ಜೆ. ಸಿ. ಮಾಧುಸ್ವಾಮಿ

ತುಮಕೂರು ಜಿಲ್ಲೆ ಚಿಕ್ಕನಾಯಕನಹಳ್ಳಿ ಕ್ಷೇತ್ರದ ಬಿಜೆಪಿ ಶಾಸಕ ಜೆ. ಸಿ.

By Moumi Majumdar | Wednesday, August 24, 2022, 11:40:54 AM [IST]

Quick Links

ಜೆ. ಸಿ. ಮಾಧುಸ್ವಾಮಿ ಜೀವನ ಚರಿತ್ರೆ
ಜೆ. ಸಿ. ಮಾಧುಸ್ವಾಮಿ ವಯಕ್ತಿಕ ಜೀವನ
ಜೆ. ಸಿ. ಮಾಧುಸ್ವಾಮಿ ರಾಜಕೀಯ ಟೈಮ್‌ಲೈನ್
ಜೆ. ಸಿ. ಮಾಧುಸ್ವಾಮಿ ಕುರಿತು ಆಸಕ್ತಿದಾಯಕ ಸಂಗತಿಗಳು
ಜೆ. ಸಿ. ಮಾಧುಸ್ವಾಮಿ ನಿವ್ವಳ ಮೌಲ್ಯ

ಜೆ. ಸಿ. ಮಾಧುಸ್ವಾಮಿ ಜೀವನ ಚರಿತ್ರೆ

ತುಮಕೂರು ಜಿಲ್ಲೆ ಚಿಕ್ಕನಾಯಕನಹಳ್ಳಿ ಕ್ಷೇತ್ರದ ಬಿಜೆಪಿ ಶಾಸಕ ಜೆ. ಸಿ. ಮಾಧುಸ್ವಾಮಿ. ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಸಂಪುಟದಲ್ಲಿ ಸದ್ಯ ಸಣ್ಣ ನೀರಾವರಿ, ಕಾನೂನು ಮತ್ತು ಸಂಸದೀಯ ವ್ಯವಹಾರಗಳ ಖಾತೆ ಸಚಿವರು.

ಜಯಚಾಮರಾಜಪುರ ಚಂದ್ರಶೇಖರಯ್ಯ ಮಾಧುಸ್ವಾಮಿ (ಜೆ. ಸಿ. ಮಾಧುಸ್ವಾಮಿ) ಪೂರ್ಣ ಹೆಸರು. ನಾಲ್ಕು ಬಾರಿ ಶಾಸಕರಾಗಿರುವ ಜೆ. ಸಿ. ಮಾಧುಸ್ವಾಮಿ ಮೂಲತಃ ಕೃಷಿಕರು. 2019ರಲ್ಲಿ ಯಡಿಯೂರಪ್ಪ ಮುಖ್ಯಮಂತ್ರಿಯಾದಾಗ ಅವರು ಸಚಿವರಾದರು, ಬಸವರಾಜ ಬೊಮ್ಮಾಯಿ ಸಂಪುಟದಲ್ಲಿಯೂ ಸಚಿವರಾಗಿ ಮುಂದುವರೆದಿದ್ದಾರೆ.

ಲಿಂಗಾಯತ (ನೊಳಂಬ) ಸಮುದಾಯದ ನಾಯಕ ಜೆ. ಸಿ. ಮಾಧುಸ್ವಾಮಿ ಕಾನೂನು ಪದವೀಧರರು. ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮತ್ತು ಜೆ. ಸಿ. ಮಾಧುಸ್ವಾಮಿ ಕಾನೂನು ಕಾಲೇಜಿನಲ್ಲಿ ಸಹಪಾಠಿಗಳು ಎಂಬುದು ಅಚ್ಚರಿಯ ವಿಚಾರವಾಗಿದೆ.

ಕರ್ನಾಟಕದಲ್ಲಿ ಕಾಂಗ್ರೆಸ್-ಜೆಡಿಎಸ್ ಮೈತ್ರಿ ಸರ್ಕಾರವಿದ್ದಾಗ ನಡೆದ ವಿಶ್ವಾಸಮತದ ಮೇಲಿನ ಚರ್ಚೆಯಲ್ಲಿ ಸದನದಲ್ಲಿ ಸಕ್ರಿಯವಾಗಿ ಪಾಲ್ಗೊಂಡವರು ಜೆ. ಸಿ. ಮಾಧುಸ್ವಾಮಿ. ಕರ್ನಾಟಕದ ಹಲವಾರು ಜನರು ಮೊದಲ ಬಾರಿಗೆ ಅವರ ಹೆಸರು ಕೇಳಿದ್ದು ಸಹ ಆಗಲೇ.

ಸದನದಲ್ಲಿ ಪ್ರತಿಪಕ್ಷಗಳಿಗೆ ಜೆ. ಸಿ. ಮಾಧುಸ್ವಾಮಿ ನೀಡುತ್ತಿದ್ದ ತಿರುಗೇಟುಗಳು. ಕಾನೂನು ವಿಚಾರದಲ್ಲಿ ಅವರು ಮಂಡಿಸುತ್ತಿದ್ದ ವಿಚಾರಗಳನ್ನು ನೋಡಿದವರು. ಬಿಜೆಪಿಗೆ ಸದನದಲ್ಲೊಬ್ಬರು ಸರಿಯಾದ ನಾಯಕ ಸಿಕ್ಕರು ಎಂದು ಮಾತನಾಡಿಕೊಳ್ಳಲಾರಂಭಿಸಿದರು.

ಎಚ್. ಡಿ. ಕುಮಾರಸ್ವಾಮಿ ಸರ್ಕಾರ ಪತನಗೊಂಡು ಯಡಿಯೂರಪ್ಪ ಮುಖ್ಯಮಂತ್ರಿಯಾಗುತ್ತಿದ್ದಂತೆ ಜೆ. ಸಿ. ಮಾಧುಸ್ವಾಮಿ ಸಚಿವರಾದರು. ಮೊದಲು ಜನತಾಪಕ್ಷದ ಒಟ್ಟಿಗೆ ಗುರುತಿಸಿಕೊಂಡಿದ್ದ ಮಾಧುಸ್ವಾಮಿ ಬಳಿಕ ರಾಮಕೃಷ್ಣ ಹೆಗಡೆ ಜೊತೆ ಇದ್ದರು. ಯಡಿಯೂರಪ್ಪ ಕೆಜೆಪಿ ಕಟ್ಟಿದಾಗ ಅವರ ಸಂಪರ್ಕಕ್ಕೆ ಬಂದ ಅವರು ಬಳಿಕ ಬಿಜೆಪಿಗೆ ಬಂದರು.

ಮೈಸೂರಿನಲ್ಲಿ ವ್ಯಾಸಂಗ ಮಾಡುವಾಗ ಲೇಖಕ ಪೂರ್ಣಚಂದ್ರ ತೇಜಸ್ವಿ ಸಂಪರ್ಕಕ್ಕೆ ಬಂದಿದ್ದರು. ಜೆಪಿ ಚಳುವಳಿಯಲ್ಲಿ ಪಾಲ್ಗೊಂಡಿದ್ದರು. ರಾಜಕೀಯ ಆರಂಭದ ದಿನಗಳಲ್ಲಿ ತುಮಕೂರು ಹಾಲು ಒಕ್ಕೂಟದ ಅಧ್ಯಕ್ಷರಾಗಿದ್ದರು.

ಮಾಧುಸ್ವಾಮಿ ರಾಜಕೀಯಕ್ಕೆ ಬರುವ ಮೊದಲು ಕೃಷಿಕರು. ಈಗಲೂ ಸ್ವಂತ ಕ್ಷೇತ್ರದಲ್ಲಿ ಇದ್ದರೆ ತೋಟಗಳಿಗೆ ಭೇಟಿ ನೀಡಿದ ಬಳಿಕವೇ ಅವರೇ ದಿನ ಆರಂಭಿಸುತ್ತಾರೆ ಎನ್ನುತ್ತಾರೆ ಬಲ್ಲವರು.

ಮತ್ತಷ್ಟು ಓದು

ಜೆ. ಸಿ. ಮಾಧುಸ್ವಾಮಿ ವಯಕ್ತಿಕ ಜೀವನ

ಪೂರ್ಣ ಹೆಸರು	ಜೆ. ಸಿ. ಮಾಧುಸ್ವಾಮಿ
ಜನ್ಮ ದಿನಾಂಕ	04 Feb 1953 (ವಯಸ್ಸು 73)
ಹುಟ್ಟಿದ ಸ್ಥಳ	ಚಿಕ್ಕನಾಯಕನಹಳ್ಳಿ
ಪಕ್ಷದ ಹೆಸರು	Bharatiya Janata Party
ವಿದ್ಯಾರ್ಹತೆ	LLB, M.A
ಉದ್ಯೋಗ	ರೈತ
ತಂದೆಯ ಹೆಸರು	ಚಂದ್ರಶೇಖರಯ್ಯ
ತಾಯಿಯ ಹೆಸರು	NA
ಅವಲಂಬಿತರ ಹೆಸರು	ತ್ರಿವೇಣಿ
ಅವಲಂಬಿತರ ಉದ್ಯೋಗ	ಗೃಹಿಣಿ
ಧರ್ಮ	ಹಿಂದು
ಜಾತಿ	ಲಿಂಗಾಯತ (ನೊಳಂಬ)
ವೆಬ್‌ಸೈಟ್	NA

ಜೆ. ಸಿ. ಮಾಧುಸ್ವಾಮಿ ಒಟ್ಟು ಆಸ್ತಿ

ಒಟ್ಟು ಆಸ್ತಿ

₹6.35 CRORE

ಆಸ್ತಿ

₹24.13 CRORE

ಸಾಲಸೋಲ

₹17.78 CRORE

ಜೆ. ಸಿ. ಮಾಧುಸ್ವಾಮಿ ಕುರಿತು ಆಸಕ್ತಿದಾಯಕ ಸಂಗತಿಗಳು

ಸಮಾಜವಾದಿ ತತ್ವಗಳನ್ನು ಮೈಗೂಡಿಸಿಕೊಂಡವರು. ಕರ್ನಾಟಕದ ರಾಜಕೀಯದಲ್ಲಿ ಸಾಹಿತ್ಯಗಳನ್ನು ಓದುವ ನಾಯಕರಲ್ಲಿ ಇಬ್ಬರು

ಮೈಸೂರಿನಲ್ಲಿ ವ್ಯಾಸಂಗ ಮಾಡುವಾಗ ಲೇಖಕ ಪೂರ್ಣಚಂದ್ರ ತೇಜಸ್ವಿ ಜೊತೆಗೆ ಒಡನಾಟ ಹೊಂದಿದ್ದರು.

ಎಲ್‌ಎಲ್‌ಬಿ ವ್ಯಾಸಂಗ ಮಾಡುವಾಗ ಸಿದ್ದರಾಮಯ್ಯ, ಜೆ. ಸಿ. ಮಾಧುಸ್ವಾಮಿ ಸಹಪಾಠಿಗಳು

ಕೃಷಿಯ ಬಗ್ಗೆ ಅಪಾರವಾದ ಪ್ರೀತಿ ಹೊಂದಿರುವ ರಾಜಕೀಯ ನಾಯಕ

ಜೆ. ಸಿ. ಮಾಧುಸ್ವಾಮಿ ರಾಜಕೀಯ ಟೈಮ್‌ಲೈನ್

2021: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಸಂಪುಟ ಸೇರ್ಪಡೆ. ಸಣ್ಣ ನೀರಾವರಿ, ಕಾನೂನು ಮತ್ತು ಸಂಸದೀಯ ವ್ಯವಹಾರಗಳ ಖಾತೆ ಹೊಣೆ.
2019 : ಮುಖ್ಯಮಂತ್ರಿ ಬಿ. ಎಸ್. ಯಡಿಯೂರಪ್ಪ ಸಂಪುಟ ಸೇರ್ಪಡೆ. ಸಣ್ಣ ನೀರಾವರಿ ಖಾತೆ ಹೊಣೆ. ಕಾನೂನು ಮತ್ತು ಸಂಸದೀಯ ವ್ಯವಹಾರಗಳ ಖಾತೆ ಹೆಚ್ಚುವರಿ ಹೊಣೆ.
2018: ಬಿಜೆಪಿ ಅಭ್ಯರ್ಥಿಯಾಗಿ ಚುನಾವಣಾ ಕಣಕ್ಕೆ. 69,612 ಮತಗಳನ್ನು ಪಡೆದು ಕಾಂಗ್ರೆಸ್‌ನ ಸಂತೋಷ್ ಜಯಚಂದ್ರ ಸೋಲಿಸಿ ಶಾಸಕರಾಗಿ ಆಯ್ಕೆ.
2013: ಕೆಜೆಪಿ ಪಕ್ಷದ ಅಭ್ಯರ್ಥಿಯಾಗಿ ಚುನಾವಣಾ ಕಣಕ್ಕೆ. ಚಿಕ್ಕನಾಯಕನಹಳ್ಳಿಯಲ್ಲಿ 49,620 ಮತಗಳನ್ನು ಪಡೆದು ಜೆಡಿಎಸ್‌ನ ಸಿ. ಬಿ. ಸುರೇಶ್ ಬಾಬು ವಿರುದ್ಧ ಸೋಲು.
2008: ಚಿಕ್ಕನಾಯಕನಹಳ್ಳಿಯಲ್ಲಿ ಜೆಡಿಯು ಅಭ್ಯರ್ಥಿಯಾಗಿ ಕಣಕ್ಕೆ. 24,308 ಮತಗಳನ್ನು ಪಡೆದು ಜೆಡಿಎಸ್‌ನ ಸಿ. ಬಿ. ಸುರೇಶ್‌ ಬಾಬು ವಿರುದ್ಧ ಸೋಲು.
2004: ಜೆಡಿಯು ಅಭ್ಯರ್ಥಿಯಾಗಿ ಚುನಾವಣಾ ಕಣಕ್ಕೆ 43,040 ಮತಗಳನ್ನು ಪಡೆದು ಶಾಸಕರಾಗಿ ಆಯ್ಕೆ

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.