ದಿನೇಶ್ ತ್ರಿವೇದಿ

ಮಾಜಿ ರೈಲ್ವೆ ಸಚಿವ ದಿನೇಶ್ ತ್ರಿವೇದಿ ಅವರು ತಮ್ಮ ರಾಜಕೀಯ ಪ್ರಯಾಣದಲ್ಲಿ ಪಕ್ಷ ಬದಲಾಯಿಸುವುದರಲ್ಲಿ ಪ್ರವೀಣರಾಗಿದ್ದರು. ಹಾಗಾಗಿ ಕಾಲಕಾಲಕ್ಕೆ ಒಂದೊಂದು ಪಕ್ಷಕ್ಕೆ ಜಿಗಿಯುತ ಬಂದರು. 80 ರ ದಶಕದಲ್ಲಿ ಅವರ ರಾಜಕೀಯ ನಿಷ್ಠೆ ಕಾಂಗ್ರೆಸ್ ಪಕ್ಷಕ್ಕೆ ಇತ್ತು. ಆದರೆ, 90 ರ ದಶಕದಲ್ಲಿ ಜನತಾದಳಕ್ಕೆ ತಮ್ಮ ನಿಷ್ಠೆಯನ್ನು ಬದಲಾಯಿಸಿದರು. ನಂತರ 90 ರ ದಶಕದ ಉತ್ತರಾರ್ಧದಲ್ಲಿ ಮಮತಾ ಬ್ಯಾನರ್ಜಿ ಅವರ ತೃಣಮೂಲ ಕಾಂಗ್ರೆಸ್ ಪಕ್ಷಕ್ಕೆ ತಮ್ಮ ರಾಜಕೀಯ ಟೋಪಿ ನೇತು ಹಾಕಿದರು.

ರಾಜಕೀಯ ಕ್ಷೇತ್ರಕ್ಕೆ ಬರುವ ಮೊದಲು ತ್ರಿವೇದಿ ಅವರು 1974 ರಲ್ಲಿ ಎಂಬಿಎ ಪದವಿ ಪೂರೈಸಿದರು. ಬಳಿಕ ಎರಡು ವರ್ಷಗಳ ಕಾಲ ಅಮೆರಿಕಾದ ಚಿಕಾಗೋದ ಡಿಟೆಕ್ಸ್ ಕಂಪನಿಯಲ್ಲಿ ಕೆಲಸ ಮಾಡಿದರು. ಭಾರತಕ್ಕೆ ವಾಪಾಸಾಗುವ ಮೊದಲು
ಅವರು ಲಾಜಿಸ್ಟಿಕ್ಸ್ ಪ್ರೊವೈಡರ್ ಲೀ ಮತ್ತು ಮುಯಿರ್‌ಹೆಡ್‌ ಕಂಪನಿಯಲ್ಲೂ ಕೆಲಸ ಮಾಡಿದರು. 1984 ರಲ್ಲಿ ಈ ಕೆಲಸವನ್ನು ತೊರೆದು ಸ್ವಂತವಾಗಿ ವಾಯು ಸರಕು ಸಾಗಣೆ ಕಂಪನಿಯನ್ನು ಪ್ರಾರಂಭಿಸಿದರು. ಇದರೊಂದಿಗೆ ಗ್ರಾಹಕ ಸಂರಕ್ಷಣಾ ಕೇಂದ್ರವನ್ನೂ ಆರಂಭಿಸಿದರು. ಇವರ ಗಮನಾರ್ಹ ಸಾಧನೆಯೆಂದರೆ, ಭಾರತೀಯ ರಾಜಕೀಯದಲ್ಲಿ ಅಪರಾಧಿಕರಣದ ಬಗ್ಗೆ ನೀಡಿದ ವೋರ್ಹಾ ವರದಿ. ಇದೇ ಮಾಹಿತಿ ಹಕ್ಕು ಕಾಯ್ದೆ ಜಾರಿಗೆ ಬರಲು ದಾರಿ ಮಾಡಿಕೊಟ್ಟಿತು.
೨೦11 ರಲ್ಲಿ ಕೇಂದ್ರ ರೈಲ್ವೇ ಸಚಿವರಾಗಿ ತ್ರಿವೇದಿ ನೇಮಕಗೊಂಡರೂ, ಕೆಲವೇ ದಿನಗಳಲ್ಲಿ ರಾಜೀನಾಮೆ ನೀಡಬೇಕಾದ ಸನ್ನಿವೇಶ ಒದಗಿಬಂತು. ಸಚಿವರಾದ ಕೆಲವೇ ದಿನಗಳಲ್ಲಿ, ರೈಲಿನ ದರ ಹೆಚ್ಚಳದ ಕುರಿತು ಪಾರ್ಲಿಮೆಂಟಿನ್ನಲ್ಲಿ ಪ್ರಸ್ತಾಪಿಸಿದ ಇವರು ಪಕ್ಷದ ವರಿಷ್ಠರಾದ ಮಮತಾ ಬ್ಯಾನರ್ಜಿ ಅವರ ಕೋಪಕ್ಕೆ ತುತ್ತಾಗಿದ್ದರು. ಮಮತಾರ ಸಮ್ಮತಿ/ಒಪ್ಪಿಗೆ ಇಲ್ಲದೆ ಈ ರೀತಿಯ ನಿರ್ಧಾರ ತೆಗೆದುಕೊಳ್ಳುವ ಮೂಲಕ ಮಂತ್ರಿ ಪದವಿ ಕೈತಪ್ಪಿಹೋಯಿತು.

ಬಹಳ ಹಿಂದಿನಿಂದಲೂ ಮೋದಿ ಸರ್ಕಾರದ ವಿರುದ್ಧ ಮಾತನಾಡುತ್ತಾ ಬಂದಿರುವ ತ್ರಿವೇದಿ ಅವರು, ಆಗಾಗ ಸರ್ಕಾರದ ಕೆಲಸಗಳನ್ನು ನಿಂದಿಸಿದ್ದಾರೆ. ಇತ್ತೀಚಿನ ಇವರ ಹೇಳಿಕೆಗಳಲ್ಲಿ ಒಂದು "ಅಚ್ಚೆ ದಿನ್ ಎಲ್ಲಿಯೂ ಇಲ್ಲದ ಕಾರಣ, ನಮ್ಮ ಹಳೆಯ ಕೆಟ್ಟ ದಿನಗಳನ್ನಾದರೂ ನಮಗೆ ಮತ್ತೆ ಕೊಟ್ಟುಬಿಡಿ" ಎಂಬ ಮಾತು ತುಸು ನೀರಸವಾಗಿದೆ ಎಂದೆನಿಸಿದರೂ ಇವರ ಮಾತಿನ ಚತುರತೆಗೆ ಸಾಕ್ಷಿಯಾಗಿತ್ತು.