Viral Video: ಪೋಷಕರಿಗೆ ಹೊಸ ಕಾರು ಗಿಫ್ಟ್ ಮಾಡಿದ ಹೆಣ್ಣುಮಕ್ಕಳು, ನೆಟ್ಟಿಗರ ಹೃದಯ ಗೆದ್ದ ಈ ವಿಡಿಯೋ
ಬೆಂಗಳೂರು: ಹೆಣ್ಣುಮಕ್ಕಳು ಎಂದರೆ ಮನೆಗೆ ಮಹಾಲಕ್ಷ್ಮಿ ಎನ್ನುವ ಮಾತಿದೆ. ಇದೀಗ ಇಬ್ಬರು ಹೆಣ್ಣುಮಕ್ಕಳು ತಮ್ಮ ಪೋಷಕರಿಗೆ ಹೊಚ್ಚ ಹೊಸ ಕಾರನ್ನು ಅಚ್ಚರಿಯ ಉಡುಗೊರೆಯಾಗಿ ನೀಡಿರುವ ಅತ್ಯಂತ ಭಾವುಕ ವಿಡಿಯೋವೊಂದು ಅಂತರ್ಜಾಲದಲ್ಲಿ ಭಾರೀ ವೈರಲ್ ಆಗುತ್ತಿದೆ. ತಮ್ಮನ್ನು ಕಷ್ಟಪಟ್ಟು ಓದಿಸಿ, ಬೆಳೆಸಿದ ಅಪ್ಪ-ಅಮ್ಮನಿಗೆ ಹೆಣ್ಣು ಮಕ್ಕಳಿಬ್ಬರು ನೀಡಿದ ಈ ಸರ್ಪ್ರೈಸ್ ನೆಟ್ಟಿಗರ ಹೃದಯ ಗೆದ್ದಿದೆ.
ಸಾಮಾಜಿಕ ಜಾಲತಾಣವಾದ ಇನ್ಸ್ಟಾಗ್ರಾಮ್ನಲ್ಲಿ ವರ್ಷಾ ಎನ್ನುವವರು ಈ ಸುಂದರ ಹಾಗೂ ಭಾವನಾತ್ಮಕ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ವಿಡಿಯೋದ ಆರಂಭದಲ್ಲಿ, ಇಬ್ಬರು ಹೆಣ್ಣುಮಕ್ಕಳು ತಮ್ಮ ಪೋಷಕರ ಕಣ್ಣಿಗೆ ಬಟ್ಟೆ ಕಟ್ಟಿ (ಬ್ಲೈಂಡ್ಫೋಲ್ಡ್ ಮಾಡಿ) ಮನೆಯಿಂದ ಹೊರಗೆ ಕರೆತರುವುದನ್ನು ಕಾಣಬಹುದು. ಮನೆಯ ಅಂಗಳದಲ್ಲಿ ಹೊಸ ಕಾರೊಂದನ್ನು ನಿಲ್ಲಿಸಲಾಗಿತ್ತು. ಸುತ್ತಲೂ ನೆರೆದಿದ್ದ ಕುಟುಂಬದ ಇತರ ಸದಸ್ಯರು ಕುತೂಹಲದಿಂದ, ಮುಖದಲ್ಲಿ ಮಂದಹಾಸ ಬೀರುತ್ತಾ ಈ ದೃಶ್ಯವನ್ನು ನೋಡುತ್ತಿದ್ದರು. ಪೋಷಕರನ್ನು ಸರಿಯಾದ ಜಾಗದಲ್ಲಿ ನಿಲ್ಲಿಸಿದ ನಂತರ, ಹೆಣ್ಣುಮಕ್ಕಳು ನಿಧಾನವಾಗಿ ಅವರ ಕಣ್ಣಿಗೆ ಕಟ್ಟಿದ್ದ ಬಟ್ಟೆಯನ್ನು ಬಿಚ್ಚುತ್ತಾರೆ.
ಕಣ್ಣು ತೆರೆಯುತ್ತಿದ್ದಂತೆಯೇ ತಮ್ಮ ಮುಂದೆ ನಿಂತಿದ್ದ ಹೊಚ್ಚ ಹೊಸ ಕಾರನ್ನು ನೋಡಿದ ಪೋಷಕರು ಅಕ್ಷರಶಃ ಭಾವುಕರಾಗುತ್ತಾರೆ. ಅವರ ಮುಖದಲ್ಲಿ ಅಚ್ಚರಿ, ಸಂತೋಷ ಹಾಗೂ ಹೆಮ್ಮೆಯ ಭಾವನೆ ಒಮ್ಮೆಲೇ ಮೂಡುತ್ತದೆ. ತಮ್ಮ ಹೆಣ್ಣುಮಕ್ಕಳ ಈ ಸಾಧನೆ ಹಾಗೂ ಪ್ರೀತಿಯನ್ನು ಕಂಡು ಭಾವುಕರಾದ ಅಪ್ಪ-ಅಮ್ಮ, ಇಬ್ಬರು ಹೆಣ್ಣುಮಕ್ಕಳನ್ನು ಬಿಗಿಯಾಗಿ ಅಪ್ಪಿಕೊಂಡು ತಮ್ಮ ಸಂತಸ ವ್ಯಕ್ತಪಡಿಸುತ್ತಾರೆ. ಈ ದೃಶ್ಯ ನೋಡುಗರ ಕಣ್ಣಲ್ಲೂ ಆನಂದಭಾಷ್ಪ ತರಿಸುವಂತಿದೆ.
ನಂತರ ವಿಡಿಯೋದಲ್ಲಿ ಕಾರಿನ ಅನಾವರಣದ ದೃಶ್ಯವಿದೆ. ಬಟ್ಟೆಯಿಂದ ಮುಚ್ಚಿದ್ದ ಕಾರಿನ ಬಳಿ ಇಡೀ ಕುಟುಂಬ ಒಟ್ಟಾಗಿ ನಿಂತು, ಅದರ ಮೇಲಿದ್ದ ಕವರ್ ಅನ್ನು ಸರಿಸಿ ಕಾರನ್ನು ಅನಾವರಣಗೊಳಿಸುತ್ತಾರೆ. ಹೊಸ ಕಾರು ಕಣ್ಮುಂದೆ ಹೊಳೆಯುತ್ತಿದ್ದಂತೆ ನೆರೆದಿದ್ದ ಕುಟುಂಬಸ್ಥರೆಲ್ಲರೂ ಚಪ್ಪಾಳೆ ತಟ್ಟಿ, ನಗು-ಸಂಭ್ರಮದಿಂದ ಸಂಭ್ರಮಿಸುತ್ತಾರೆ. ಅಪ್ಪ-ಅಮ್ಮನ ಮುಖದಲ್ಲಿ ಮೂಡಿದ ಆ ಹೆಮ್ಮೆಯ ನಗು ಈ ವಿಡಿಯೋದ ಹೈಲೈಟ್.
ಈ ವಿಡಿಯೋವನ್ನು ಹಂಚಿಕೊಂಡಿರುವ ವರ್ಷಾ, ತಾವು ನೀಡಿದ ಈ ಉಡುಗೊರೆಯ ಹಿಂದಿನ ಭಾವನಾತ್ಮಕ ಕಾರಣವನ್ನು ಕ್ಯಾಪ್ಶನ್ನಲ್ಲಿ ವಿವರಿಸಿದ್ದಾರೆ. "ನಮ್ಮ ಕೈಯಲ್ಲಿ 'ಆಗುವುದಿಲ್ಲ' ಎಂದು ನೀವು ನಮಗೆ ಎಂದೂ ಹೇಳಲಿಲ್ಲ. ಬದಲಾಗಿ, ನಮಗೆ ಮುಕ್ತವಾಗಿ 'ಹಾರಲು' (Go fly) ಅವಕಾಶ ಮಾಡಿಕೊಟ್ಟಿರಿ. ಆದ್ದರಿಂದ, ನೀವು ನಮಗೆ ನೀಡಿದ ಭದ್ರತೆ, ಬೆಂಬಲ ಹಾಗೂ ನಮ್ಮ ಮೇಲಿಟ್ಟ ನಂಬಿಕೆಗೆ ಸಣ್ಣದೊಂದು ಕೃತಜ್ಞತೆಯಾಗಿ ಈ ಕಾರನ್ನು ನೀಡುತ್ತಿದ್ದೇವೆ. ದಿನದಂತ್ಯಕ್ಕೆ ನಾವಿರುವುದು ಕೇವಲ ನಾಲ್ಕು ಜನ ಮಾತ್ರ" ಎಂದು ಅತ್ಯಂತ ಮಾರ್ಮಿಕವಾಗಿ ಬರೆದುಕೊಂಡಿದ್ದಾರೆ.
ನೆಟ್ಟಿಗರಿಂದ ಮೆಚ್ಚುಗೆಯ ಮಹಾಪೂರ
ಹೆಣ್ಣುಮಕ್ಕಳ ಈ ಪ್ರೀತಿಯ ನಡೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ಪೋಸ್ಟ್ಗೆ ಕಾಮೆಂಟ್ ಮಾಡಿರುವ ಬಳಕೆದಾರರೊಬ್ಬರು, "ಇಂತಹ ಅದ್ಭುತ ಮತ್ತು ಅರ್ಥಪೂರ್ಣ ಹೆಣ್ಣುಮಕ್ಕಳನ್ನು ಪಡೆದ ಪೋಷಕರೇ ನಿಜಕ್ಕೂ ಅದೃಷ್ಟವಂತರು" ಎಂದು ಬರೆದಿದ್ದಾರೆ. ಮತ್ತೊಬ್ಬರು, "ಆಂಟಿಯ ಕಣ್ಣುಗಳೇ ಎಲ್ಲವನ್ನೂ ಹೇಳುತ್ತಿವೆ. ಆ ಕಣ್ಣುಗಳಲ್ಲಿ ಕೇವಲ ಪ್ರೀತಿ ಮತ್ತು ಕೃತಜ್ಞತೆ ತುಂಬಿದೆ" ಎಂದು ಪ್ರತಿಕ್ರಿಯಿಸಿದ್ದಾರೆ. ಹೆಣ್ಣುಮಕ್ಕಳ ಯಶಸ್ಸನ್ನು ಕಂಡು ಹೆಮ್ಮೆಪಡುವ ಪೋಷಕರ ಮೌನ, ಮುಖಭಾವ ಹಾಗೂ ಮಕ್ಕಳ ಮೇಲಿನ ಪ್ರೀತಿ ಈ ವಿಡಿಯೋದಲ್ಲಿ ಸಂಪೂರ್ಣವಾಗಿ ಸೆರೆಯಾಗಿದೆ ಎಂದು ಅನೇಕರು ಶ್ಲಾಘಿಸಿದ್ದಾರೆ. ಪೋಷಕರು ಕಂಡ ಕನಸನ್ನು ನನಸು ಮಾಡುವಲ್ಲಿ ಹೆಣ್ಣುಮಕ್ಕಳು ಹಿಂದೆ ಬಿದ್ದಿಲ್ಲ ಎಂಬುದಕ್ಕೆ ಈ ವಿಡಿಯೋ ನೈಜ ಉದಾಹರಣೆಯಾಗಿದೆ.
-
ಉಬರ್ ಕ್ಯಾಬ್ ಬುಕ್ ಮಾಡಿದಷ್ಟೇ ಸುಲಭವಾಗಿ ತೆಂಗಿನಕಾಯಿ ಕೀಳುವವರನ್ನು ಕರೆಯಿರಿ: ಆನಂದ್ ಮಹೀಂದ್ರಾ ಹಂಚಿಕೊಂಡ Video Viral -
ತ್ರಿಭಾಷಾ ಸೂತ್ರ vs ದ್ವಿಭಾಷಾ ಮಾದರಿ: ಹಿಂದಿ ಕಲಿಕೆಯ ಲಾಭ-ನಷ್ಟಗಳ ವಿಶ್ಲೇಷಣೆ: ಡಾ. ಪುರುಷೋತ್ತಮ ಬಿಳಿಮಲೆ ಬರಹ -
ಲಕ್ಷ ಲಕ್ಷ ಸಂಬಳದ ಗೂಗಲ್ ಕೆಲಸಕ್ಕೆ ರಾಜೀನಾಮೆ ನೀಡಿದ ಬೆಂಗಳೂರು ಟೆಕ್ಕಿ; ಕಾರಣ ಇಲ್ಲಿದೆ ನೋಡಿ -
Oracle: ಒರಾಕಲ್ ಸಂಸ್ಥೆಯಲ್ಲಿ ವೆಚ್ಚ ಕಡಿತದ ಭಾಗವಾಗಿ ಕೆಲಸ ಕಳೆದುಕೊಂಡ 12,000 ಜನ, 30,000 ಜನರಿಗೆ ಸಂಕಷ್ಟ -
Kiara Advani: ವಿಜಯ್ ದೇವರಕೊಂಡ ಮೇಲೆ ಕಿಯಾರಾ ಅಡ್ವಾಣಿಗೆ ಕ್ರಶ್: ರಾಣಾ ಶೋನಲ್ಲಿ ಬಹಿರಂಗವಾದ ಹಳೆಯ ರಹಸ್ಯ, ವೈರಲ್ -
Amruthadhare Serial: ಟ್ವಿಸ್ಟ್ ಮೇಲೆ ಟ್ವಿಸ್ಟ್: ಮಲ್ಲಿ ಮದುವೆ ಬಳಿಕ ಹೊಸ ತಿರುವು, ಜೆಡಿ ಪ್ಲ್ಯಾನ್ಗೆ ಸುನೀಲ್ ವಿಲನ್ -
Property: ಆಸ್ತಿದಾರರಿಗೆ 2026 ವರ್ಷ ಅದೃಷ್ಟ: ರಿಯಲ್ ಎಸ್ಟೇಟ್ನಲ್ಲಿ ಹೊಸ ಸಂಚಲನ, ಮನೆ ಮಾರಾಟ ಭರ್ಜರಿ ಹೆಚ್ಚಳ -
Viral Video: ಕಡಿಮೆ ಹಣದಲ್ಲಿ ಬದುಕೋದು ಹೇಗೆ ? ಬೆಂಗಳೂರು ಇಂಟರ್ನ್ ಹೇಳಿದ ಟ್ರಿಕ್ಗಳು -
Kannada: ಕರ್ನಾಟಕದಲ್ಲಿರುವ ಬ್ಯಾಂಕ್ಗಳಲ್ಲಿ ಸ್ಪಷ್ಟ ಕನ್ನಡ; ತುಳು, ಕೊಂಕಣಿ ಭಾಷೆಯ ಕಲರವ ಈಗ ಉಳಿದಿಲ್ಲ: ಕವಿರಾಜ್ -
Kannada Books: ಓದುಗರಷ್ಟು ಪ್ರಾಮಾಣಿಕತೆ ಪುಸ್ತಕ ಮಳಿಗೆ ಮಾಡಿರುವವರಿಗಿಲ್ಲ: ರಾಜೇಂದ್ರ ಪ್ರಸಾದ್ ಬರಹ -
ಚಲಿಸುವ ರೈಲಿನ ಬೋಗಿಯಲ್ಲಿ ಬಟ್ಟೆ ಒಣಗಿಸಿದ ಪ್ರಯಾಣಿಕರು: Viral Video ನೋಡಿ ನೆಟ್ಟಿಗರು ಗರಂ -
Viral Video: ಹುಡುಗಿ ಪ್ರೀತಿಗೆ ಒಪ್ಪಿಕೊಂಡಳು ಆದ್ರೆ ರಿಂಗೇ ಮಿಸ್ ಆಯ್ತು: MI ಮ್ಯಾಚ್ನಲ್ಲೊಂದು ಸ್ವಾರಸ್ಯಕರ ಘಟನೆ
Click it and Unblock the Notifications
Sign in with Google