ಹಿಮಂತ ಬಿಸ್ವಾ ಶರ್ಮಾ

ಅಸ್ಸಾಂನ ಗೌಹಾತಿಯ ಜೋರ್ಹತ್‌ನಲ್ಲಿ ಜನಿಸಿದ ಹಿಮಂತ ಬಿಸ್ವಾ ಶರ್ಮಾ ಅವರು ಕಾಂಗ್ರೆಸ್ ನಾಯಕರಾಗಿ ರಾಜಕೀಯರಂಗ ಪ್ರವೇಶಿಸಿದರು. ಅಸ್ಸಾಂನ ಜಲುಕ್ಬಾರಿ ಕ್ಷೇತ್ರದಿಂದ 2001 ರಿಂದ 2015 ರವರೆಗೆ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ನಿಂದ ಸ್ಪರ್ಧಿಸಿ ಶಾಸಕರಾಗಿದ್ದರು. ನಂತರ ಡಾ.ಶರ್ಮಾ ಅವರು ಕಾಂಗ್ರೆಸ್ ಗೆ ರಾಜೀನಾಮೆ‌ ನೀಡಿ ಆಗಸ್ಟ್ 2015 ರಲ್ಲಿ ಭಾರತೀಯ ಜನತಾ ಪಕ್ಷಕ್ಕೆ ಸೇರಿದರು. 2016 ರ ವಿಧಾನಸಭಾ ಚುನಾವಣೆಯಲ್ಲಿ ಜಯಗಳಿಸಿದ ನಂತರ 24 ಮೇ 2016 ರಂದು ಕ್ಯಾಬಿನೆಟ್ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು. ಅಲ್ಲದೆ, ಬಿಜೆಪಿ ಪಕ್ಷ ಹೊಸದಾಗಿ ರಚಿಸಲಾದ ಈಶಾನ್ಯ ಪ್ರಜಾಸತ್ತಾತ್ಮಕ ಒಕ್ಕೂಟದ (ಎನ್‌ಇಡಿಎ) ಕನ್ವೀನರ್ ಆಗಿ ನೇಮಿಸಿತು. ರಾಜಕೀಯ ಶತ್ರುವಾದ ಕಾಂಗ್ರೆಸ್ ವಿರುದ್ಧ ಹೋರಾಡಲು ವಿಭಿನ್ನ ಪ್ರಾದೇಶಿಕ ಪಕ್ಷಗಳನ್ನು ಮಂಡಳಿಯಲ್ಲಿ ಕರೆತರುವುದು ಇದರ ಮುಖ್ಯ ಕಾರ್ಯವಾಗಿತ್ತು. ಅವರು 2017 ರಲ್ಲಿ ಬ್ಯಾಡ್ಮಿಂಟನ್ ಅಸೋಸಿಯೇಶನ್ ಆಫ್ ಇಂಡಿಯಾದ ಅಧ್ಯಕ್ಷರಾಗಿ ಸರ್ವಾನುಮತದಿಂದ ಆಯ್ಕೆಯಾದರು ಮತ್ತು ಜೂನ್ 2016 ರಲ್ಲಿ ಅಸ್ಸಾಂ ಕ್ರಿಕೆಟ್ ಅಸೋಸಿಯೇಶನ್‌ನ ಅಧ್ಯಕ್ಷರೂ ಆದರು. ಇವರ ತಂದೆ ದಿವಂಗತ ಕೈಲಾಶ್ ನಾಥ್ ಶರ್ಮಾ ಅವರು ಅಸ್ಸಾಂನ ಪ್ರಸಿದ್ಧ ಕವಿ ಮತ್ತು ಕಾದಂಬರಿಕಾರರಾಗಿದ್ದರು. ಅವರ ತಾಯಿ ಸ್ಮತಿ ಮೃಣಾಲಿನಿ ದೇವಿ ಅವರು ಅಸ್ಸಾಂ ಸಾಹಿತ್ಯ ಸಭೆಯೊಂದಿಗೆ ಸಕ್ರಿಯ ಸಂಪರ್ಕ ಹೊಂದಿದ್ದರು. ಡಾ.ಶರ್ಮಾ ಅವರು ರಿನಿಕಿ ಭುಯಾನ್ ಶರ್ಮಾ ಅವರನ್ನು ವಿವಾಹವಾದರು. ಈ ದಂಪತಿಗೆ ನಂದಿಲ್ ಎಂಬ ಮಗ ಹಾಗೂ ಸುಕನ್ಯಾ ಎಂಬ ಮಗಳು ಇದ್ದಾರೆ.