ರೈಲ್ವೆಗೆ ಬರಲಿದೆː ಬಾರ್ ಕೊಡೆಡ್ ಟಿಕೆಟ್, ಸ್ವಯಂ ಚಾಲಿತ ಗೇಟ್
ನವದೆಹಲಿ, ಜುಲೈ 10: ಬಾರ್ ಕೋಡ್ ಸ್ಕ್ಯಾನರ್ಗಳನ್ನು ಒಳಗೊಂಡ ಸ್ವಯಂಚಾಲಿತ ಏಕಮುಖ ಪ್ರವೇಶದ್ವಾರಗಳನ್ನು ರೈಲು ನಿಲ್ದಾಣಗಳಲ್ಲಿ ಅಳವಡಿಸಲು ರೈಲ್ವೆ ಇಲಾಖೆ ಮುಂದಾಗಿದೆ. ಸದ್ಯ ದೆಹಲಿ ಹಾಗೂ ಕೋಲ್ಕತ್ತಾ ಮೆಟ್ರೋ ರೈಲು ನಿಲ್ದಾಣಗಳಲ್ಲಿ ಈ ಬಗೆಯ ಪ್ರವೇಶದ್ವಾರಗಳಿವೆ.
ಪ್ರಾಯೋಗಿಕವಾಗಿ ದೆಹಲಿ ವಲಯದ ಬ್ರಾರ್ ಚೌಕದಲ್ಲಿ ಮುಂದಿನ ಮೂರು ತಿಂಗಳೊಳಗೆ ಹೊಸ ಪ್ರವೇಶ ವ್ಯವಸ್ಥೆ ಜಾರಿಗೆ ಬರಲಿದೆ. ನಂತರ ಉಳಿದ ನಿಲ್ದಾಣಗಳಲ್ಲಿ ಅಳವಡಿಸಲಾಗುತ್ತದೆ ಎಂದು ರೈಲ್ವೆ ಇಲಾಖೆ ಪ್ರಕಟಿಸಿದೆ.
ಕಾಯ್ಡಿರಿಸದ ಟಿಕೆಟ್ ಗಳ ಮೇಲೆ QR ಕೋಡ್ ಪ್ರಿಂಟ್ ಆಗಿರುತ್ತದೆ. ಪ್ರಯಾಣಿಕರು ನಿಲ್ದಾಣಕ್ಕೆ ಎಂಟ್ರಿ ಅಥವಾ ಎಕ್ಸಿಟ್ ಸಂದರ್ಭದಲ್ಲಿ ಈ ಗೇಟ್ ಗಳ ಮೂಲಕ ಸಾಗುವಾಗ ಟಿಕೆಟ್ ಫಲಕದ ಮುಂದೆ ಹಿಡಿದು ಸುಲಭವಾಗಿ ಸಾಗಬಹುದು. ಕೊಡೆಡ್ ಟಿಕೆಟ್ ಹಾಗೂ ಸ್ವಯಂಚಾಲಿತ ಗೇಟುಗಳ ಅಳವಡಿಕೆಗೆ ನಾಲ್ಕು ಲಕ್ಷ ರು ವೆಚ್ಚವಾಗಲಿದೆ. ಬೆಂಗಳೂರಿನ ಮೆಟ್ರೋದಲ್ಲಿ ಸ್ಮಾರ್ಟ್ ಕಾರ್ಡ್ ವ್ಯವಸ್ಥೆಯಿದ್ದು, ಪ್ರಯಾಣಿಕರ ದಟ್ಟಣೆ ಅಧಿಕವಾಗಿದ್ದರೂ ಸುಲಭವಾಗಿ ಆಗಮನ, ನಿರ್ಗಮನ ಸಾಧ್ಯವಾಗಿದೆ.
Click it and Unblock the Notifications
Sign in with Google