ಕಾಮನ್ ವೆಲ್ತ್ ಕ್ರೀಡೆಗೆ ಆನ್ ಲೈನ್ ಟಿಕೆಟ್

ನವದೆಹಲಿ, ಅ.3: ಹಲವಾರು ವಿವಾದಗಳ ಧೂಳನ್ನು ಮೈ ಮೇಲೆ ಹಾಕಿಕೊಂಡಿದ್ದ 19 ನೇ ಕಾಮನ್ ವೆಲ್ತ್ ಕ್ರೀಡಾಕೂಟದ ಆಯೋಜಕರು, ಮೈಕೊಡವಿಕೊಂಡು ಮೇಲೆದ್ದಿದ್ದಾರೆ. ಇಂದು ರಾತ್ರಿ 7 ಗಂಟೆಗೆ ಎಪ್ಪತ್ತು ಸಾವಿರ ಕೋಟಿ ರೂ ವೆಚ್ಚದ ಈ ಮಹಾನ್ ಕ್ರೀಡಾಕೂಟಕ್ಕೆ ವಿಧ್ಯುಕ್ತವಾಗಿ ಚಾಲನೆ ದೊರೆಯಲಿದೆ. ಬ್ರಿಟನ್ ಮಹಾರಾಣಿಯ ಪರವಾಗಿ ರಾಜಕುಮಾರ ಚಾರ್ಲ್ಸ್ ಕ್ವೀನ್ಸ್ ಬೇಟನ್ ಪಡೆದು, ಕ್ರೀಡಾ ಕೂಟವನ್ನು ಉದ್ಘಾಟಿಸಲಿದ್ದಾರೆ.

ಈಗಾಗಲೇ ಕ್ರೀಡಾಕೂಟ ಉದ್ಘಾಟನಾ ಸಮಾರಂಭ ನಡೆಯುತ್ತಿರುವ ಜವಹರಲಾಲ್ ನೆಹರೂ ಕ್ರೀಡಾಂಗಣಕ್ಕೆ ಜನರು ಮುಗಿಬಿದ್ದು ಬರುತ್ತಿದ್ದಾರೆ. ಸುಮಾರು 17 ಕ್ಕೂ ಹೆಚ್ಚು ಸ್ಪರ್ಧೆಗಳನ್ನು ನೋಡಲು ಜನರು ಟಿಕೆಟ್ ಖರೀದಿಯಲ್ಲಿ ನಿರತರಾಗಿದ್ದಾರೆ. ಆನ್ ಲೈನ್ ಮೂಲಕ ಟಿಕೆಟ್ ಖರೀದಿಗೆ ವಿಫುಲ ಅವಕಾಶ ಒದಗಿಸಲಾಗಿದ್ದು, 1ಸಾವಿರರು ನಿಂದ ಟಿಕೆಟ್ ಬೆಲೆ ಆರಂಭವಾಗುತ್ತದೆ.

ಕಾಮನ್ ವೆಲ್ತ್ ಕ್ರೀಡಾಕೂಟದ ಅಧಿಕೃತ ವೆಬ್ ತಾಣ ದ ಆನ್ ಲೈನ್ ಮೂಲಕ ಟಿಕೆಟ್ ಖರೀದಿಸಬಹುದಾಗಿದೆ, ಸಾವಿರ ರು ನಿಂದ ಹಿಡಿದು 50 ಸಾವಿರ ಮುಖಬೆಲೆಯ ಟಿಕೆಟ್ ಗಳಿದ್ದರೂ, ಜನರ ಬೇಡಿಕೆ ಹೆಚ್ಚುತ್ತಿದೆ.

ವಿವಿಧ ಪ್ಯಾಕೇಜ್ ಗಳಲ್ಲಿ ಟಿಕೆಟ್ ಗಳು ಲಭ್ಯವಿದ್ದು, ರು 50 ರಿಂದ 1000 ರು ವರೆಗಿನ ಪ್ಯಾಕೇಜ್ ಮೂಲಕ ಎಲ್ಲಾ ಸ್ಪರ್ಧೆಗಳನ್ನು ವೀಕ್ಷಿಸುವ ಅವಕಾಶ ನೀಡಲಾಗಿದೆ ಎಂದು ಆನ್ ಲೈನ್ ಟಿಕೆಟ್ ಖರೀದಿ ಸೌಲಭ್ಯ ಉದ್ಘಾಟಿಸಿದ ಕ್ರೀಡಾಕೂಟದ ಮುಖ್ಯಸ್ಥ ಸುರೇಶ್ ಕಲ್ಮಾಡಿ ಹೇಳಿದರು.

19 ನೇ ಕಾಮನ್ ವೆಲ್ತ್ ಗೇಮ್ಸ್ ಮುಖ್ಯಾಂಶಗಳು

ಟಿಕೆಟ್ ಖರೀದಿದಾರರಿಗೆ ಅನುಕೂಲಕ್ಕಾಗಿ ವಿಶೇಷ ದೂರವಾಣಿ ಸಂಖ್ಯೆ (1800-200-1294) ಯನ್ನು ನೀಡಲಾಗಿದ್ದು, ಟಿಕೆಟ್ ಖರೀದಿ ಹಾಗೂ ವಸತಿ, ಪ್ರವಾಸದ ಬಗ್ಗೆ ಅಗತ್ಯ ಮಾಹಿತಿ ನೀಡಲು ಸಿದ್ಧವಾಗಿದೆ.

ಸೆಲ್ ಫೋನಿನಲ್ಲಿ ದಟ್ಸ್ ಕನ್ನಡ ಓದುವ ಸಂಭ್ರಮ