆ ಗೆಳೆತನ ಮುಂದುವರೆಸಲು ಬಯಸಿದರೂ ಯಾವುದೇ ಕಾರಣಕ್ಕೂ ಖನ್ನಾ ಅವರೊಂದಿಗೆ ಮಾತನಾಡಲೇ ಇಲ್ಲ. ಖನ್ನಾ 2012 ರಲ್ಲಿ ತೀರಿಕೊಳ್ಳುವವರೆಗೂ ಶತ್ರುಘ್ನ ಜೊತೆಗೆ ಮಾತಾಡಲಿಲ್ಲ.
2009 ರ ಸಾರ್ವತ್ರಿಕ ಚುನಾವಣೆಯಲ್ಲಿ ಶತ್ರುಘ್ನ ಪಾಟ್ನಾ ಸಾಹಿಬ್ ಲೋಕಸಭಾ ಕ್ಷೇತ್ರದಲ್ಲಿ ಜಯಗಳಿಸಿ ಸಂಸದರಾದರು. 2009 ರಿಂದ 2014 ಹಾಗೂ 2014 ರಿಂದ 2019 ರವರೆಗೆ ಎರಡು ಅವಧಿಯಲ್ಲಿ ಶತ್ರುಘ್ನ ರಾಜ್ಯಸಭಾ ಸದಸ್ಯರಾಗಿದ್ದರು.
13ನೇ ಲೋಕಸಭಾ ಅವಧಿಯಲ್ಲಿ ಮೂರನೇ ಬಾರಿಗೆ ವಾಜಪೇಯಿ ಸರಕಾರದಲ್ಲಿ ಶತ್ರುಘ್ನ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ ಮತ್ತು ಹಡಗು ಖಾತೆ ಸಚಿವರಾದರು.
2006 ರಲ್ಲಿ ಬಿಜೆಪಿಯ ಕಲೆ ಹಾಗೂ ಸಂಸ್ಕೃತಿ ವಿಭಾಗದ ಮುಖ್ಯಸ್ಥರಾಗಿ ನೇಮಕವಾದರು. ನಂತರ ಮತ್ತೊಬ್ಬ ಚಲನಚಿತ್ರ ನಟ ಶೇಖರ ಸುಮನ ಅವರ ಎದುರು ಚುನಾವಣೆ ಗೆದ್ದರು. 2014 ರ ಸಾರ್ವತ್ರಿಕ ಚುನಾವಣೆಯಲ್ಲಿ ಜಯಿಸಿ ಮತ್ತೆ ಸಂಸದರಾದರು.