ಅನಂತ ಕುಮಾರ

ಹಲವು ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳಾದ ಅನ್ನಪೂರ್ಣ, ಆಟ-ಪಾಠ ಇತರ ಕಾರ್ಯಗಳಲ್ಲಿ ಸಕ್ರೀಯವಾಗಿ ಪಾಲ್ಗೊಳ್ಳುತ್ತಿದ್ದರು. ಈ ಕುರಿತು ರಾಷ್ಟ್ರೀಯ ಮಾಧ್ಯಮಗಳು ಸದಾ ವರದಿ ಮಾಡುತ್ತಲೇ ಇರುವ ಮಟ್ಟಿಗೆ ಅವರು ಕ್ರಿಯಾಶೀಲರಾಗಿದ್ದರು.
ಕನ್ನಡ, ಇಂಗ್ಲೀಷ್, ಹಿಂದಿ ಮತ್ತು ತೆಲುಗು ಭಾಷೆಗಳಲ್ಲಿ ರಾಜಕಾರಣ ಮತ್ತು ಶಿಕ್ಷಣ ವಿಷಯಗಳಲ್ಲಿ ನಿರರ್ಗಳವಾಗಿ ಮಾತನಾಡಬಲ್ಲ ವಾಕ್ಚಾತುರ್ಯ ಹೊಂದಿದ್ದರು. ಓದು, ಬರಹ, ಕಥೆ-ಕವನ, ಪ್ರವಾಸ ಅವರ ಮೆಚ್ಚಿನ ಹವ್ಯಾಸಗಳಾಗಿದ್ದವು. ಪ್ರವಾಸಿ ತಾಣಗಳಿಗೆ ನಿರಂತರ ಭೇಟಿ, ನಕ್ಷತ್ರಗಳ ವೀಕ್ಷಣೆ ಹಾಗೂ ಮಕ್ಕಳೊಂದಿಗೆ ಕಾಲಕಳೆಯುವ ಮೂಲಕ ಅವರು ಮನರಂಜನೆ ಪಡೆಯುತ್ತಿದ್ದರು. ಕ್ರಿಕೆಟ್, ಬ್ಯಾಡ್ಮಿಂಟನ್, ಚೆಸ್ ಮತ್ತು ಟೇಬಲ್ ಟೆನ್ನಿಸ್ ಆಟಗಳಲ್ಲಿ ಆಸಕ್ತಿ ಹೊಂದಿದ್ದರು.

ಶೇ.100ರಷ್ಟು ಬೇವಿನ ಹೊದಿಕೆಯ ರಸಗೊಬ್ಬರ ಉತ್ಪಾದನೆ ಹಾಗೂ ಅದನ್ನು ಸಮರ್ಪಕವಾಗಿ ರೈತರಿಗೆ ತಲುಪಿಸುವಲ್ಲಿ ಅವರು ಕೈಗೊಂಡ ಕ್ರಮಗಳು ಭಾರತೀಯ ರಸಗೊಬ್ಬರ ಕ್ಷೇತ್ರದಲ್ಲಿ ಕ್ರಾಂತಿಕಾರಕ ಬದಲಾವಣೆಗೆ ನಾಂದಿ ಹಾಡಿತು. ಪರಿಸರ ಸ್ನೇಹಿಯಾದ ಮಹಿಳಾ ಆರೋಗ್ಯ ಪ್ಯಾಡ್ ಸುವಿಧಾ ಯೋಜನೆಯನ್ನು ಯಶಸ್ವಿಯಾಗಿ ಅನುಷ್ಠಾನಗೊಳಿಸಿ ಮಹಿಳಾ ಆರೊಗ್ಯಕ್ಕೆ ಒತ್ತು ನೀಡಿದರು. ೫ ಜೂನ್ ೨೦೧೮ ರಲ್ಲಿ ಈ ಯೋಜನೆಗೆ ಚಾಲನೆ ನೀಡಲಾಯಿತು. ಅಲ್ಲದೇ ಬಿಜೆಪಿಗೆ ಬಹುಮತ ಇಲ್ಲದ ಸಂದರ್ಭದಲ್ಲಿ ಜಿಎಸ್ಟಿ ಮಸೂದೆಗೆ ಅಂಗೀಕಾರ ಪಡೆಯುವಲ್ಲಿ ಮಹತ್ತರ ಪಾತ್ರ ವಹಿಸಿದರು. ಜೂನ್ 1, 2018ರಂದು ದೇಶಾದ್ಯಂತ 99 ಇದ್ದ ಜನೌಷಧಿ ಕೇಂಧ್ರಗಳ ಸಂಖ್ಯೆಯನ್ನು 3600ಕ್ಕೆ ಹೆಚ್ಚಿಸಿದರು. ಇದರಿಂದಾಗಿ ಸಾಮಾನ್ಯ ಜನರು ಔಷಧಿಗಾರಿ ವೆಚ್ಚ ಮಾಡುತ್ತಿದ್ದ ಸುಮಾರು 500 ಕೋಟಿ ಹಣ ಜನರಲ್ಲೇ ಉಳಿಯುವಂತಾಯಿತು. ಹೃದಯ ಚಿಕಿತ್ಸೆಗಾಗಿ ಅಳವಡಿಸುತ್ತಿದ್ದ ಸ್ಟಂಟ್ ಗಳ ಬೆಲೆಯಲ್ಲಿ ಇಳಿಮುಖ ಮಾಡಿ ಜನಾರೋಗ್ಯ ಮಹತ್ವದ ಕೊಡುಗೆ ನೀಡಿದರು. ನರೇಂದ್ರ ಮೋದಿ ಸರ್ಕಾರದ ಪ್ರತಿನಿಧಿಯಾಗಿ ಅಮೆರಿಕಕ್ಕೆ ಭೇಟಿ, 2008-10 ಲ್ಲಿ ಬೆಂಗಳೂರು ಮೂಲಸೌಕರ್ಯ ಅಭಿವೃದ್ಧಿ ಕಾರ್ಯಸೂಚಿಯ ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದರು.