ಸಚಿನ ಪೈಲಟ್

ಸಚಿನ ಪೈಟಲ್ ಭಾರತದ ಅತ್ಯಂತ ಕಿರಿಯ ವಯಸ್ಸಿನ ಸಂಸದರಲ್ಲೊಬ್ಬರಾಗಿದ್ದಾರೆ. ಇವರು ಹಿರಿಯ ರಾಜಕಾರಣಿಯಾಗಿದ್ದ ರಾಜೇಶ ಪೈಲಟ್ ಅವರ ಸುಪುತ್ರರು.

By Rashmi | Friday, February 1, 2019, 05:56:02 PM [IST]

Quick Links

ಸಚಿನ ಪೈಲಟ್ ಜೀವನ ಚರಿತ್ರೆ
ಸಚಿನ ಪೈಲಟ್ ವಯಕ್ತಿಕ ಜೀವನ
ಸಚಿನ ಪೈಲಟ್ ರಾಜಕೀಯ ಟೈಮ್‌ಲೈನ್
ಸಚಿನ ಪೈಲಟ್ ಸಾಧನೆಗಳು
ಸಚಿನ ಪೈಲಟ್ ಕುರಿತು ಆಸಕ್ತಿದಾಯಕ ಸಂಗತಿಗಳು
ಸಚಿನ ಪೈಲಟ್ ನಿವ್ವಳ ಮೌಲ್ಯ

ಸಚಿನ ಪೈಲಟ್ ಜೀವನ ಚರಿತ್ರೆ

ಸಚಿನ ಪೈಟಲ್ ಭಾರತದ ಅತ್ಯಂತ ಕಿರಿಯ ವಯಸ್ಸಿನ ಸಂಸದರಲ್ಲೊಬ್ಬರಾಗಿದ್ದಾರೆ. ಇವರು ಹಿರಿಯ ರಾಜಕಾರಣಿಯಾಗಿದ್ದ ರಾಜೇಶ ಪೈಲಟ್ ಅವರ ಸುಪುತ್ರರು. ಸಚಿನ ಪೈಲಟ್ ದೆಹಲಿ ವಿಶ್ವವಿದ್ಯಾಲಯದ ಸೇಂಟ್ ಸ್ಟೀಫನ್ಸ್ ಕಾಲೇಜಿನಿಂದ ಇಂಗ್ಲಿಷ್ ಸಾಹಿತ್ಯದಲ್ಲಿ ಬಿಎ ಆನರ್ಸ್ ಪದವಿ ಪಡೆದಿದ್ದಾರೆ. ಪದವಿ ಶಿಕ್ಷಣದ ನಂತರ ಬಿಬಿಸಿಯ ದೆಹಲಿ ಬ್ಯೂರೋದಲ್ಲಿ ಪತ್ರಕರ್ತರಾಗಿ, ನಂತರ ಜನರಲ್ ಮೋಟರ್ ಕಾರ್ಪೊರೇಶನ್ ಉದ್ಯೋಗಿಯಾಗಿ ಕೆಲಸ ಮಾಡಿದರು. ಅಮೆರಿಕದ ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದ ವಾರ್ಟನ್ ಬಿಸಿನೆಸ್ ಸ್ಕೂಲ್‌ನಲ್ಲಿ ಮಲ್ಟಿನ್ಯಾಷನಲ್ ಮ್ಯಾನೇಜಮೆಂಟ್ ಹಾಗೂ ಫೈನಾನ್ಸ್ ವಿಷಯದಲ್ಲಿ ಎಂಬಿಎ ಸ್ನಾತಕೋತ್ತರ ಪದವಿ ಮುಗಿಸಿದ ನಂತರ ಇವರು ಸಕ್ರಿಯ ರಾಜಕಾರಣಕ್ಕೆ ಬರಲು ನಿರ್ಧರಿಸಿದರು. 2019 ರಲ್ಲಿ ತಮ್ಮ 26ನೇ ವಯಸ್ಸಿನಲ್ಲಿ ರಾಜಸ್ಥಾನದ ದೌಸಾ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಜಯಗಳಿಸುವ ಮೂಲಕ ಭಾರತದ ಅತಿ ಕಿರಿಯ ವಯಸ್ಸಿನ ಸಂಸದರಾಗಿ ಆಯ್ಕೆಯಾದರು. 2009 ರಲ್ಲಿ ಅಜ್ಮೇರ ಲೋಕಸಭಾ ಕ್ಷೇತ್ರದಿಂದ ಸಂಸದರಾಗಿ ಆಯ್ಕೆಯಾಗಿ ಯುಪಿಎ ಸರಕಾರದಲ್ಲಿ ರಾಜ್ಯ ದರ್ಜೆಯ ಸಚಿವರಾದರು. ಸರಕಾರದ ಹಲವಾರು ಸಮಿತಿಗಳ ಸದಸ್ಯರಾಗಿ ಇವರು ಕಾರ್ಯನಿರ್ವಹಿಸಿದ್ದಾರೆ. ಪ್ರಸ್ತುತ ಇವರು ರಾಜಸ್ಥಾನ ಪ್ರದೇಶ ಕಾಂಗ್ರೆಸ್ ಕಮಿಟಿಯ ಅಧ್ಯಕ್ಷರಾಗಿದ್ದಾರೆ. 2004 ರಲ್ಲಿ ಸಾರಾ ಅಬ್ದುಲ್ಲಾ ಅವರೊಂದಿಗೆ ವಿವಾಹವಾದರು. ಸಾರಾ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಫರೂಕ್ ಅಬ್ದುಲ್ಲಾ ಅವರ ಸುಪುತ್ರಿ.

ಮತ್ತಷ್ಟು ಓದು

ಸಚಿನ ಪೈಲಟ್ ವಯಕ್ತಿಕ ಜೀವನ

ಪೂರ್ಣ ಹೆಸರು	ಸಚಿನ ಪೈಲಟ್
ಜನ್ಮ ದಿನಾಂಕ	07 Sep 1977 (ವಯಸ್ಸು 48)
ಹುಟ್ಟಿದ ಸ್ಥಳ	ಸಹಾರನಪುರ, ಉತ್ತರ ಪ್ರದೇಶ
ಪಕ್ಷದ ಹೆಸರು	Indian National Congress
ವಿದ್ಯಾರ್ಹತೆ	Post Graduate
ಉದ್ಯೋಗ	ಕೃಷಿಕ, ಪತ್ರಕರ್ತ ಹಾಗೂ ಮಿಲಿಟರಿ ಅಧಿಕಾರಿ
ತಂದೆಯ ಹೆಸರು	ದಿವಂಗತ ರಾಜೇಶ ಪೈಲಟ್
ತಾಯಿಯ ಹೆಸರು	ರಮಾ ಪೈಲಟ್
ಅವಲಂಬಿತರ ಹೆಸರು	ಸಾರಾ ಪೈಲಟ್
ಅವಲಂಬಿತರ ಉದ್ಯೋಗ	ಸಾಮಾಜಿಕ ಕಾರ್ಯಕರ್ತೆ
ಮಕ್ಕಳು	2 ಪುತ್ರ(ರು)
ಧರ್ಮ	ಹಿಂದು
ವೆಬ್‌ಸೈಟ್	http://www.sachinpilot.com/

ಸಚಿನ ಪೈಲಟ್ ಒಟ್ಟು ಆಸ್ತಿ

ಒಟ್ಟು ಆಸ್ತಿ

₹7.39 CRORE

ಆಸ್ತಿ

₹7.39 CRORE

ಸಾಲಸೋಲ

N/A

ಸಚಿನ ಪೈಲಟ್ ಕುರಿತು ಆಸಕ್ತಿದಾಯಕ ಸಂಗತಿಗಳು

ವಿಮಾನ ಚಾಲನೆ ಮಾಡುವುದು ಹಾಗೂ ಶೂಟಿಂಗ್ ಸಚಿನ್ ಅವರ ಮೆಚ್ಚಿನ ಹವ್ಯಾಸಗಳಾಗಿವೆ. 1995 ರಲ್ಲಿ ಅಮೆರಿಕೆಯ ನ್ಯೂಯಾರ್ಕನಲ್ಲಿ ಪ್ರೈವೇಟ್ ಪೈಲಟ್ ಲೈಸೆನ್ಸ್ (ಪಿಪಿಎಲ್) ಪಡೆದರು. ರಾಷ್ಟ್ರಮಟ್ಟದ ಹಲವಾರು ರೈಫಲ್ ಹಾಗೂ ಪಿಸ್ತೂಲ್ ಶೂಟಿಂಗ್ ಚಾಂಪಿಯನಶಿಪ್‌ಗಳಲ್ಲಿ ಇವರು ದೆಹಲಿಯನ್ನು ಪ್ರತಿನಿಧಿಸಿದ್ದಾರೆ. ಇವರನ್ನು ಪ್ರಾದೇಶಿಕ ಸೇನಾಪಡೆಯಲ್ಲಿ ಲೆಫ್ಟಿನೆಂಟ್ ಆಗಿ ನೇಮಿಸಲಾಗಿದೆ. ಇದೇ ಕಾರಣಕ್ಕೆ ಇವರನ್ನು ಲೆಫ್ಟಿನೆಂಟ್ ಪೈಲಟ್ ಎಂದು ಕರೆಯಲಾಗುತ್ತದೆ. ರೈತರ ಹಾಗೂ ಯುವಜನತೆಯ ವಿಷಯಗಳಲ್ಲಿ ಇವರು ಆಸಕ್ತಿ ಹೊಂದಿದ್ದಾರೆ. ರಾಷ್ಟ್ರ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಡೆಯುವ ಸುದ್ದಿ ಹಾಗೂ ಪ್ರಚಲಿತ ವಿದ್ಯಮಾನಗಳು, ಅಂತಾರಾಷ್ಟ್ರೀಯ ವ್ಯಾಪಾರ ಹಾಗೂ ಅರ್ಥವ್ಯವಸ್ಥೆ, ಕೃಷಿ ಹಾಗೂ ಗ್ರಾಮೀಣಾಭಿವೃದ್ಧಿ, ವಿದೇಶಾಂಗ ವ್ಯವಹಾರ ವಿಷಯಗಳಲ್ಲಿ ಇವರು ವಿಶೇಷ ಆಸಕ್ತಿ ಹೊಂದಿದ್ದಾರೆ. ತಮ್ಮ ತಂದೆ ದಿ. ರಾಜೇಶ ಪೈಲಟ್ ಅವರ ಕುರಿತು 2001 ರಲ್ಲಿ ‘ರಾಜೇಶ ಪೈಲಟ್ : ಇನ್ ಸ್ಪಿರಿಟ್ ಫಾರೆವರ್’ (Rajesh Pilot : In Spirit Forever) ಎಂಬ ಪುಸ್ತಕ ಬರೆದಿದ್ದಾರೆ.

ಸಚಿನ ಪೈಲಟ್ ರಾಜಕೀಯ ಟೈಮ್‌ಲೈನ್

2018: 2018ರಲ್ಲಿ ರಾಜಸ್ಥಾನದ ಟೋಂಕ್ ವಿಧಾನ ಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಬಿಜೆಪಿಯ ಏಕೈಕ ಮುಸ್ಲಿಂ ಅಭ್ಯರ್ಥಿ ಯೂನುಸ್ ಖಾನ್ ಅವರನ್ನು 59,179 ಮತಗಳ ಅಂತರದಿಂದ ಸೋಲಿಸಿ ಶಾಸಕರಾಗಿ ಚುನಾಯಿತರಾದರು.
2014: 2014ರಲ್ಲಿ ಅಜ್ಮೇರ್ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಬಿಜೆಪಿಯ ಸನ್ವಾರ ಲಾಲ್ ಜಾಟ್ ಅವರ ಎದುರು 1,71,983 ಮತಗಳ ಅಂತರದಿಂದ ಸೋಲನುಭವಿಸಿದರು.
2014: ಜನೆವರಿ 13, 2014 ರಂದು ರಾಜಸ್ಥಾನ ಪ್ರದೇಶ ಕಾಂಗ್ರೆಸ್ ಕಮಿಟಿಯ ಅಧ್ಯಕ್ಷರಾಗಿ ನೇಮಕಗೊಂಡರು.
2012: ಅಕ್ಟೋಬರ್ 28, 2012 ರಿಂದ ಮೇ 2014 ರವರೆಗೆ ಕೇಂದ್ರ ಸರಕಾರದ ಕಾರ್ಪೊರೇಟ್ ವ್ಯವಹಾರಗಳ ಖಾತೆ (ಸ್ವತಂತ್ರ ನಿರ್ವಹಣೆ) ಸಚಿವರಾಗಿದ್ದರು.
2009: ಬಿಜೆಪಿಯ ಕಿರಣ ಮಹೇಶ್ವರಿ ಅವರನ್ನು ಸೋಲಿಸಿ ಮತ್ತೊಮ್ಮೆ ಸಂಸದರಾಗಿ 15ನೇ ಲೋಕಸಭೆಯ ಸದಸ್ಯರಾದರು. 2009 ರಿಂದ ಅಕ್ಟೋಬರ್ 28, 2012 ರವರೆಗೆ ಕೇಂದ್ರ ಸರಕಾರದ ಸಂಪರ್ಕ ಮತ್ತು ಮಾಹಿತಿ ತಂತ್ರಜ್ಞಾನ ಖಾತೆಯ ರಾಜ್ಯ ದರ್ಜೆಯ ಸಚಿವರಾಗಿ ಕೆಲಸ ಮಾಡಿದರು.
2006: ಆಗಸ್ಟ್ 5, 2006 ರಿಂದ 2009 ರವರೆಗೆ ನಾಗರಿಕ ವಿಮಾನಯಾನ ಖಾತೆ ಸಲಹಾ ಸಮಿತಿಯ ಸದಸ್ಯ ಹಾಗೂ ಗೃಹ ವ್ಯವಹಾರ ಸಮಿತಿಯ ಸದಸ್ಯರಾಗಿದ್ದರು.
2004: ರಾಜಸ್ಥಾನದ ದೌಸಾ ಲೋಕಸಭಾ ಕ್ಷೇತ್ರದಿಂದ ಲೋಕಸಭೆಗೆ ಚುನಾಯಿತರಾದರು. ಈ ಚುನಾವಣೆಯಲ್ಲಿ ಬಿಜೆಪಿಯ ಕರ್ತಾರ ಸಿಂಗ್ ಭದಾನಾ ಅವರನ್ನು 1,14,865 ಮತಗಳ ಭಾರಿ ಅಂತರದಿಂದ ಸೋಲಿಸಿದರು. ನಂತರ ಗೃಹ ವ್ಯವಹಾರ ಸಮಿತಿಯ ಸದಸ್ಯರಾದರು.

ಸಚಿನ ಪೈಲಟ್ ಸಾಧನೆಗಳು

2004 ರಲ್ಲಿ ತಮ್ಮ 26ನೇ ವಯಸ್ಸಿನಲ್ಲಿ ಸಂಸದರಾಗಿ ಅತಿ ಕಿರಿಯ ವಯಸ್ಸಿನ ಸಂಸದರೆಂದು ಗುರುತಿಸಿಕೊಂಡರು. 2008 ರಲ್ಲಿ ವರ್ಲ್ಡ್ ಎಕನಾಮಿಕ್ ಫೋರಂನ ’ಯಂಗ್ ಗ್ಲೋಬಲ್ ಲೀಡರ್ಸ್’ ಆಗಿ ಇವರು ಆಯ್ಕೆಯಾಗಿದ್ದರು.

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.