ಇಸ್ರೋದ ನೂತನ ಉಪಗ್ರಹದಿಂದ ಗಡಿಯಾಚೆಗಿನ ಕಣ್ಗಾವಲಿಗೆ ಆನೆಬಲ
ಶ್ರೀಹರಿಕೋಟಾ, ಜನವರಿ 12: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಇಂದು ಯಶಸ್ವಿಯಾಗಿ ಕಾರ್ಟೋಸ್ಯಾಟ್ - 2 ಸರಣಿಯ ಉಪಗ್ರಹವನ್ನು ಉಡಾವಣೆ ಮಾಡಿದೆ.
ಈ ಉಡಾವಣೆ ಭಾರತದ ಪಾಲಿಗೆ ಹಲವು ಅವಕಾಶಗಳನ್ನುತೆರದಿಡಲಿದೆ. ಬಹುಮುಖ್ಯವಾಗಿ ಈ ಉಪಗ್ರಹ ಗಡಿಯಾಚೆ ಹದ್ದಿನ ಕಣ್ಣಿಡಲು ಸಹಾಯ ಮಾಡಲಿದೆ.
'ಕಾರ್ಟೋಸ್ಯಾಟ್ -2' ಸರಣಿಯ ಕಣ್ಗಾವಲು ಉಪಗ್ರಹಗಳು ಭಾರತದ ನೆರೆ ರಾಷ್ಟ್ರಗಳ ನೆಲದ ಮೇಲೆ ಕಣ್ಣಿಡಲಿವೆ. ಇದೇ ಸರಣಿಯ ಉಪಗ್ರಹಗಳ ಸಹಾಯ ಪಡೆದು 2016ರಲ್ಲಿ ಸರ್ಜಿಕಲ್ ಸ್ಟ್ರೈಕ್ ಮಾಡಲಾಗಿತ್ತು. ಸೇನೆಯ ಕಮಾಂಡೋಗಳು ಗಡಿ ದಾಟಿ ಪಾಕಿಸ್ತಾನದ ನೆಲಕ್ಕೆ ಹೋಗಿ ಉಗ್ರರ ನೆಲೆಗಳನ್ನು ನಾಶಪಡಿಸಿದ್ದರು.
ಇದೀಗ ಕಾರ್ಟೋಸ್ಯಾಟ್ - 2 ಸರಣಿಗೆ ಮತ್ತೊಂದು ಉಪಗ್ರಹ ಕಕ್ಷೆಗೆ ಸೇರ್ಪಡೆಯಾಗಿದ್ದು ಭಾರತದ ಕಣ್ಗಾವಲು ವ್ಯವಸ್ಥೆಗೆ ಮತ್ತಷ್ಟು ಶಕ್ತಿಯುತವಾಗಲಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಗಡಿ ಮೇಲೆ ಕಣ್ಗಾವಲು ಇಡುವುದರ ಜತೆಗೆ ಪಟ್ಟಣಗಳ ಪ್ಲಾನಿಂಗ್ ಗೂ ಇದು ಸಹಾಯಕವಾಗಲಿದೆ.
ಕರಾವಳಿ, ರಸ್ತೆ ಸಂಪರ್ಕ, ನೀರಾವರಿ ಹಂಚಿಕೆ, ಭೂಮಿಯ ಬಳಕೆ ಮೊದಲಾದವಗಳ ನಿರೀಕ್ಷಣೆಗೆ ಕಾರ್ಟೋಸ್ಯಾಟ್ ಸಹಾಯ ಮಾಡಲಿದೆ.
ಕಾರ್ಟೋಸ್ಯಾಟ್ ನಿಗದಿತ ಪ್ರದೇಶದ ಹೈ ರೆಸಲ್ಯೂಷನ್ ಚಿತ್ರಗಳನ್ನು ನೀಡಲಿದೆ. ಇದಕ್ಕಾಗಿ ಮಲ್ಟಿ ಸ್ಪೆಕ್ಟ್ರಲ್ ಕ್ಯಾಮೆರಾಗಳು ಇದರಲ್ಲಿವೆ.
Click it and Unblock the Notifications
Sign in with Google