ಶ್ರೀಮತಿ ಮೀನಾಕ್ಷಿ ಲೇಖಿ

ಮೀನಾಕ್ಷಿ ಲೇಖಿ ಭಾರತೀಯ ಜನತಾ ಪಾರ್ಟಿಯ ಅಗ್ರಗಣ್ಯ ಮಹಿಳಾ ನಾಯಕರಲ್ಲೊಬ್ಬರು. ೨೦೧೯ರ ಲೋಕಸಭಾ ಚುನಾವಣೆಯಲ್ಲಿ ದಕ್ಷಿಣ ದೆಹಲಿ ಪ್ರತಿನಿಧಿಸಿ ಕಾಂಗ್ರೆಸ್ನ ಅಜಯ್ ಮಾಕೆನ್ ಅವರನ್ನು ಸೋಲಿಸಿ ಪುನರಾಯ್ಕೆಯಾದರು. ಬಿಪಿಯ ವಕ್ತಾರರಾಗಿ ಹಾಗೂ ಸುಪ್ರೀಂ ಕೋರ್ಟ್ ವಕೀಲರಾಗಿರುವ ಮೀನಾಕ್ಷಿ ಲೇಖಿ ಅವರನ್ನು ಡೈನಮಿಕ್ ಮತ್ತು ಬಹುಮುಖ ಪ್ರತಿಭೆ ಎಂದೇ ಗುರತಿಸಲಾಗುತ್ತಿದೆ. ವಿವಿಧ ವಿಷಯಗಳ ಕುರಿತು ಪತ್ರಿಕೆಗಳಿಗೆ ನಿರಂತರವಾಗಿ ಬರೆಯುತ್ತಿರುವ ಇವರು, ಹಲವು ವಿಷಯಗಳ ಕುರಿತು ಸಾಮಾಜಿಕ ಚಿಂತನೆ ಮತ್ತು ಚರ್ಚೆಯಲ್ಲಿ ಪಾಲ್ಗೊಳ್ಳುತ್ತಿರುತ್ತಾರೆ. ಮಹಿಳಾ ಮೀಸಲಾತಿ ಮಸೂದೆ, ಕೆಲಸದ ಸ್ಥಳದಲ್ಲಿ ಲೈಂಗಿಕ ಕಿರುಕುಳದ ಸಮಸ್ಯೆ ಕರಡು ಸಮಿತಿ ಸದಸ್ಯರಾಗಿದ್ದಾರೆ. ದೆಹಲಿ ವಿವಿಯಲ್ಲಿ ಬಿಎಸ್ಸಿ, ನಂತರ ಕಾನೂನು ಅಧ್ಯಯನ ಮಾಡಿದವರು. ಸುಪ್ರೀಂ ಕೋರ್ಟ್ನಲ್ಲಿ ವಕೀಲರಾಗಿ ಸೇವೆ, ಅಲ್ಲಿನ ಸಹೋದ್ಯೋಗಿಯನ್ನೇ ವಿವಾಹವಾಗಿ ಅವರಿಗೆ ಮೂವರು ಮಕ್ಕಳಿದ್ದಾರೆ.