ತರುಣ್ ಗೋಗೊಯ್

By Keshav Karna | Friday, February 1, 2019, 05:56:02 PM [IST]

Quick Links

ತರುಣ್ ಗೋಗೊಯ್ ಜೀವನ ಚರಿತ್ರೆ
ತರುಣ್ ಗೋಗೊಯ್ ವಯಕ್ತಿಕ ಜೀವನ
ತರುಣ್ ಗೋಗೊಯ್ ರಾಜಕೀಯ ಟೈಮ್‌ಲೈನ್
ತರುಣ್ ಗೋಗೊಯ್ ಸಾಧನೆಗಳು
ತರುಣ್ ಗೋಗೊಯ್ ಕುರಿತು ಆಸಕ್ತಿದಾಯಕ ಸಂಗತಿಗಳು
ತರುಣ್ ಗೋಗೊಯ್ ನಿವ್ವಳ ಮೌಲ್ಯ

ತರುಣ್ ಗೋಗೊಯ್ ಜೀವನ ಚರಿತ್ರೆ

ಅಕ್ಟೋಬರ್ 11, 1934 ರಲ್ಲಿ ಜನಿಸಿದ ತರುಣ್ ಗೋಗೊಯ್ 2001 ರಿಂದ 2016 ರವರೆಗೆ ಅಸ್ಸಾಂ ಮುಖ್ಯಮಂತ್ರಿಯಾಗಿ ಕಾರ್ಯನಿರ್ವಹಿಸಿದ್ದಾರೆ. ಕಾಂಗ್ರೆಸ್ ಪಕ್ಷದ ಪ್ರಭಾವಿ ಮುಖಂಡರಲ್ಲೊಬ್ಬರಾದ ಇವರ ಮಾರ್ಗದರ್ಶನದಲ್ಲಿ ಕಾಂಗ್ರೆಸ್ ಪಕ್ಷ ರಾಜ್ಯದಲ್ಲಿ ಸತತವಾಗಿ ಮೂರು ಬಾರಿ ಚುನಾವಣೆಗಳಲ್ಲಿ ಜಯಗಳಿಸಿತ್ತು. ಇವರು ನಂ.26 ರಂಗಾಜಾನ ನಿಮ್ನ ಬುನಿಯಾದಿ ವಿದ್ಯಾಲಯದಲ್ಲಿ ತಮ್ಮ ಪ್ರಾಥಮಿಕ ವಿದ್ಯಾಭ್ಯಾಸ ಪೂರೈಸಿದರು. 1963 ರಲ್ಲಿ ಅಸ್ಸಾಂನ ಗೌಹಾಟಿ ವಿಶ್ವವಿದ್ಯಾಲಯದಿಂದ ಎಲ್‌ಎಲ್‌ಬಿ ಪದವಿ ಪಡೆದರು. ಜುಲೈ 30, 1972 ರಂದು ಡಾಲಿ ಗೋಗೊಯ್ ಅವರೊಂದಿಗೆ ವಿವಾಹವಾದರು. ಗೋಗೊಯ್ ದಂಪತಿಗೆ ಗೌರವ್ ಗೋಗೊಯ್ ಎಂಬ ಪುತ್ರ ಹಾಗೂ ಚಂದ್ರಿಮಾ ಗೋಗೊಯ್ ಎಂಬ ಪುತ್ರಿ ಇದ್ದಾರೆ. 1968 ರಲ್ಲಿ ಜೋರ್ಹಾಮಟ್ ನಗರ ಪಾಲಿಕೆಯ ಸದಸ್ಯರಾಗಿ ನೇಮಕವಾಗುವ ಮೂಲಕ ಇವರು ತಮ್ಮ ರಾಜಕೀಯ ಜೀವನ ಆರಂಭಿಸಿದರು. ಇಂದಿರಾ ಗಾಂಧಿ ಅವರ ಅವಧಿಯಲ್ಲಿ 1971 ರಲ್ಲಿ ಗೋಗೊಯ್ 5ನೇ ಲೋಕಸಭೆಯ ಸದಸ್ಯರಾಗಿ ಚುನಾಯಿತರಾದರು. 2001 ರಲ್ಲಿ ಅಸ್ಸಾಂ ವಿಧಾನ ಸಭೆಗೆ ನಡೆದ ಚುನಾವಣೆಯಲ್ಲಿ ತಿತಾಬಾರ್ ಕ್ಷೇತ್ರದಿಂದ ಶಾಸಕರಾಗಿ ಆಯ್ಕೆಯಾಗಿ ಮುಖ್ಯಮಂತ್ರಿ ಪಟ್ಟಕ್ಕೇರಿದರು. 2016 ರಲ್ಲಿ ರಾಜ್ಯದಲ್ಲಿ ಬಿಜೆಪಿ ಗೆದ್ದಾಗ ಇವರ ಅಧಿಕಾರ ಕೊನೆಗೊಂಡಿತು. ಗೋಗೊಯ್ ಒಟ್ಟು ಆರು ಬಾರಿ ಲೋಕಸಭೆಯ ಸದಸ್ಯರಾಗಿ ಕಾರ್ಯ ನಿರ್ವಹಿಸಿದ್ದಾರೆ. 1971 ರಿಂದ 85 ರವರೆಗೆ ಇವರು ಜೋರ್ಹಾರಟ್ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದರು. ನಂತರ ಕಾಲಿಭೋರ ಕ್ಷೇತ್ರದಿಂದ ಜಯಗಳಿಸಿದರು. (1991-96/1998-2002)

ಮತ್ತಷ್ಟು ಓದು

ತರುಣ್ ಗೋಗೊಯ್ ವಯಕ್ತಿಕ ಜೀವನ

ಪೂರ್ಣ ಹೆಸರು	ತರುಣ್ ಗೋಗೊಯ್
ಜನ್ಮ ದಿನಾಂಕ	11 Oct 1934
ಮೃತಪಟ್ಟ ದಿನಾಂಕ	23 Nov 2020 (ವಯಸ್ಸು 86)
ಹುಟ್ಟಿದ ಸ್ಥಳ	ರಂಗಾಮಾಟಿ, ಜೋರ್ಹಾಟ್
ಪಕ್ಷದ ಹೆಸರು	Indian National Congress
ವಿದ್ಯಾರ್ಹತೆ	Graduate Professional
ಉದ್ಯೋಗ	ರಾಜಕಾರಣಿ
ತಂದೆಯ ಹೆಸರು	ಡಾ. ಕಮಲೇಶ್ವರ ಗೋಗೊಯ್
ತಾಯಿಯ ಹೆಸರು	ಉಷಾ ಗೋಗೊಯ್
ಅವಲಂಬಿತರ ಹೆಸರು	ಡಾಲಿ ಗೋಗೊಯ್
ಮಕ್ಕಳು	1 ಪುತ್ರ(ರು) 1 ಪುತ್ರಿ(ಯರು)

ತರುಣ್ ಗೋಗೊಯ್ ಒಟ್ಟು ಆಸ್ತಿ

ಒಟ್ಟು ಆಸ್ತಿ

₹5.35 CRORE

ಆಸ್ತಿ

₹5.55 CRORE

ಸಾಲಸೋಲ

₹19.4 LAKHS

ತರುಣ್ ಗೋಗೊಯ್ ಕುರಿತು ಆಸಕ್ತಿದಾಯಕ ಸಂಗತಿಗಳು

ರಾಜಕೀಯದ ಹೊರತಾಗಿ ಇವರು ಓದುವುದು ಹಾಗೂ ತೋಟಗಾರಿಕೆಯಲ್ಲಿ ಆಸಕ್ತಿ ಹೊಂದಿದ್ದಾರೆ. ಕ್ರಿಕೆಟ್, ಫುಟ್ ಬಾಲ್ ಹಾಗೂ ಟೆನ್ನಿಸ್ ಆಟಗಳಲ್ಲಿ ಇವರು ಅಭಿರುಚಿ ಹೊಂದಿದ್ದಾರೆ. ಇವರು ಉತ್ತಮ ಗಾಲ್ಫ ಕ್ರೀಡಾಪಟುವಾಗಿದ್ದಾರೆ. ಆಲ್ ಅಸ್ಸಾಂ ಮೊಯಿನಾ ಪರಿಜತ್ ಮತ್ತು ಮಕ್ಕಳ ಸಂಸ್ಥೆಯ ಖಜಾಂಚಿ ಹಾಗೂ ಭಾರತ ಯುವಕ ಸಮಾಜದ ಚೇರಮನ್‌ರಾಗಿಯೂ ಕೆಲಸ ಮಾಡಿದ್ದಾರೆ. ಗೋಗೊಯ್ ಅಸ್ಸಾಂ ರಾಜ್ಯದ ದೀರ್ಘಾವಧಿ ಅಧಿಕಾರದಲ್ಲಿದ್ದ ಮುಖ್ಯಮಂತ್ರಿ ಎಂಬ ಹೆಗ್ಗಳಿಕೆ ಹೊಂದಿದ್ದಾರೆ. ಸತತ ಮೂರು ವಿಧಾನ ಸಭಾ ಚುನಾವಣೆಗಳಲ್ಲಿ ಕಾಂಗ್ರೆಸ್ ಪಕ್ಷ ಗೆಲುವು ಸಾಧಿಸಲು ಇವರು ಕಾರಣೀಭೂತರಾಗಿದ್ದರು.

ತರುಣ್ ಗೋಗೊಯ್ ರಾಜಕೀಯ ಟೈಮ್‌ಲೈನ್

2016: ಗೋಗೊಯ್ ನೇತೃತ್ವದಲ್ಲಿ ಕಾಂಗ್ರೆಸ್ ಪಕ್ಷ ಬಿಜೆಪಿ ವಿರುದ್ಧ ಸೋಲು ಅನುಭವಿಸುವ ಮೂಲಕ ಇವರ ಅಧಿಕಾರಾವಧಿ ಕೊನೆಗೊಂಡಿತು.
2011: 2011ರಲ್ಲಿ ಮತ್ತೊಮ್ಮೆ ಚುನಾವಣೆಗಳಲ್ಲಿ ಜಯಗಳಿಸಿ ಸತತ 3ನೇ ಅವಧಿಗೆ ಮುಖ್ಯಮಂತ್ರಿಯಾದರು.
2006: 2006ರ ವಿಧಾನ ಸಭಾ ಚುನಾವಣೆಯಲ್ಲಿ ಪುನಃ ಜಯಶಾಲಿಯಾಗಿ 2ನೇ ಅವಧಿಗೆ ಮುಖ್ಯಮಂತ್ರಿಯಾಗಿ ಮುಂದುವರೆದರು.
2001: ಅಸ್ಸಾನ ತಿತಾಬಾರ ವಿಧಾನ ಸಭಾ ಕ್ಷೇತ್ರದಿಂದ ಶಾಸಕರಾಗಿ ಆಯ್ಕೆಯಾಗಿ ರಾಜ್ಯದ ಮುಖ್ಯಮಂತ್ರಿ ಪಟ್ಟಕ್ಕೇರಿದರು.
1999: 13ನೇ ಲೋಕಸಭಾ ಸದಸ್ಯರಾಗಿ ಮತ್ತೊಮ್ಮೆ ಜಯಶಾಲಿಯಾದರು. (6ನೇ ಅವಧಿ)
1998: 12ನೇ ಲೋಕಸಭಾ ಸದಸ್ಯರಾಗಿ ಮರು ಆಯ್ಕೆಯಾದರು. (5ನೇ ಅವಧಿ)
1997: ಮಾರ್ಘೆರಿಟಾ ವಿಧಾನ ಸಭಾ ಕ್ಷೇತ್ರದಿಂದ ಅಸ್ಸಾಂ ವಿಧಾನ ಸಭೆಯ ಶಾಸಕರಾಗಿ ಆಯ್ಕೆಯಾದರು.
1993-1995: ಕೇಂದ್ರದ ಆಹಾರ ಸಂಸ್ಕರಣಾ ಉದ್ಯಮ ಖಾತೆಯ ರಾಜ್ಯ ಸಚಿವರಾಗಿ (ಸ್ವತಂತ್ರ ಖಾತೆ) ಕೆಲಸ ಮಾಡಿದರು.
1991-1993: ಕೇಂದ್ರ ಆಹಾರ ಖಾತೆಯ ಸಚಿವರಾಗಿ (ಸ್ವತಂತ್ರ ಖಾತೆ) ಕಾರ್ಯನಿರ್ವಹಿಸಿದರು.
1985: ಅಖಿಲ ಭಾರತ ಕಾಂಗ್ರೆಸ್ ಕಮಿಟಿ (ಎಐಸಿಸಿ) ಯ ಪ್ರಧಾನ ಕಾರ್ಯದರ್ಶಿಯಾದರು.
1976: 1976 ರಲ್ಲಿ ಅಖಿಲ ಭಾರತ ಕಾಂಗ್ರೆಸ್ ಕಮಿಟಿಯ (ಎಐಸಿಸಿ) ಜಂಟಿ ಕಾರ್ಯದರ್ಶಿಯಾಗಿ ನೇಮಕಗೊಂಡರು.
1971: ಇಂದಿರಾ ಗಾಂಧಿಯವರ ಅವಧಿಯಲ್ಲಿ 5ನೇ ಲೋಕಸಭೆಯ ಸದಸ್ಯರಾಗಿ ಚುನಾಯಿತರಾದರು.
1968: 1968 ರಲ್ಲಿ ಜೋರ್ಹಾಟ್ ನಗರಪಾಲಿಕೆಯ ಸದಸ್ಯರಾಗಿ ನೇಮಕವಾಗುವ ಮೂಲಕ ಗೋಗೊಯ್ ತಮ್ಮ ರಾಜಕೀಯ ಜೀವನ ಆರಂಭಿಸಿದರು.

ತರುಣ್ ಗೋಗೊಯ್ ಸಾಧನೆಗಳು

ಮುಖ್ಯಮಂತ್ರಿಯಾಗಿದ್ದ ತಮ್ಮ ಅಧಿಕಾರಾವಧಿಯಲ್ಲಿ ರಾಜ್ಯಕ್ಕೆ ಹೊರಗಿನವರ ನುಸುಳುವಿಕೆಯನ್ನು ತಡೆಗಟ್ಟಲು ಯಶಸ್ವಿಯಾಗಿದ್ದರು. ಅಸ್ಸಾಂ ರಾಜ್ಯದ 85 ಲಕ್ಷ ಜನ ಇವರ ಅಧಿಕಾರಾವಧಿಯಲ್ಲಿ ನೌಕರಿಗಳನ್ನು ಪಡೆದುಕೊಂಡರು. ಇವರ ಕಾಲಾವಧಿಯಲ್ಲಿ ಅಸ್ಸಾಂ ರಾಜ್ಯಕ್ಕೆ ’ಉತ್ತಮ ಮೂಲಭೂತ ಸೌಕರ್ಯಗಳ ರಾಜ್ಯ’ ಪ್ರಶಸ್ತಿ ಬಂದಿತ್ತು. ಎಸ್ಸೆಸ್ಸೆಲ್ಸಿ ಪರೀಕ್ಷೆಗಳಲ್ಲಿ ಶೇ.60 ಅಥವಾ ಅದಕ್ಕೂ ಹೆಚ್ಚು ಅಂಕ ಗಳಿಸಿ ಪಾಸಾದ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಲ್ಯಾಪಟಾಪ್ ನೀಡುವ ಯೋಜನೆಯನ್ನು ಗೋಗೊಯ್ ಜಾರಿಗೆ ತಂದರು. 8 ರಿಂದ 10 ನೇ ತರಗತಿಯಲ್ಲಿ ಕಲಿಯುತ್ತಿರುವ ಬಡ ಕುಟುಂಬದ ವಿದ್ಯಾರ್ಥಿನಿಯರಿಗೆ ಉಚಿತವಾಗಿ ಬೈಸಿಕಲ್ ನೀಡುವ ಯೋಜನೆಯನ್ನು ಕೂಡ ಜಾರಿಗೊಳಿಸಿದರು. ಇವರು ಅಧಿಕಾರದಲ್ಲಿರುವಾಗ 2007 ರಲ್ಲಿ ಅಸ್ಸಾಂನಲ್ಲಿ 33ನೇ ನ್ಯಾಷನಲ್ ಗೇಮ್ಸ್ ಕ್ರೀಡಾಕೂಟ ನಡೆದವು.

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.