ಹಬ್ಬಕ್ಕೆ ಮುಂಚೆ ಈ ಬಾರಿ ಪೆಟ್ರೋಲ್ ಬೆಲೆ ಕಡಿಮೆ?

ನವದೆಹಲಿ, ಸೆ.27: ಇನ್ನೇನು ನಾಡ ಹಬ್ಬ ಆರಂಭವಾಗಲಿದೆ. ಆಯುಧ ಪೂಜೆ ಸಂದರ್ಭದಲ್ಲಿ ಜನ ಸಮಾಧಾನಚಿತ್ತರಾಗಿ ತಮ್ಮ ವಾಹನಗಳಿಗೆ ಪೂಜೆ ಮಾಡಿಸಲೆಂದು ಈ ಬಾರಿ ಆ ಹಬ್ಬಕ್ಕೆ ಮುಂಚೆ ಪೆಟ್ರೋಲ್ ಬೆಲೆ ಕಡಿಮೆ ಮಾಡುವ ಲಕ್ಷಣಗಳಿವೆ.

ಹೌದು ಅಂತಾರಾಷ್ಟ್ರೀಯ ಆರ್ಥಿಕ ವಿದ್ಯಮಾನಗಳನ್ನು ಗಮನಿಸಿದರೆ/ ಗಣನೆಗೆ ತೆಗೆದುಕೊಂಡರೆ ಈ ಬಾರಿ ಪೆಟ್ರೋಲ್ ಬೆಲೆ ನಿರ್ಧಾರಣೆ ಮಾಡುವಾಗ ಕನಿಷ್ಠ 3 ರೂಪಾಯಿಯಾದರೂ ಬೆಲೆ ತಗ್ಗಿಸುವ ಆಲೋಚನೆ ನಡೆದಿದೆ. ಕೇಂದ್ರ ಸಚಿವ ವೀರಪ್ಪ ಮೊಯ್ಲಿ ಸಹ ಇದನ್ನು ಹೇಳಿದ್ದಾರೆ.

6 ತಿಂಗಳಲ್ಲಿ ಶೇ.11ರಷ್ಟು ಪೆಟ್ರೋಲ್ ಬೆಲೆ ಏರಿಕೆ: ವಿಶ್ವ ಮಾರುಕಟ್ಟೆಯಲ್ಲಿ ತೈಲ ಬೆಲೆ ತುಸು ಕಡಿಮೆಯಾಗಿರುವುದು ಮತ್ತು ರೂಪಾಯಿ ಮೌಲ್ಯ ತುಸು ಚೇತರಿಕೆ ಕಂಡಿರುವುದು ಪೆಟ್ರೋಲ್ ಬೆಲೆಯನ್ನು ನಿರ್ಧರಿಸಲಿದೆ.

ಒಂದು ವೇಳೆ ಈ ಬಾರಿ ಪೆಟ್ರೋಲ್ ಬೆಲೆಯನ್ನು ಕಡಿಮೆ ಮಾಡಿದರೆ ಕಳೆದ 6 ತಿಂಗಳಲ್ಲಿ ಮೊದಲ ಬಾರಿಗೆ ಬೆಲೆ ಇಳಿಕೆಯಾದಂತಾಗುತ್ತದೆ. ಮೇ 1ರಂದು ಪೆಟ್ರೋಲ್ ಬೆಲೆ ಮೂರು ರೂಪಾಯಿ ತಗ್ಗಿತ್ತು. ಈ ಮಧ್ಯೆ ಶೇ. 11ರಷ್ಟು ಪೆಟ್ರೋಲ್ ಬೆಲೆ ಏರಿಕೆಯಾಗಿದೆ.

English summary

Petrol price may be cut down ahead of festive season in October. The oil marketing companies will pass on to the consumer the recent twin benefits of the slight strengthening of the rupee against the US dollar and the drop in international petrol prices.