ಚಿರಾಗ ಕುಮಾರ ಪಾಸ್ವಾನ್

ಚಿರಾಗ ಪಾಸ್ವಾನ್ ಭಾರತೀಯ ರಾಜಕಾರಣಿಯಾಗಿದ್ದಾರೆ. ಇವರು ಲೋಕ ಜನಶಕ್ತಿ ಪಕ್ಷದ ಸದಸ್ಯರಾಗಿದ್ದಾರೆ. ಚಿರಾಗ ಪಾಸ್ವಾನ್ ಅವರು ರಾಜಕೀಯ ಹಿನ್ನೆಲೆಯ ಕುಟುಂಬದಿಂದ ಬಂದವರಾಗಿದ್ದು ಇವರ ತಂದೆ ರಾಮ ವಿಲಾಸ ಪಾಸ್ವಾನ್ ಸಂಸದ ಹಾಗೂ ಕೇಂದ್ರ ಮಂತ್ರಿಗಳಾಗಿದ್ದಾರೆ. ಪ್ರಸ್ತುತ ಚಿರಾಗ ಜಾಮುಯಿ ಕ್ಷೇತ್ರದ ಸಂಸದರಾಗಿದ್ದಾರೆ. ಇವರು 2014ರಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ 16ನೇ ಲೋಕಸಭೆಯ ಸದಸ್ಯರಾಗಿ ಚುನಾಯಿತರಾದರು. ರಾಜಕೀಯಕ್ಕೆ ಬರುವ ಮುನ್ನ ಚಿರಾಗ ಬಾಲಿವುಡ್ ಚಿತ್ರರಂಗ ಪ್ರವೇಶಿಸಿದ್ದರಾದರೂ ಅಲ್ಲಿ ಅಂಥ ಯಶಸ್ಸು ಸಿಗಲಿಲ್ಲ.
ಚಿರಾಗ ಪಾಸ್ವಾನ್ 31 ಅಕ್ಟೋಬರ್ 1982 ರಲ್ಲಿ ಬಿಹಾರದ ಖಗರಿಯಾದಲ್ಲಿ ಜನಿಸಿದರು. ಭಾರತ ಸರಕಾರದ ನ್ಯಾಷನಲ್ ಇನಸ್ಟಿಟ್ಯೂಟ್ ಆಫ್ ಓಪನ್ ಸ್ಕೂಲಿಂಗ್ ನಲ್ಲಿ 2003 ರಲ್ಲಿ ವಿದ್ಯಾಭ್ಯಾಸ ಮಾಡಿದರು. ಇವರು ಝಾನ್ಸಿಯ ಬುಂದೇಲಖಂಡ ಯುನಿವರ್ಸಿಟಿಯಲ್ಲಿ 2005 ರಲ್ಲಿ ಕಂಪ್ಯೂಟರ್ ಸೈನ್ಸ್ ಬಿಟೆಕ್ ಎಂಜಿನಿಯರಿಂಗ್ ಪದವಿ ಪಡೆದಿದ್ದಾರೆ.