ಅಳಗಿರಿ ಎಂ.ಕೆ.

ಮುತ್ತುವೇಲು ಕರುಣಾನಿಧಿ ಅಳಗಿರಿ ಇವರು ಎಂ. ಕೆ.

By Shalini | Friday, February 1, 2019, 05:56:02 PM [IST]

Quick Links

ಅಳಗಿರಿ ಎಂ.ಕೆ. ಜೀವನ ಚರಿತ್ರೆ
ಅಳಗಿರಿ ಎಂ.ಕೆ. ವಯಕ್ತಿಕ ಜೀವನ
ಅಳಗಿರಿ ಎಂ.ಕೆ. ರಾಜಕೀಯ ಟೈಮ್‌ಲೈನ್
ಅಳಗಿರಿ ಎಂ.ಕೆ. ಸಾಧನೆಗಳು
ಅಳಗಿರಿ ಎಂ.ಕೆ. ಕುರಿತು ಆಸಕ್ತಿದಾಯಕ ಸಂಗತಿಗಳು
ಅಳಗಿರಿ ಎಂ.ಕೆ. ಹಿಂದಿನ ಇತಿಹಾಸ
ಅಳಗಿರಿ ಎಂ.ಕೆ. ನಿವ್ವಳ ಮೌಲ್ಯ

ಅಳಗಿರಿ ಎಂ.ಕೆ. ಜೀವನ ಚರಿತ್ರೆ

ಮುತ್ತುವೇಲು ಕರುಣಾನಿಧಿ ಅಳಗಿರಿ ಇವರು ಎಂ.ಕೆ. ಅಳಗಿರಿ ಎಂದೇ ಪ್ರಸಿದ್ಧರಾಗಿದ್ದಾರೆ. ಭಾರತದ ಖ್ಯಾತ ರಾಜಕಾರಣಿಯಾದ ಇವರು ತಮಿಳುನಾಡು ರಾಜ್ಯದವರಾಗಿದ್ದಾರೆ. ಜೂನ್ 13, 2009 ರಿಂದ ಮಾರ್ಚ್ 20, 2013 ರವರೆಗೆ ಅಳಗಿರಿ, ಕೇಂದ್ರದ ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆಯ ಕ್ಯಾಬಿನೆಟ್ ದರ್ಜೆ ಸಚಿವರಾಗಿ ಸೇವೆ ಸಲ್ಲಿಸಿದ್ದಾರೆ. ಎಂ.ಕೆ. ಅಳಗಿರಿ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಕರುಣಾನಿಧಿ ಹಾಗೂ ಅವರ ಎರಡನೇ ಪತ್ನಿ ದಯಾಳು ಅಮ್ಮಾಳ್ ದಂಪತಿಯ ದ್ವಿತೀಯ ಸುಪುತ್ರರು. ಕರುಣಾನಿಧಿಯವರು 2014 ರವರೆಗೆ ದ್ರಾವಿಡ ಮುನ್ನೇತ್ರ ಕಳಗಂ ಪಕ್ಷದ ಮುಖ್ಯಸ್ಥರೂ ಆಗಿದ್ದರು. ತನ್ನ ತಂದೆಯ ಮಾರ್ಗದರ್ಶನದಲ್ಲಿ ಬಹು ಚಿಕ್ಕ ವಯಸ್ಸಿನಲ್ಲಿಯೇ ರಾಜಕೀಯ ರಂಗಕ್ಕೆ ಕಾಲಿಟ್ಟ ಅಳಗಿರಿ, ರಾಜಕೀಯ ಜೀವನದಲ್ಲಿ ಮಾತ್ರ ಬಹಳಷ್ಟು ಸಮಸ್ಯೆ, ನೋವುಗಳನ್ನು ಅನುಭವಿಸಿದರು.

ಮತ್ತಷ್ಟು ಓದು

ಅಳಗಿರಿ ಎಂ.ಕೆ. ವಯಕ್ತಿಕ ಜೀವನ

ಪೂರ್ಣ ಹೆಸರು	ಅಳಗಿರಿ ಎಂ.ಕೆ.
ಜನ್ಮ ದಿನಾಂಕ	30 Jan 1951 (ವಯಸ್ಸು 75)
ಹುಟ್ಟಿದ ಸ್ಥಳ	ಚೆನ್ನೈ
ಪಕ್ಷದ ಹೆಸರು	Dravida Munetra Kazhagam
ವಿದ್ಯಾರ್ಹತೆ	Graduate
ಉದ್ಯೋಗ	ರಾಜಕಾರಣಿ, ಸಾಮಾಜಿಕ ಕಾರ್ಯಕರ್ತ
ತಂದೆಯ ಹೆಸರು	ಎಂ. ಕರುಣಾನಿಧಿ
ತಾಯಿಯ ಹೆಸರು	ದಯಾಳು ಅಮ್ಮಾಳ್
ಅವಲಂಬಿತರ ಹೆಸರು	ಕಾಂತಿ ಅಳಗಿರಿ
ಅವಲಂಬಿತರ ಉದ್ಯೋಗ	ಹೌಸ್ ವೈಫ್ ಹಾಗೂ ಸಾಮಾಜಿಕ ಕಾರ್ಯಕರ್ತೆ
ಮಕ್ಕಳು	1 ಪುತ್ರ(ರು) 2 ಪುತ್ರಿ(ಯರು)
ವೆಬ್‌ಸೈಟ್	http://www.mkalagiri.com/

ಅಳಗಿರಿ ಎಂ.ಕೆ. ಒಟ್ಟು ಆಸ್ತಿ

ಒಟ್ಟು ಆಸ್ತಿ

₹19.4 CRORE

ಆಸ್ತಿ

₹19.4 CRORE

ಸಾಲಸೋಲ

N/A

ಅಳಗಿರಿ ಎಂ.ಕೆ. ಕುರಿತು ಆಸಕ್ತಿದಾಯಕ ಸಂಗತಿಗಳು

ಖ್ಯಾತ ತಮಿಳು ಲೇಖಕ ಅಳಗಿರಿಸ್ವಾಮಿ ಕರುಣಾನಿಧಿಯವರ ಮೆಚ್ಚಿನ ಲೇಖಕರಾಗಿದ್ದರು. ಅಲ್ಲದೆ ಅವರನ್ನು ತಮ್ಮ ಆದರ್ಶ ವ್ಯಕ್ತಿಯೆಂದೇ ಕರುಣಾನಿಧಿ ಹೇಳಿಕೊಳ್ಳುತ್ತಿದ್ದರು. ಅವರಿಂದ ಪ್ರಭಾವಿತರಾಗಿದ್ದ ಕರುಣಾನಿಧಿ ತಮ್ಮ ಮಗನಿಗೂ ಅಳಗಿರಿ ಎಂದು ನಾಮಕರಣ ಮಾಡಿದ್ದರು. ಅಳಗಿರಿ ಇನ್ನೂ ಯುವಕರಾಗಿರುವಾಗಲೇ ಅವರನ್ನು ರಾಜಕೀಯ ರಂಗಕ್ಕೆ ಪರಿಚಯಿಸಿದ್ದರು ಕರುಣಾನಿಧಿ.
ಕ್ರಿಕೆಟ್ ಆಟ ಆಡುವುದು ಹಾಗೂ ಕ್ರಿಕೆಟ್ ಮ್ಯಾಚ್ ನೋಡುವುದು ಅಳಗಿರಿಯವರ ಅಚ್ಚುಮೆಚ್ಚಿನ ಹವ್ಯಾಸಗಳಾಗಿವೆ.
ಕಾರುಗಳ ಮೇಲೆ ವಿಶೇಷ ಪ್ರೀತಿ ಹೊಂದಿರುವ ಅಳಗಿರಿಯವರ ಬಳಿ ಹೊಂಡಾ ಸಿಟಿ, ಲ್ಯಾಂಡ ರೋವರ್, ಟೊಯೊಟಾ ಇನ್ನೋವಾ, ಬಿಎಂಡಬ್ಲ್ಯೂ ಹೀಗೆ ಹಲವಾರು ದುಬಾರಿ ಕಾರುಗಳು ಅವರ ಬಳಿ ಇವೆ.
ಕೆಲ ಕ್ರಿಮಿನಲ್ ಸ್ವರೂಪದ ಪ್ರಕರಣಗಳಲ್ಲಿ ಅಳಗಿರಿಯವರ ಹೆಸರು ಕೇಳಿ ಬಂದಿತ್ತು. ತಮಿಳುನಾಡಿನ ತಿರುಮಂಗಲಂ ಕ್ಷೇತ್ರದ ಉಪಚುನಾವಣೆಯ ನಂತರ ನಡೆಯಿತೆನ್ನಲಾದ ನೋಟಿಗಾಗಿ ಓಟು ಹಗರಣದ ನಂತರ ಮೇ 20, 2003 ರಲ್ಲಿ ನಡೆದ ಮಾಜಿ ಡಿಎಂಕೆ ಸಚಿವ ಟಿ. ಕಿರುತ್ತಿನನ್ ಅವರ ಕೊಲೆ ಹಾಗೂ ಮಧುರೈನ ದಿನಕರನ್ ಪತ್ರಿಕಾಲಯದ ಮೇಲಿನ ದಾಳಿ ಮತ್ತು ಧಯಾ ಟೆಕ್ ಪಾರ್ಕ್ ಭೂ ಕಬಳಿಕೆ ಪ್ರಕರಣಗಳಲ್ಲಿ ಅಳಗಿರಿಯವರ ಹೆಸರು ಕೇಳಿ ಬಂದಿತ್ತು.

ಅಳಗಿರಿ ಎಂ.ಕೆ. ರಾಜಕೀಯ ಟೈಮ್‌ಲೈನ್

2014: 2014 ರಲ್ಲಿ ಇವರ ಡಿಎಂಕೆ ಪಕ್ಷದ ಸದಸ್ಯತ್ವವನ್ನು ರದ್ದುಗೊಳಿಸಿ ಸಂಘಟನಾ ಕಾರ್ಯದರ್ಶಿ ಹುದ್ದೆಯಿಂದ ಕೆಳಗಿಳಿಸಲಾಯಿತು ಹಾಗೂ ಪಕ್ಷದಿಂದಲೇ ಉಚ್ಛಾಟಿಸಲಾಯಿತು.
2009: 2009 ರಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಮಧುರೈ ಲೋಕಸಭಾ ಕ್ಷೇತ್ರದಿಂದ ಜಯ ಸಾಧಿಸಿದ ಅಳಗಿರಿ ಅದೇ ವರ್ಷ ಕೇಂದ್ರದ ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆಯ ಕ್ಯಾಬಿನೆಟ್ ದರ್ಜೆ ಸಚಿವರಾದರು.
2008: 2008 ರಲ್ಲಿ ಇವರ ನೇತೃತ್ವದಲ್ಲಿ ಡಿಎಂಕೆ ಪಕ್ಷ ಮೂರು ಉಪಚುನಾವಣೆಗಳಲ್ಲಿ ಜಯಗಳಿಸಿದ ನಂತರ ಇವರನ್ನು ದಕ್ಷಿಣ ಜಿಲ್ಲೆಗಳ ಸಂಘಟನಾ ಕಾರ್ಯದರ್ಶಿಯನ್ನಾಗಿ ನೇಮಿಸಲಾಯಿತು.

ಹಿಂದಿನ ಇತಿಹಾಸ

1989: 1989 ರ ಕಾಲಾವಧಿಯಲ್ಲಿ ಇವರು ಪಕ್ಷದಲ್ಲಿ ಯಾವುದೇ ಹುದ್ದೆಯ ಜವಾಬ್ದಾರಿ ಹೊಂದದಿದ್ದರೂ ಸಂಪೂರ್ಣ ಮಧುರೈ ಭಾಗದ ರಾಜಕೀಯ ಇವರ ಹಿಡಿತದಲ್ಲಿತ್ತು.
70 ರ ದಶಕದ ಆರಂಭದಲ್ಲಿ..: ಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ಕಾಲೇಜು ವಿದ್ಯಾಭ್ಯಾಸ ಮಾಡಿದ ಅಳಗಿರಿ ನಂತರ ತನ್ನ ಸ್ವಂತ ಊರಾದ ಚೆನ್ನೈನ ಕಾಲೇಜಿನಲ್ಲಿ ಬಿಎ ಪದವಿ ಪಡೆದುಕೊಂಡರು.

ಅಳಗಿರಿ ಎಂ.ಕೆ. ಸಾಧನೆಗಳು

ತಮಿಳುನಾಡಿನ ದಕ್ಷಿಣ ಜಿಲ್ಲೆಗಳ ಡಿಎಂಕೆ ಸಂಘಟನಾ ಕಾರ್ಯದರ್ಶಿಯಾಗಿ ಇವರನ್ನು ನೇಮಿಸಲಾಯಿತು.
2009 ರಲ್ಲಿ ಇವರು ಚುನಾವಣೆಯಲ್ಲಿ ಗೆದ್ದ ನಂತರ ಕ್ಯಾಬಿನೆಟ್ ದರ್ಜೆಯ ಸಚಿವರಾದರು.
ಮೂರು ಉಪಚುನಾವಣೆಗಳಲ್ಲಿ ಗೆಲುವು ಸಾಧಿಸುವ ಮೂಲಕ ಅಳಗಿರಿ ಪಕ್ಷದ ಪ್ರಭಾವಿ ನಾಯಕನಾಗಿ ಹೊರಹೊಮ್ಮಿದರು.

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.