ಗುಜರಾತ್ ಚುನಾವಣೆಯಲ್ಲಿ NOTA, ಬಿಜೆಪಿಗೆ ನೀಡುವುದೆ ಕಾಟ?

ನವದೆಹಲಿ, ಡಿಸೆಂಬರ್ 06: ಯಾರಿಗೆ ಜಿಎಸ್ ಟಿ ಬಗ್ಗೆ ಬೇಸರವಿದೆಯೋ, ಯಾವ ಪಕ್ಷದ ಮೇಲೆಯೂ ವಿಶ್ವಾಸವಿಲ್ಲವೋ ಅಂಥವರು, 2017 ರ ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿ ನೋಟಾ(None Of The Above) ಆಯ್ಕೆಯನ್ನು ಆರಿಸಿಕೊಳ್ಳಬಹುದು!

ಹೌದು, ಇದೇ ಮೊದಲ ಬಾರಿಗೆ ವಿಧಾನಸಭೆ ಚುನಾವಣೆಯಲ್ಲಿಯೂ ನೋಟಾ ಬಳಕೆಗೆ ಚುನಾವಣಾ ಆಯೋಗ ಅವಕಾಶ ನೀಡಿದೆ. 2014 ರ ಲೋಕಸಭೆ ಚುನಾವಣೆಯಲ್ಲಿ ನೋಟಾ ಆಯ್ಕೆಗೆ ಅವಕಾಶ ನೀಡಲಾಗಿತ್ತು. ಈ ಸಂದರ್ಭದಲ್ಲಿ 4.20 ಯಷ್ಟು ವೋಟುಗಳು ನೋಟಾ ಖಾತೆ ಸೇರಿದ್ದವು! ಅಂದರೆ ಯಾವ ಪಕ್ಷದ ಖಾತೆಗೂ ಸೇರಿರಲಿಲ್ಲ!

ಈ ನೋಟಾ ಆಯ್ಕೆ ಬಿಜೆಪಿಗೆ ಶಾಪವಾಗಲಿದೆ ಎಂಬ ಮಾತು ಹಲವೆಡೆಯಿಂದ ಕೇಳಿಬರುತ್ತಿದೆ. ಕಳೆದ ಚುನಾವಣೆಯಲ್ಲಿ ಬಿಜೆಪಿಗೆ ಮತಹಾಕಿದವರೂ ಈ ಬಾರಿ ಕೇಂದ್ರ ಬಿಜೆಪಿ ಸರ್ಕಾರದ ಜಿಎಸ್ ಟಿ ಮತ್ತು ನೋಟು ನಿಷೇಧದ ನಿರ್ಧಾರದಿಂದಾಗಿ ಬಿಜೆಪಿ ವಿರುದ್ಧ ಮುನಿಸಿಕೊಂಡಿದ್ದಾರೆ. ಅವರೆಲ್ಲ ಈ ಬಾರಿ ನೋಟಾ ಆಯ್ಕೆಯನ್ನು ಆರಿಸಿಕೊಳ್ಳುವ ಸಾಧ್ಯತೆಯನ್ನು ಅಲ್ಲಗಳೆಯುವಂತಿಲ್ಲ.

ಡಿಸೆಂಬರ್ 9 ಮತ್ತು 14 ರಂದು ನಡೆಯಲಿರುವ ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿ ನೋಟಾ ಮಾಡಿದ ಮ್ಯಾಜಿಕ್ ಏನು ಎಂಬುದು ಡಿ.18 ರ ಫಲಿತಾಂಶದ ದಿನದಂದು ತಿಳಿಯಲಿದೆ.

English summary

Those unhappy with GST could use the None of the Above option in the Gujarat assembly elections 2017. NOTA is being made available for the first time in the assembly polls in Gujarat. In the 2014 Lok Sabha elections NOTA was used by more than 4.20 lakh voters. Analysts are of the view that some caste groups and also sections of small and medium entrepreneurs, who seem to be unhappy with the BJP over the GST, may make use of NOTA.