ಯುನೆಸ್ಕೋ ವಿಶ್ವ ಪರಂಪರೆಯ ಸ್ಥಾನ ಪಡೆದಿರುವ ಸುಂದರ ರೈಲ್ವೆ ನಿಲ್ದಾಣಗಳು

Published: Sunday, November 20, 2022, 18:10 [IST]

ಭಾರತೀಯ ರೈಲ್ವೆಯ ಇತಿಹಾಸವು 177 ವರ್ಷಗಳಷ್ಟು ಹಳೆಯದು. ಇದರ ಅಡಿಪಾಯವನ್ನು 1877ರಲ್ಲಿ ಬ್ರಿಟಿಷರ ಅವಧಿಯಲ್ಲಿ ಮೊದಲ ಹಳಿಗಳನ್ನು ಇಲ್ಲಿ ಕಾಣಲಾಯಿತು. ಇಂದು ಇದು ವಿಶ್ವದ ಅತ್ಯಂತ ಜನನಿಬಿಡ ಮತ್ತು ಅಗ್ಗದ ರೈಲ್ವೆ ಮಾರ್ಗಗಳಲ್ಲಿ ಒಂದಾಗಿದೆ. ಭಾರತದಲ್ಲಿ ಹೆಚ್ಚಿನ ಜನರು ರೈಲಿನಲ್ಲಿ ಪ್ರಯಾಣಿಸಲು ಬಯಸುತ್ತಾರೆ.

ನಮ್ಮ ದೇಶದಲ್ಲಿ ಕೆಲವು ಹಳೆಯ ರೈಲು ಮಾರ್ಗಗಳು, ಸೇತುವೆಗಳು ಮತ್ತು ನಿಲ್ದಾಣಗಳು ರೈಲ್ವೆಯ ಶ್ರೀಮಂತ ಇತಿಹಾಸವನ್ನು ಸಂರಕ್ಷಿಸುತ್ತವೆ. ಇವುಗಳಲ್ಲಿ ಕೆಲವು ರೈಲು ನಿಲ್ದಾಣಗಳು ಯುನೆಸ್ಕೋ ವಿಶ್ವ ಪರಂಪರೆಯಲ್ಲಿ ಸ್ಥಾನಮಾನವನ್ನು ಪಡೆದುಕೊಂಡಿವೆ.

ಈ ಐತಿಹಾಸಿಕ ರೈಲು ನಿಲ್ದಾಣಗಳು ಮತ್ತು ದೇಶದ ರೈಲ್ವೆ ಮಾರ್ಗಗಳ ಬಗ್ಗೆ ನೀವು ತಿಳಿಯಬಹುದು. ಈ ರೈಲ್ವೆ ನಿಲ್ದಾಣಗಳನ್ನು ಪ್ರವಾಸಿ ತಾಣಗಳೆಂದು ಕೂಡಾ ಕರೆಯಲಾಗುತ್ತದೆ ಏಕೆಂದರೆ ಈ ರೈಲು ನಿಲ್ದಾಣಗಳು ಹಳೆಯ ಐತಿಸಾಸಿಕ ಪರಂಪರೆ ಹೊಂದಿವೆ.

ಜೊತೆಗೆ ಭಾರತದ ಐತಿಹಾಸಿಕ ಪರಂಪರೆಯನ್ನು ಈ ರೈಲು ನಿಲ್ದಾಣಗಳಿಗೆ ಸಾಕಷ್ಟು ಪ್ರಯಾಣಿಕರು ಹಾಗೂ ಪ್ರವಾಸಿಗರು ಪ್ರಯಾಣಿಸುತ್ತಾರೆ. ಪ್ರವಾಸಿ ತಾಣಗಳ ಮಾರ್ಗವಾಗಿ ಕಾಣುವ ಈ ಸುಂದರ ನಿಲ್ದಾಣಗಳು ಜನರು ತುಂಬಾ ಇಷ್ಟ ಪಡುತ್ತಾರೆ.

ನೀಲಗಿರಿ ಮೌಂಟೇನ್ ರೈಲ್ವೆ ನಿಲ್ದಾಣ

ತಮಿಳುನಾಡು ಪ್ರವಾಸೋದ್ಯಮದಲ್ಲಿ ಈ ರೈಲು ಪ್ರಸಿದ್ಧ ತಾಣವಾಗಿದೆ. ತಮಿಳುನಾಡಿನ ನೀಲಗಿರಿ ಜಿಲ್ಲೆಯಲ್ಲಿ 1,000 ಎಂಎಂ ಗೇಜ್ ರೈಲು ಮಾರ್ಗವಿದೆ. ಈ ರೈಲುಮಾರ್ಗವು ಊಟಿಯ ಸುಂದರ ಪರ್ವತಗಳ ಮೂಲಕ ಹಾದು ಕುನ್ನೂರ್ ಮೂಲಕ ಮೆಟ್ಟುಪಾಳ್ಯಂ ತಲುಪುತ್ತದೆ. ಏತನ್ಮಧ್ಯೆ, ಪ್ರವಾಸಿಗರು ಮಂಜಿನಿಂದ ಆವೃತವಾದ ಬೆಟ್ಟಗಳು, ಹಚ್ಚ ಹಸಿರಿನ ಭೂಮಿಗಳು, ದಟ್ಟವಾದ ಕಾಡುಗಳು ಮತ್ತು ಕಿರಿದಾದ ಕಣಿವೆಗಳ ಅದ್ಭುತ ನೋಟಗಳನ್ನು ನೋಡುತ್ತಾರೆ. ಈ ಟಾಯ್ ಟ್ರೈನ್ ಅನ್ನು ಬ್ರಿಟಿಷರು ಪ್ರಾರಂಭಿಸಿದರು. 2005 ರಲ್ಲಿ UNESCO ವಿಶ್ವ ಪರಂಪರೆಯ ತಾಣದ ಸ್ಥಾನಮಾನವನ್ನು ನೀಡಿತು.

ಡಾರ್ಜಿಲಿಂಗ್ ಹಿಮಾಲಯನ್

ಡಾರ್ಜಿಲಿಂಗ್ ಹಿಮಾಲಯನ್ ರೈಲ್ವೆ ನಿಲ್ದಾಣವನ್ನು 1879 ಮತ್ತು 1881ರ ನಡುವೆ ಬ್ರಿಟಿಷರು ನಿರ್ಮಿಸಿದರು. ಡಾರ್ಜಿಲಿಂಗ್ ಹಿಮಾಲಯನ್ ರೈಲ್ವೆ ಮಾರ್ಗವು ನ್ಯೂ ಜಲ್ಪೈಗುರಿ ಮತ್ತು ಡಾರ್ಜಿಲಿಂಗ್ ನಡುವೆ ಇದೆ. ಇದು 2 ಅಡಿ ಗೇಜ್ ರೈಲು ಮಾರ್ಗವಾಗಿದ್ದು, ಸುಮಾರು 88 ಕಿ.ಮೀ. ಈ ರೈಲು ಮಾರ್ಗಕ್ಕೆ 1999ರಲ್ಲಿ ಯುನೆಸ್ಕೋ (UNESCO) ವಿಶ್ವ ಪರಂಪರೆಯ ಸ್ಥಾನಮಾನವನ್ನು ನೀಡಲಾಯಿತು. ಈ ಗೌರವವನ್ನು ಪಡೆದ ಏಷ್ಯಾದ ಮೊದಲ ರೈಲ್ವೆ ಮಾರ್ಗವು ಇದಾಗಿದೆ.

ಶಿವಾಜಿ ಮಹಾರಾಜ್ ಟರ್ಮಿನಸ್

ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಸ್ ಈ ರೈಲು ನಿಲ್ದಾಣವು ಮೊದಲು ವಿಕ್ಟೋರಿಯಾ ಟರ್ಮಿನಸ್ ನಿಲ್ದಾಣ ಎಂದು ಕರೆಯಲಾಗುತ್ತಿತ್ತು. ಮುಂಬೈನ ಈ ರೈಲು ನಿಲ್ದಾಣವು ವಿಕ್ಟೋರಿಯನ್ ಗೋಥಿಕ್ ಪುನರುಜ್ಜೀವನದ ವಾಸ್ತುಶಿಲ್ಪದ ಅದ್ಭುತ ಉದಾಹರಣೆಯಾಗಿದೆ. ಈ ರೈಲು ನಿಲ್ದಾಣವು ಬ್ರಿಟಿಷ್ ವಾಸ್ತುಶಿಲ್ಪಿ ಸ್ಟೀವನ್ಸ್ ವಿನ್ಯಾಸಗೊಳಿಸಿದರು. ಇದನ್ನು ನಿರ್ಮಿಸಲು 10 ವರ್ಷಗಳು ಬೇಕಾಯಿತು. 1996ರಲ್ಲಿ ಮಹಾನ್ ಮರಾಠ ಚಕ್ರವರ್ತಿ ಶಿವಾಜಿಯ ಗೌರವಾರ್ಥವಾಗಿ ಈ ನಿಲ್ದಾಣವನ್ನು ಛತ್ರಪತಿ ಶಿವಾಜಿ ಟರ್ಮಿನಸ್ ಎಂದು ಮರುನಾಮಕರಣ ಮಾಡಲಾಯಿತು.

ಕಲ್ಕಾ ಶಿಮ್ಲಾ ರೈಲ್ವೆ ನಿಲ್ದಾಣ

ಬ್ರಿಟಿಷರ ಕಾಲದಲ್ಲಿ ಶಿಮ್ಲಾ ಭಾರತದ ಬೇಸಿಗೆಯ ರಾಜಧಾನಿಯಾಗಿತ್ತು. ಕಲ್ಕಾ ಶಿಮ್ಲಾದ ರೈಲುಮಾರ್ಗವನ್ನು 1898 -1903ರ ನಡುವೆ ನಿರ್ಮಿಸಲಾಯಿತು. ಇದು ಹಿಮಾಚಲ ಪ್ರದೇಶದ ಕಲ್ಕಾ ಮತ್ತು ಶಿಮ್ಲಾ ಮೌಂಟೇನ್ ಪಾಸ್ ನಡುವಿನ 96.6 ಕಿ.ಮೀ ಉದ್ದದ ನ್ಯಾರೋ ಗೇಜ್ ರೈಲು ಮಾರ್ಗವಾಗಿದೆ. ಈ ರೈಲ್ವೇಯಲ್ಲಿ 800ಕ್ಕೂ ಹೆಚ್ಚು ಸಣ್ಣ ಮತ್ತು ದೊಡ್ಡ ಸೇತುವೆಗಳನ್ನು ನಿರ್ಮಿಸಲಾಗಿದೆ. ಪ್ರವಾಸಿಗರು ಇಲ್ಲಿಂದ ಹಿಮಾಲಯ ಶ್ರೇಣಿಗಳ ಅದ್ಭುತ ನೋಟಗಳನ್ನು ವೀಕ್ಷಿಸಬಹುದು.

ಕಲ್ಕಾದಿಂದ ನೀವು ಶಿಮ್ಲಾದವರಿಗೆ ಈ ವಿಶೇಷ ರೈಲಿನಲ್ಲಿ ಪ್ರಯಾಣಿಸಬಹದು. ಟಿಕೆಟ್‌ಗಳನ್ನು ನೀವು ಕಲ್ಕಾ ರೈಲು ನಿಲ್ದಾಣದಲ್ಲಿ ಅಥವಾ ರೈಲ್ವೆ ಇಲಾಖೆ ವೆಬ್‌ಸೈಟ್‌ನಲ್ಲಿ ಆನ್‌ಲೈನ್‌ ಮೂಲಕ ಟಿಕೆಟ್‌ ಪಡೆದುಕೊಳ್ಳಬಹುದು. ಈ ರೈಲಿನಲ್ಲಿ ಪ್ರಯಾಣಿಸಲು ಸಾಕಷ್ಟು ಸಂಖ್ಯೆಯಲ್ಲಿ ಪ್ರಯಾಣಿಕರು, ಪ್ರವಾಸಿಗರು ಆಗಮಿಸುತ್ತಾರೆ ಹಾಗಾಗಿ 15 ದಿನ ಮುಂಚೆಯೇ ಟಕೆಟ್‌ಗಳನ್ನು ಬುಕ್‌ ಮಾಡಬೇಕಾಗುತ್ತದೆ.