ನಿಮ್ಮ ನಗರದಲ್ಲಿ ಮಾರ್ಚ್ 28 ರಂದು ಪೆಟ್ರೋಲ್, ಡೀಸೆಲ್ ಬೆಲೆಗಳು ಎಷ್ಟಿವೆ, ಪರಿಶೀಲಿಸಿ

ನವದೆಹಲಿ, ಮಾರ್ಚ್. 28: ಸುಮಾರು ಒಂಬತ್ತು ತಿಂಗಳಿನಿಂದ ಇಂಧನ ಬೆಲೆಗಳು ಸ್ಥಿರವಾಗಿಯೇ ಇರುವುದರಿಂದ ಭಾರತದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು ಮಂಗಳವಾರವೂ ಯತಾಸ್ಥಿತಿ ಮುಂದುವರೆಸಿವೆ. ಮುಂಬೈನಲ್ಲಿ ಪ್ರಸ್ತುತ ಪೆಟ್ರೋಲ್ ಲೀಟರ್‌ಗೆ 106.31 ರೂ. ಮತ್ತು ಡೀಸೆಲ್‌ಗೆ 94.27 ರೂಪಾಯಿಯಿದೆ.

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ, ಪೆಟ್ರೋಲ್ ಪ್ರತಿ ಲೀಟರ್‌ಗೆ 96.72 ರೂ. ರಷ್ಟಿದ್ದರೆ, ಡೀಸೆಲ್ ಪ್ರತಿ ಲೀಟರ್‌ಗೆ 89.62 ರೂ.ನಷ್ಟಿದೆ. ಕೋಲ್ಕತ್ತಾದಲ್ಲಿ ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಕ್ರಮವಾಗಿ 106.03 ರೂ. ಮತ್ತು 92.76 ರೂಪಾಯಿ ಆಗಿದೆ. ಚೆನ್ನೈನಲ್ಲಿ ಪೆಟ್ರೋಲ್ 102.63 ರೂಪಾಯಿಗೆ ಮಾರಾಟವಾದರೆ, ಡೀಸೆಲ್ ಲೀಟರ್‌ಗೆ 94.24 ರೂಪಾಯಿಗೆ ಮಾರಾಟವಾಗುತ್ತಿದೆ. ಬೆಂಗಳೂರಿನಲ್ಲಿ ಪೆಟ್ರೋಲ್ ಪ್ರತಿ ಲೀಟರ್‌ಗೆ 101.94 ರೂ. ನಷ್ಟಿದ್ದರೆ, ಡೀಸೆಲ್ ಪ್ರತಿ ಲೀಟರ್‌ಗೆ 87.89 ರೂ.ನಷ್ಟಿದೆ

ಕಳೆದ ಮೇ 2022 ರಲ್ಲಿ ಕೇಂದ್ರವು ಪೆಟ್ರೋಲ್‌ಗೆ ಪ್ರತಿ ಲೀಟರ್‌ಗೆ 8 ರೂಪಾಯಿ ಮತ್ತು ಡೀಸೆಲ್‌ಗೆ 6 ರೂಪಾಯಿಯಷ್ಟು ಅಬಕಾರಿ ಸುಂಕವನ್ನು ಕಡಿತಗೊಳಿಸಿತ್ತು. ಅದೇ ಕೊನೆಯ ಇಂಧನ ಬೆಲೆ ಬದಲಾವಣೆ. ಇದಾದ ಬಳಿಕ ಕೆಲವು ರಾಜ್ಯಗಳು ಇಂಧನಗಳ ಮೇಲೆ ವ್ಯಾಟ್ ಬೆಲೆಗಳನ್ನು ಕಡಿಮೆ ಮಾಡಿದ್ದರೆ, ಕೆಲವು ಪೆಟ್ರೋಲ್ ಮತ್ತು ಡೀಸೆಲ್ ಮೇಲೆ ಸೆಸ್ ಅನ್ನು ಪರಿಚಯಿಸಿವೆ.

ಜುಲೈ 2022 ರಲ್ಲಿ, ಮಹಾರಾಷ್ಟ್ರವು ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಮೌಲ್ಯವರ್ಧಿತ ತೆರಿಗೆಯನ್ನು (ವ್ಯಾಟ್) ಪ್ರತಿ ಲೀಟರ್‌ಗೆ 5 ರೂಪಾಯಿ ಮತ್ತು 3 ರೂಪಾಯಿಯಷ್ಟು ಕಡಿತಗೊಳಿಸಿತು. ಪಂಜಾಬ್ ಪೆಟ್ರೋಲ್ ಮತ್ತು ಡೀಸೆಲ್ ಮೇಲೆ ಲೀಟರ್‌ಗೆ 90 ಪೈಸೆಯ ಸೆಸ್ ಅನ್ನು ತಂದಿದೆ. ಕೇರಳ ಪೆಟ್ರೋಲ್, ಡೀಸೆಲ್ ಮತ್ತು ಮದ್ಯದ ಮೇಲೆ ಸೆಸ್ ಘೋಷಿಸಿದೆ.

*ಇತರ ನಗರಗಳಲ್ಲಿನ ಇಂಧನ ದರಗಳು ಇಲ್ಲಿವೆ*

ನಗರ	ಪೆಟ್ರೋಲ್ (ರೂ.)	ಡೀಸೆಲ್ (ರೂ.)
ಲಕ್ನೋ	96.57	89.76
ಬೆಂಗಳೂರು	101.94	87.89
ಜೈಪುರ	108.48	93.72
ಭೋಪಾಲ್	108.65	93.90
ಗುರುಗ್ರಾಮ್	97.18	90.05

ಸ್ಥಳೀಯ ತೆರಿಗೆಗಳು, ಮೌಲ್ಯವರ್ಧಿತ ತೆರಿಗೆ (ವ್ಯಾಟ್) ಮತ್ತು ಸರಕು ಸಾಗಣೆ ಶುಲ್ಕಗಳನ್ನು ಅವಲಂಬಿಸಿ ಇಂಧನ ದರಗಳು ರಾಜ್ಯದಿಂದ ರಾಜ್ಯಕ್ಕೆ ಭಿನ್ನವಾಗಿರುತ್ತವೆ. ಪ್ರತಿದಿನ ಬೆಳಿಗ್ಗೆ 6 ಗಂಟೆಗೆ, ಸಾರ್ವಜನಿಕ ವಲಯದ ತೈಲ ಮಾರುಕಟ್ಟೆ ಕಂಪನಿಗಳು ವಿದೇಶಿ ವಿನಿಮಯ ದರಗಳು ಮತ್ತು ಅಂತರರಾಷ್ಟ್ರೀಯ ಮಾನದಂಡದ ಬೆಲೆಗಳ ಪ್ರಕಾರ ಪೆಟ್ರೋಲ್ ಮತ್ತು ಡೀಸೆಲ್ ವೆಚ್ಚಗಳನ್ನು ಪರಿಷ್ಕರಿಸುತ್ತದೆ. ತೈಲ ಮಾರುಕಟ್ಟೆಗಳು ಬ್ಯಾಂಕಿಂಗ್ ಬಿಕ್ಕಟ್ಟಿನ ಬೆಳವಣಿಗೆಗಳು ಮತ್ತು ಪೂರೈಕೆ ಕಾಳಜಿ ಮತ್ತು ಬೇಡಿಕೆಯನ್ನು ಬಲಪಡಿಸುವ ಸೂಚನೆಗಳ ಮೇಲೆ ಕೇಂದ್ರೀಕರಿಸುತ್ತವೆ.

ಇನ್ನು, ತೈಲ ಮಾರುಕಟ್ಟೆ ಕಂಪನಿಗಳು (ಒಎಂಸಿ) ಕಳೆದ ತ್ರೈಮಾಸಿಕಗಳಲ್ಲಿ ಹೆಚ್ಚಿನ ಕಚ್ಚಾ ಬೆಲೆಗಳಿಂದ ಉಂಟಾದ 18,000 ಕೋಟಿ ರೂಪಾಯಿಗಳ ನಷ್ಟದಿಂದ ಕಚ್ಚಾ ತೈಲ ಬೆಲೆಯಲ್ಲಿನ ಇಳಿಕೆಯಾಗಿದೆ. ಈ ಹಿನ್ನೆಲೆಯಲ್ಲಿ ಭಾರತವು ಕೂಡ ಇಂಧನ ವೆಚ್ಚವನ್ನು ಶೀಘ್ರದಲ್ಲೇ ಕಡಿಮೆ ಮಾಡಬಹುದು, ಇದರಿಂದ ಇಂಧನ ಬೆಲೆ ಕಡಿಮೆಯಾಗಬಹದು ಎಂಬ ಊಹಾಪೋಹಕ್ಕೆ ಕಾರಣವಾಗಿದೆ.

ಸಿಲಿಕಾನ್ ವ್ಯಾಲಿ ಬ್ಯಾಂಕ್ ಮತ್ತು ಸಿಗ್ನೇಚರ್ ಬ್ಯಾಂಕ್ ಸೇರಿದಂತೆ ಅಮೇರಿಕನ್ ಬ್ಯಾಂಕ್ ವೈಫಲ್ಯಗಳ ಪರಿಣಾಮವಾಗಿ ಬ್ರೆಂಟ್ ಕಚ್ಚಾ ತೈಲದ ಬ್ಯಾರೆಲ್ ಬೆಲೆ 100 ಡಾಲರ್‌ನಿಂದ 75.03 ಡಾಲರ್‌ಗೆ ಇಳಿದಿದೆ. ದೇಶದಲ್ಲಿ ಮೇ 2022 ರಿಂದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಅಬಕಾರಿ ಶುಲ್ಕವನ್ನು ಕಡಿಮೆ ಮಾಡುವ ಮೂಲಕ ಪೆಟ್ರೋಲ್‌ಗೆ ಲೀಟರ್‌ಗೆ 8 ರೂ ಮತ್ತು ಡೀಸೆಲ್‌ಗೆ 6 ರೂ.ಗಳಷ್ಟು ಬೆಲೆಯನ್ನು ಇಳಿಸಿದ್ದರು. ಅಂದಿನಿಂದ ದೇಶದಲ್ಲಿ ಇಂಧನ ಬೆಲೆಗಳು ಸ್ಥಿರವಾಗಿವೆ.

English summary

Petrol and diesel prices in India continued to stagnate on Tuesday. Check rates in your city. Know more.