ಜಯಪ್ರದಾ

ಭಾರತೀಯ ಚಿತ್ರರಂಗದಲ್ಲಿ ನಟಿಯಾಗಿ ಮಿಂಚಿದ ಜಯಪ್ರದಾ ನಂತರದಲ್ಲಿ ರಾಜಕಾರಣಕ್ಕೆ ಕಾಲಿಟ್ಟರು. ಉತ್ತರಪ್ರದೇಶದದ ರಾಂಪುರ ಕ್ಷೇತ್ರದಿಂದ ಸಮಾಜವಾದಿ ಅಭ್ಯರ್ಥಿಯಾಗಿ ಎರಡು ಬಾರಿ ಸಂಸದೆಯಾಗಿ ಆಯ್ಕೆಯಾದರು. ಪ್ರಸ್ತುತ 2019ರಲ್ಲಿ ಬಿಜೆಪಿಯಿಂದ ಸ್ಪರ್ಧಿಸಿ ಸೋಲುಂಡರು. ತೆಲುಗು ದೇಶಂ ಪಾರ್ಟಿ (ಟಿಡಿಪಿ)ಯಿಂದ ತಮ್ಮ ರಾಜಕಾರಣ ಆರಂಭಿಸಿದರು. ಆದರೆ ಅಲ್ಲಿ ಅವರಿಗೆ ಸೂಕ್ತ ಸ್ಥಾನಮಾನ ಸಿಗಲಿಲ್ಲ ಎಂಬ ಕಾರಣಕ್ಕೆ ಎಸ್ಪಿಗೆ ಸೇರ್ಪಡೆಗೊಂಡರು. ಅಲ್ಲಿಂದ ಹೊರಬಂದು ಸ್ವತಂತ್ರ್ಯ ಪಕ್ಷ ಕಟ್ಟಿ ಹೀನಾಯ ಸೋಲಿನ ಬಳಿಕ ಆರ್.ಎಲ್.ಡಿ.ಗೆ ಸೇರಿ ಚುನಾವಣೆಯಲ್ಲಿ ಸ್ಪರ್ಧಿಸಿ ಸೋಲುಂಡು. ಅಲ್ಲಿಂದ ಮತ್ತ ಬಿಜೆಪಿಗೆ ಸೇರ್ಪಡೆಯಾದರು.
ರಾಜಕಾರಣಕ್ಕೆ ಬರುವ ಮುನ್ನ ನಟಿ, ನಿರ್ಮಾಪಕಿಯಾಗಿ ಹೆಸರು ಗಳಿಸಿದ್ದ ಜಯಪ್ರದಾ ಎರಡು ದಶಕಗಳ ಕಾಲ ಮಿಂಚಿದವರು. ಕನ್ನಡ, ತೆಲುಗು, ತಮಿಳು, ಹಿಂದಿ, ಬಂಗಾಳಿ, ಮಲೆಯಾಳಂ ಮತ್ತು ಮರಾಠಿ ಹೀಗೆ ಬಹು ಭಾಷಾ ತಾರೆಯಾಗಿ ಮೆರೆದ ಇವರು ೨೮೦ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಇವರು ತಮ್ಮ ಮನೋಜ್ಞ ನಟನೆಗೆ ಹಲವಾರು ಪ್ರಶಸ್ತಿ ಮತ್ತು ಗೌರವಗಳನ್ನೂ ಗಳಿಸಿದ್ದಾರೆ. ೧೯೯೪ರಲ್ಲಿ ಟಿಡಿಪಿಗೆ ಸೇರುವ ಮೂಲಕ ರಾಜಕೀಯ ವೃತ್ತಿ ಜೀವನ ಆರಂಭಿಸಿದರು.