ರಾಜೀವ್ ಗಾಂಧಿ ಹತ್ಯೆ ಅಪರಾಧಿ ಮೇಲೆ ವೇಲೂರು ಜೈಲಲ್ಲಿ ಹಲ್ಲೆ
ವೇಲೂರು, ಸೆಪ್ಟೆಂಬರ್ 13: ರಾಜೀವ್ ಗಾಂಧಿ ಹತ್ಯೆ ಪ್ರಕರಣದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿರುವ ಎ.ಜಿ.ಪೇರರಿವಳನ್ ಮೇಲೆ ಸಹಕೈದಿಯೊಬ್ಬ ಹಲ್ಲೆ ನಡೆಸಿದ ಘಟನೆ ವೇಲೂರು ಕೇಂದ್ರ ಜೈಲಿನಲ್ಲಿ ಮಂಗಳವಾರ ಆಗಿದೆ. ಕಬ್ಬಿಣದ ರಾಡ್ ನಿಂದ ಹಲ್ಲೆ ನಡೆಸಿದ್ದು, ಹಣೆ ಹಾಗೂ ಕೈಗೆ ಗಾಯವಾಗಿದೆ.
ಜೈಲಿನ ಆಸ್ಪತ್ರೆಯಲ್ಲಿ ಪೇರರಿವಳನ್ ಗೆ ಚಿಕಿತ್ಸೆ ನೀಡಲಾಗಿದೆ. ಆತನ ಹಣೆಗೆ ಹೊಲಿಗೆ ಹಾಕಲಾಗಿದೆ. ರಾಜೇಶ್ ಖನ್ನಾಗೆ ಪೇರರಿವಳನ್ ಜತೆಗೆ ವೈಮನಸ್ಯ ಇತ್ತು. ಅದು ವಿಕೋಪಕ್ಕೆ ಹೋಗಿ ಘಟನೆ ಸಂಭವಿಸಿದೆ. ರಾಜೇಶ್ ಖನ್ನಾ ಅಪಹರಣ ಹಾಗೂ ಕೊಲೆ ಪ್ರಕರಣದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದಾನೆ. ಹದಿಮೂರು ವರ್ಷದಿಂದ ಜೈಲಿನಲ್ಲಿದ್ದಾನೆ.[ರಾಜೀವ್ ಹಂತಕರ ಬಿಡುಗಡೆ ಅಧಿಕಾರ ತಮಿಳುನಾಡು ಸರ್ಕಾರಕ್ಕಿಲ್ಲ!]
ತನಿಖೆ ನಡೆಯುತ್ತಿದೆ. ಪೇರರಿವಳನ್ ಹೈ ಸೆಕ್ಯೂರಿಟಿ-1 ಬ್ಲಾಕ್ ನಲ್ಲಿ ಇದ್ದ, ರಾಜೇಶ್ ಖನ್ನಾ ಹೈ ಸೆಕ್ಯೂರಿಟಿ-2 ಬ್ಲಾಕ್ ನಲ್ಲಿ ಇದ್ದ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ರಾಜೀವ್ ಗಾಂಧಿ ಹತ್ಯೆ ಪ್ರಕರಣದಲ್ಲಿ ಪೇರರಿವಳನ್ ಇಪ್ಪತ್ತೈದು ವರ್ಷಕ್ಕೂ ಹೆಚ್ಚು ಸಮಯದಿಂದ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದಾನೆ.
Click it and Unblock the Notifications
Sign in with Google