ಡಾ. ಹರ್ಷ ವರ್ಧನ್

ಆರೋಗ್ಯ ಸೇವೆಗಳ ಕುರಿತು ಅತ್ಯಂತ ಮುತುವರ್ಜಿ ಹೊಂದಿರುವ ಡಾ.ಹರ್ಷವರ್ಧನ ಪೊಲೀಯೋ ನಿರ್ಮೂಲನೆ, ತಂಬಾಕು ಬಳಕೆ ನಿಯಂತ್ರಣ, ಅಗತ್ಯ ಔಷಧಿ ಲಭ್ಯತೆ ಮತ್ತು ಮಾನವ ಅಂಗಾಂಗ ದಾನ ಮತ್ತು ಸಂಯೋಜನೆ ಕ್ಷೇತ್ರಗಳಲ್ಲಿನ ನೀತಿ ನಿರೂಪಣೆಗಳನ್ನು ರೂಪಿಸುವಲ್ಲಿ ತಜ್ಞರಾಗಿದ್ದಾರೆ.

ವಿಶ್ವ ಆರೋಗ್ಯ ಸಂಘಟನೆ (ಡಬ್ಲು.ಎಚ್.ಒ)ಗೆ ಹಲವು ವರ್ಷಗಳ ಕಾಲ ಸಲಹೆಗಾರರಾಗಿ, ಅಂತಾರಾಷ್ಟ್ರೀಯ ತಾಂತ್ರಿಕ ಸಮಿತಿಗಳ ಸದಸ್ಯರಾಗಿ ಸೇವೆ ಸಲ್ಲಿಸಿದ್ದಾರೆ. ಅವರ ಸೇವೆ ಮೆಚ್ಚಿ 1994 ರಲ್ಲಿ ಐ.ಎಂ.ಎ. ಪ್ರೆಸಿಡೆಂಟ್ಸ್ ಸ್ಪೇಷಲ್ ಅವಾರ್ಡ್ ಆಫ್ ಅಪ್ರಿಸಿಯೇಷನ್ ಪ್ರಶಸ್ತಿಗೆ ಭಾಜನರಾದರು.
1995 ದೇಶಾದ್ಯಂತ ಪೊಲೀಯೋ ನಿರ್ಮೂಲನೆಗೆ ಯೋಜನೆ ರೂಪಿಸಿ ಅನುಷ್ಠಾನಕ್ಕೆ ಮುಂದಾದ ಪರಿಣಾಮ 88 ಲಕ್ಷ ಮಕ್ಕಳಿಗೆ ಏಕಕಾಲಕ್ಕೆ ಲಸಿಕೆ ಹಾಕುವ ಅಭಿಯಾನ ಯಶಸ್ವಿಗೊಂಡಿತು.
2001ರಲ್ಲಿ ಅಂದಿನ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಡಾ.ಹರ್ಷವರ್ಧನ್ ಅವರನ್ನು ಪೊಲೀಯೋ ಚಾಂಪಿಯನ್ ಪ್ರಶಸ್ತಿ ನೀಡಿ ಗೌರವಿಸಿದರೆ, 2002ರಲ್ಲಿ ಪೊಲೀಯೋ ಪ್ಲಸ್ ಇಂಟರ್ನ್ಯಾಷನಲ್ ಪ್ರೆಸಿಡೆನ್ಷಿಯಲ್ ಸಮ್ಮಿಟ್ನಲ್ಲಿ ಗೌರವಿಸಿ ಪುರಸ್ಕರಿಸಲಾಗಿದೆ.
ಇದರ ಪರಿಣಾಮ ವಿಶ್ವ ಆರೋಗ್ಯ ಸಂಘಟನೆ 2014ರಲ್ಲಿ ಭಾರತವನ್ನು ಪೊಲೀಯೋ ಮುಕ್ತ ದೇಶ ಎಂದು ಘೋಷಣೆ ಮಾಡಿದೆ.