ಬೆಂಗಳೂರು: ನಗರದ ಸ್ವಚ್ಚತೆಗಾಗಿ ಪೌರಕಾರ್ಮಿಕರಿಗೆ 815 ಕ್ಲಿನಿಂಗ್ ಯಂತ್ರ ನೀಡಲಿರುವ ಬಿಬಿಎಂಪಿ
ಬೆಂಗಳೂರು, ಡಿಸೆಂಬರ್ 16: ಬೆಂಗಳೂರು ಸ್ವಚ್ಚಗೊಳಿಸುವ ಪೌರ ಕಾರ್ಮಿಕರಿಗೆ ಕೆಲಸವನ್ನು ಇನ್ನಷ್ಟು ಸುಲಭಗೊಳಿಸುವ ನಿಟ್ಟಿನಲ್ಲಿ ಬಿಬಿಎಂಪಿ 815 ವ್ಯಾಕ್ಯೂಮ್ ಕ್ಲೀನರ್ಗಳನ್ನು ಖರೀದಿಸಲು ಟೆಂಡರ್ ಆಹ್ವಾನಿಸಿದೆ. ಈಗಾಗಲೇ ಪ್ರಾಯೋಗಿಕವಾಗಿ ಈ ಕಸ ಗುಡಿಸುವ ಯಂತ್ರ ಯಶಸ್ವಿಯಾಗಿದೆ.
ಒಂದು ಯಂತ್ರವು ಕಸ, ಕಡ್ಡಿ ಸೇರಿದಂತೆ ಸುಮಾರು 5 ಕೆ.ಜಿ ಧೂಳು ಹಿಡಿದುಟ್ಟುಕೊಳ್ಳುವ ಸಾಮರ್ಥ್ಯ ಹೊಂದಿದೆ. ಪೌರ ಕಾರ್ಮಿಕರು ಬಳಸುವ ಪೊರಕೆಗೆ ಹೋಲಿಸಿದರೆ ಯಂತ್ರವು ಕೆಲಸದ ಹೊರೆ ಕಡಿಮೆ ಮಾಡುತ್ತದೆ. ಬಿಬಿಎಂಪಿಯು ಇತ್ತೀಚೆಗೆ ಪೌರಕಾರ್ಮಿಕರಿಗೆ ಈ ಯಂತ್ರ ನೀಡಿ ಪ್ರಯೋಗ ನಡೆಸಿತ್ತು. ಅದರಲ್ಲಿ ಯಶಸ್ವಿಯಾಗಿದ್ದು, ಪೌರಕಾರ್ಮಿಕರು ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆ. ಅವರಿಗೆ ಈ ಕಸ ಗುಡಿಸುವ ಯಂತ್ರವನ್ನು ಹೆಚ್ಚು ಇಷ್ಟ ಪಟ್ಟಿದ್ದಾರೆ ಎಂದು ಬಿಬಿಎಂಪಿ ಹೇಳಿಕೊಂಡಿದೆ.
ಈ ಕಾರಣದಿಂದ ಬಿಬಿಎಂಪಿ ಒಟ್ಟು 815 ವ್ಯಾಕ್ಯೂಮ್ ಕ್ಲೀನರ್ ಖರೀದಿಸಲು ಟೆಂಡರ್ಗೆ ಕರೆದಿದೆ. ಪೌರಕಾರ್ಮಿಕರಿಗೆ ದೈನಂದಿನ ಕೆಲಸಕ್ಕೆ ಈ ಯಂತ್ರ ಹೆಚ್ಚು ನೆರವಾಗಲಿದೆ. ಪೊರಕೆ ಬಳಸುವಾಗ ಕಾರ್ಮಿಕರು ಬಾಗದಬೇಕಿತ್ತು. ಆದರೆ ಚಕ್ರ ಇರುವ ಈ ಯಂತ್ರದ ಬಂಡಿಯನ್ನು ತಳ್ಳಬೇಕಿದ್ದು, ಸ್ವಚ್ಛತಾ ಕೆಲಸುವ ಹೆಚ್ಚುಬೇಗ ಆಗುತ್ತದೆ ಎಂದು ಬಿಬಿಎಂಪಿ ಹೇಳಿಕೊಂಡಿದೆ.
ಶೀಘ್ರವೇ ಯಂತ್ರಗಳಿಂದ ರಸ್ತೆ ಸ್ವಚ್ಚತೆ
ಬಿಬಿಎಂಪಿ ಹಿರಿಯ ಅಧಿಕಾರಿಯೊಬ್ಬರು ಈ ವಿಚಾರವಾಗಿ ಪ್ರತಿಕ್ರಿಯಿಸಿ, ಯಂತ್ರವು ಬೀದಿಗಳನ್ನು ಸ್ವಚ್ಛಗೊಳಿಸುವ ಸಮಯ ಮತ್ತು ಪೌರಕಾರ್ಮಿಕರ ಶ್ರಮ ಕಡಿಮೆ ಮಾಡುತ್ತದೆ. ಹೀಗಾಗಿ ಯಂತ್ರಗಳನ್ನು ಖರೀದಿಸಲು ನಿರ್ಧರಿಸಿದ್ದೇವೆ. ನಂತರ ಬಿಬಿಎಂಪಿ ವ್ಯಾಪ್ತಿಯಲ್ಲಿ ಕೆಲಸ ಮಾಡುವ ಎಲ್ಲ ಪೌರಕಾರ್ಮಿಕರಿಗೆ ಹಂತಹಂತವಾಗಿ ಇದೇ ರೀತಿಯ ಯಂತ್ರಗಳನ್ನು ವಿತರಿಸಲಿದ್ದೇವೆ ಎಂದರು.
ಬಿಬಿಎಂಪಿಯು ವ್ಯಾಕ್ಯೂಮ್ ಕ್ಲೀನರ್ಗಳಂತೆಯೇ 815 ಸ್ವೀಪಿಂಗ್ ಯಂತ್ರಗಳನ್ನು ಖರೀದಿಸಲು ನಿರ್ಧರಿಸಿದೆ. ಆದಷ್ಟು ಶೀಘ್ರವೇ ಇದೇ ಮೊದಲ ಬಾರಿಗೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ)ಯು ಪೌರಕಾರ್ಮಿಕರಿಗೆ ಯಂತ್ರ ನೀಡಲಿವೆ. ಇನ್ನುಮುಂದೆ ಕಾರ್ಮಿಕರು ನಗರದ ರಸ್ತೆಗಳನ್ನು ಸ್ವಚ್ಛಗೊಳಿಸಲು ಪೊರಕೆಗಳ ಬದಲಾಗಿ 'ಕೈಯಾರೆ ತಳ್ಳುವ ಸ್ವೀಪಿಂಗ್ ಯಂತ್ರ ಬಳಸಲಿದ್ದಾರೆ.
ಯಂತ್ರದ ವಿಶೇಷತೆ ಏನು?, ಕೆಲಸ ಹೇಗೆ?
ಬಿಬಿಎಂಪಿ ಪ್ರಕಾರ ಹಸ್ತಚಾಲಿತವಾಗಿ ತಳ್ಳುವ ಸ್ವೀಪಿಂಗ್ ಯಂತ್ರಗಳು ಪ್ರತಿ ಯಂತ್ರಕ್ಕೆ ಸರಿಸುಮಾರು 40,000 ರೂ. ವೆಚ್ಚವಾಗಲಿದೆ. ಯಂತ್ರಕ್ಕೆ ವಿದ್ಯುತ್ ಅಥವಾ ಇಂಧನ ಅಗತ್ಯವಿಲ್ಲ ಮತ್ತು ಮಾನವಶಕ್ತಿಯ ಮೇಲೆ ಕೆಲಸ ಮಾಡುತ್ತದೆ.
ಯತ್ರದ ಪ್ರತಿ ಮೂಲೆಯಲ್ಲಿ ನಾಲ್ಕು ಬ್ರಷ್ಗಳು ಮತ್ತು ಗಾಡಿಯ ಕೆಳಗೆ ಎರಡು ಬ್ರಷ್ಗಳು ಅಳವಡಿಸಲಾಗಿದೆ. ಅದರಿಂದಲೇ ರಸ್ತೆಯಲ್ಲಿನ ಧೂಳಿನ ಕಣಗಳನ್ನು ಕಾರ್ಟ್ನ ತ್ಯಾಜ್ಯ ಪೆಟ್ಟಿಗೆಯೊಳಗೆ ಎಳೆಯಲಾಗುತ್ತದೆ. ಯಂತ್ರಕ್ಕೆ ಎರಡು ಚಿಕ್ಕ ಚಕ್ರಗಳು ಮತ್ತು ಬಂಡಿಯನ್ನು ತಳ್ಳಲು ಹ್ಯಾಂಡಲ್ ಹೊಂದಿದೆ.
ಯಂತ್ರವು ಸುಮಾರು 5 ಕೆಜಿ ಧೂಳನ್ನು ಹಿಡಿದಿಟ್ಟುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಬಿಬಿಎಂಪಿ ಹೇಳಿದೆ.
ಯಂತ್ರವು ಧೂಳು, ಸಣ್ಣ ಕಲ್ಲುಗಳು, ಎಲೆ, ಸಣ್ಣ ಪ್ಲಾಸ್ಟಿಕ್ ಮತ್ತು ಕಾಗದದ ವಸ್ತುಗಳನ್ನು ಸಂಗ್ರಹಿಸುತ್ತದೆ. ದಿನಕ್ಕೆ ಕನಿಷ್ಠ ಒಂದು ಕಿಲೋಮೀಟರ್ ಬಳಸಲು ಯೋಗ್ಯವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸದ್ಯ ಬೆಂಗಳೂರಿನಲ್ಲಿ ಒಟ್ಟು ಸುಮಾರು 16,000 ಪೌರಕಾರ್ಮಿಕರು ನಗರದ ಸ್ವಚ್ಚತೆಯಲ್ಲಿ ತೊಡಗಿದ್ದಾರೆ. ಮೊದಲ ಹಂತದಲ್ಲಿರನ್ನು ಬೀದಿ ಗುಡಿಸಲು ನಿಯೋಜಿಸಲಾಗಿದೆ. ಮೊದಲ ಹಂತದಲ್ಲಿ 815 ಕಾರ್ಮಿಕರಿಗೆ ಸ್ವೀಪಿಂಗ್ ಯಂತ್ರ ಸಿಗಲಿವೆ.
-
ತಿಂಗಳಿಗೆ 10 ಸಾವಿರ ರೂ. ಥೆರಪಿಗೆ, 3 ಸಾವಿರ ನೇಲ್ ಆರ್ಟ್ಗೆ! ಬೆಂಗಳೂರು ಯುವತಿಯ 'Gen Z’' ಖರ್ಚಿನ ಪಟ್ಟಿ Viral -
Bengaluru: ಶ್ರೀರಾಮ ನವಮಿ ಹಬ್ಬದ ಪ್ರಯುಕ್ತ ಮಾ.27ರಂದು ನಗರದಲ್ಲಿ ಮಾಂಸ ಮಾರಾಟ ಬಂದ್ಗೆ GBA ಆದೇಶ -
Karnataka Weather: ಇಂದು ಕರಾವಳಿ, ಉತ್ತರ ಹಾಗೂ ದಕ್ಷಿಣ ಒಳನಾಡಿನ ಹಲವೆಡೆ ಗುಡುಗು ಸಹಿತ ಮಳೆ ಸಾಧ್ಯತೆ -
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
Ananya Birla: ಆರ್ಸಿಬಿ ಅಭಿಮಾನಿಗಳು ಹಾಗೂ ಸಹೋದರನಿಗೆ ಅನನ್ಯಾ ಬಿರ್ಲಾ ವಿಶೇಷ ಸಂದೇಶ -
Karnataka Weather: ಬಿಸಿಲಿನಿಂದ ಕಂಗೆಟ್ಟಿದ್ದ ಕರುನಾಡಿಗೆ ತಂಪೆರೆಯಲಿದ್ದಾನೆ ವರುಣ; ಎಲ್ಲೆಲ್ಲಿ ಮಳೆ? ಇಲ್ಲಿದೆ ಮಾಹಿತಿ -
ಬೆಂಗಳೂರು ಉತ್ತರ: ಮಳೆಗಾಲಕ್ಕೂ ಮುನ್ನ ಮುನ್ನೆಚ್ಚರಿಕೆ ಕ್ರಮ, ರಸ್ತೆ ಅಗಲೀಕರಣ, ಟಿ.ಡಿ.ಆರ್ ಬಗ್ಗೆ ಮಹತ್ವದ ಚರ್ಚೆ -
Bengaluru: 50 ವಾರ್ಡ್ಗಳಲ್ಲಿ ಕಸ ವಿಲೇವಾರಿ ಸ್ಥಗಿತ; ವೇತನ ವಿಳಂಬಕ್ಕೆ ಮುನಿದು ಸಾಮೂಹಿಕ ರಜೆ ಹಾಕಿದ ಕಾರ್ಮಿಕರು -
Gold Rate: ದಿಢೀರ್ ಏರಿಕೆ ಕಂಡ ಬಂಗಾರದ ಬೆಲೆ; ಬೆಂಗಳೂರಿನಲ್ಲಿ ಚಿನ್ನದ ದರ ಹೀಗಿದೆ.. -
Expressway: ಏಪ್ರಿಲ್ 1ರಿಂದ ರಾಜ್ಯಾದ್ಯಂತ ಟೋಲ್ ದರ ಏರಿಕೆ; ಬೆಂಗಳೂರು-ಮೈಸೂರು ಸೇರಿ ಈ ಪ್ರಮುಖ ಹೆದ್ದಾರಿಗಳಲ್ಲಿ ಸಂಚಾರ ದುಬಾರಿ -
ಐಪಿಎಲ್ಗೂ ಮುನ್ನ ಆರ್ಸಿಬಿ ಹೊಸ ದಾಖಲೆ: 16,000 ಕೋಟಿಗೆ ಆದಿತ್ಯ ಬಿರ್ಲಾ ಗ್ರೂಪ್ ಪಾಲಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು -
Karnataka Rains: ಧಾರಾಕಾರ ಮಳೆ! 7 ಜಿಲ್ಲೆಗಳಿಗೆ 'ಆರೆಂಜ್', 15ಕ್ಕೂ ಹೆಚ್ಚು ಜಿಲ್ಲೆಗಳಿಗೆ 'ಯೆಲ್ಲೋ' ಅಲರ್ಟ್
Click it and Unblock the Notifications
Sign in with Google