ಡಾ. ಪ್ರಮೋದ ಸಾವಂತ್

ಪ್ರಮೋದ ಸಾವಂತ್ ಗೋವಾದ ಜನಪ್ರೀಯ ಶಾಸಕ. ಇವರು ಉತ್ತರ ಗೋವಾದ ಸ್ಯಾನ್ಕ್ವೇಲಿಯಂ ಕ್ಷೇತ್ರವನ್ನು3 ಅವಧಿಯಿಂದ ಪ್ರತಿನಿಧಿಸುತ್ತಿದ್ದಾರೆ. ಗೋವಾದ ಮಾಜಿ ಸಿಎಂ ಮನೋಹರ ಪರಿಕ್ಕರ್ ಅವರ ಕಟ್ಟಾ ಬೆಂಬಲಿಗರಾಗಿರುವ ಪ್ರಮೋದ ಸಾವಂತ್ ಅವರನ್ನು ತಮ್ಮ ಸಿಎಂ ಅವಧಿಯಲ್ಲಿ ಗೋವಾ ವಿಧಾನಸಭೆಯ ಸ್ಪೀಕರ್ ಹುದ್ದೆಗೆ ನಿಯುಕ್ತಿಗೊಳಿಸಿದ್ದರು. ಆದರೆ ರಾಜ್ಯದ ಕ್ಯಾಬಿನೆಟ್ ನ ಯಾವುದೇ ಹುದ್ದೆ ನೀಡಿರಲಿಲ್ಲ. ವೃತ್ತಿಯಿಂ ಆಯುರ್ವೇದ ವೈದ್ಯರಾಗಿರುವ ಡಾ.ಸಾವಂತ್ ಮಹಾರಾಷ್ಟ್ರದ ಕೊಲ್ಲಾಪುರ ಜಿಲ್ಲೆಯ ಗಂಗಾ ಆಯುರ್ವೇಧಿಕ್ ಮೆಡಿಕಲ್ ಕಾಲೇಜಿನಲ್ಲಿ ಈ ವೃತ್ತಿ ತರಬೇತಿ ಪಡೆದಿದ್ದರು. ಅಲ್ಲದೇ ಡಾ.ಪ್ರಮೋದ ಆರ್.ಎಸ್.ಎಸ್.ನ ಸದಸ್ಯರೂ ಆಗಿದ್ದಾರೆ. ಟಿಲಕ್ ಮಹಾರಾಷ್ಟ್ರ ವಿದ್ಯಾಪೀಠದಿಂದ ಸಮಾಜ ಕಲ್ಯಾಣ ವಿಷಯದಲ್ಲಿ ಸ್ನಾತಕೋತ್ತರ ಪದವಿಯನ್ನೂ ಪಡೆದಿದ್ದಾರೆ. ಪರಿಕ್ಕರ್ ಅವರ ಆಶಯದ ಗೋವಾ ರಾಜ್ಯ ಮೂಲಸೌಕರ್ಯ ಅಭಿವೃದ್ಧಿ ನಿಗಮದ ಅಧ್ಯಕ್ಷರಾಗಿಯೂ ಇವರು ಕಾರ್ಯನಿರ್ವಹಿಸಿದ್ದಾರೆ. ಮನೋಹರ ಪರಿಕ್ಕರ್ ಅವರ ನಿಧನಾ ನಂತರ ಗೋವಾ ರಾಜ್ಯದ ಮುಖ್ಯಮಂತ್ರಿಯಾಗಿ 19 ಮಾರ್ಚ್ 2019ರಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು.