ಸ್ಥಳೀಯ ಚುನಾವಣೆ : ಯಾರಿಗೆ ಎಷ್ಟು ಸ್ಥಾನಗಳು?

ಬೆಂಗಳೂರು, ಮಾ. 11 : ಆಡಳಿತ ಪಕ್ಷವಾದ ಬಿಜೆಪಿ ಸೇರಿದಂತೆ ಎಲ್ಲ ಪಕ್ಷಗಳಿಗೂ ಬೇಡವಾಗಿದ್ದ ಮಹಾನಗರ ಪಾಲಿಕೆ, ನಗರಸಭೆ ಮತ್ತು ಪಟ್ಟಣ ಪಂಚಾಯತಿ ಚುನಾವಣೆ ಫಲಿತಾಂಶ ಹೊರಬಿದ್ದಿದ್ದು, ಬಿಜೆಪಿಯ ವಿಭಜನೆ ಮತ್ತು ಒಳಜಗಳಗಳ ಲಾಭ ಪಡೆದಿರುವ ಕಾಂಗ್ರೆಸ್ ಪಕ್ಷ ಜಯಭೇರಿ ಬಾರಿಸಿದೆ.

ಮೈಸೂರು, ಮಂಗಳೂರು, ಹುಬ್ಬಳ್ಳಿ-ಧಾರವಾಡ, ಬೆಳಗಾವಿ, ಗುಲಬರ್ಗ, ದಾವಣಗೆರೆ, ಬಳ್ಳಾರಿ ಮಹಾನಗರ ಪಾಲಿಕೆಗಳು ಸೇರಿದಂತೆ ಒಟ್ಟು 4,976 ವಾರ್ಡುಗಳಿಗೆ, ಸುಪ್ರೀಂ ಕೋರ್ಟ್ ಆದೇಶದಂತೆ ಮಾರ್ಚ್ 7ರಂದು ಮತದಾನ ನಡೆದಿತ್ತು. ಮತದಾರರ ಪರಿಷ್ಕೃತ ಪಟ್ಟಿ ಒದಗಿಸದ ಕಾರಣ 2007ರ ಪಟ್ಟಿಯಂತೆ ಮತದಾನ ನಡೆದಿತ್ತು.

ಬಿಜೆಪಿಯ ನಿರೀಕ್ಷೆಗಳನ್ನು ಧೂಳಿಪಟ ಮಾಡಿರುವ ಮತದಾರರು ಕಾಂಗ್ರೆಸ್ಸಿಗೆ ಭರ್ಜರಿ ಜಯ ದೊರಕಿಸಿಕೊಟ್ಟಿದ್ದಾರೆ. 4,976ರಲ್ಲಿ 1,960 ವಾರ್ಡುಗಳಲ್ಲಿ ಜಯಭೇರಿ ಬಾರಿಸಿರುವ ಕಾಂಗ್ರೆಸ್ ಮೇ ತಿಂಗಳಲ್ಲಿ ನಡೆಯಲಿರುವ ವಿಧಾನಸಭೆ ಚುನಾವಣೆಗೆ ಭಾರೀ ವೇದಿಕೆ ನಿರ್ಮಿಸಿಕೊಂಡಿದೆ.

ಯಡಿಯೂರಪ್ಪ ಪಕ್ಷ ತೊರೆದ ನಂತರ ಅಕ್ಷರಶಃ ನಾಯಕನಿಲ್ಲದ ದೋಣಿಯಂತಾಗಿರುವ ಭಾರತೀಯ ಜನತಾ ಪಕ್ಷ ಮತದಾರ ಕೊಟ್ಟ ಹೊಡೆತಕ್ಕೆ ನಲುಗಿಹೋಗಿದೆ. ಬಿಜೆಪಿಗೆ ಸಖತ್ ಪೈಪೋಟಿ ನೀಡಿರುವ ಜೆಡಿಎಸ್ 906 ಸ್ಥಾನಗಳನ್ನು ಗಳಿಸಿ ಎರಡನೇ ಸ್ಥಾನ ಆಕ್ರಮಿಸಿಕೊಂಡಿದೆ. ಮೊದಲ ಬಾರಿ ಕಣಕ್ಕೆ ಇಳಿದಿರುವ ಕೆಜೆಪಿ 274 ಸ್ಥಾನ ಗಳಿಸಿದ್ದರೆ, ಬಿಎಸ್ಆರ್ ಕಾಂಗ್ರೆಸ್ ಕೇವಲ 86 ಸ್ಥಾನ ಗಳಿಸಿ ಲಿಸ್ಟಿಗೆ ಇಲ್ಲದಂತಾಗಿದೆ.

ಇದು ಬಿಜೆಪಿ ಆತ್ಮಾವಲೋಕನ ಮಾಡಿಕೊಳ್ಳಲು ಮತದಾರ ಕಲಿಸಿದ ಪಾಠ ಎಂದು ನಾಯಕರು ಹೇಳಿಕೊಳ್ಳುತ್ತಿದ್ದರೆ, ವಿಧಾನಸಭೆ ಚುನಾವಣೆಗೆ ಈ ಫಲಿತಾಂಶ ದಿಕ್ಸೂಚಿ ಎಂದು ಎದೆತಟ್ಟಿಕೊಂಡು ಹೇಳಲು ಕಾಂಗ್ರೆಸ್ ಹಿಂಜರಿಯುತ್ತಿದೆ. ಅಚ್ಚರಿಯ ಸಂಗತಿಯೆಂದರೆ, 776 ಸ್ಥಾನ ಗಳಿಸಿರುವ ಪಕ್ಷೇತರರು ನಾಡಿಗೆ ಸ್ಪಷ್ಟ ಸಂದೇಶವನ್ನು ರವಾನಿಸಿದ್ದಾರೆ. ಸಿಪಿಎಂ 13 ಸ್ಥಾನ, ಎನ್‌ಸಿಪಿ ಮತ್ತು ಸಿಪಿಐ 1 ಸ್ಥಾನ ಪಡೆದಿವೆ. ಬಿಎಸ್ಪಿ ಒಂದೂ ಸ್ಥಾನ ಪಡೆಯದಿದ್ದರೆ 23 ವಾರ್ಡುಗಳಲ್ಲಿ ಮತದಾನ ನಡೆದಿಲ್ಲ.

ಸಂಖ್ಯೆ	ಜಿಲ್ಲೆಗಳು	ಒಟ್ಟು ಸೀಟು	ಘೋಷಿತ	ಬಿಜೆಪಿ	ಕಾಂಗ್ರೆಸ್	ಜೆಡಿಎಸ್	ಕೆಜೆಪಿ	ಬಿಎಸ್ಆರ್	ಪಕ್ಷೇತರ	ಇತರೆ
1	ಬೆಂಗಳೂರು ನಗರ	23	23	9	6	5	0	0	3	0
2	ಬೆಂಗಳೂರು ಗ್ರಾಮೀಣ	123	123	18	48	41	0	0	16	0
3	ರಾಮನಗರ	112	112	2	65	40	0	1	4	0
4	ಚಿತ್ರದುರ್ಗ	142	142	4	49	30	14	13	32	0
5	ದಾವಣಗೆರೆ	149	149	23	85	15	8	6	11	0
6	ಕೋಲಾರ	166	166	21	46	58	1	0	34	4
7	ಚಿಕ್ಕಬಳ್ಳಾಪುರ	146	145	7	47	48	5	1	31	0
8	ಶಿವಮೊಗ್ಗ	176	176	24	64	40	34	1	12	1
9	ತುಮಕೂರು	234	234	17	77	93	20	1	26	0
10	ಮೈಸೂರು	204	204	19	90	69	6	1	17	2
11	ಚಾಮರಾಜನಗರ	109	109	11	56	3	19	2	11	7
12	ಚಿಕ್ಕಮಗಳೂರು	148	148	53	57	14	5	0	19	0
13	ದಕ್ಷಿಣ ಕನ್ನಡ	189	189	63	108	6	0	0	4	6
14	ಉಡುಪಿ	95	95	43	49	0	0	0	1	0
15	ಹಾಸನ	180	180	3	55	90	10	0	22	0
16	ಮಂಡ್ಯ	161	161	9	57	62	0	1	25	7
17	ಕೊಡಗು	40	40	19	8	11	0	0	2	0
18	ಬೆಳಗಾವಿ	392	392	104	59	6	2	0	221	0
19	ಬಿಜಾಪುರ	150	150	33	44	25	4	0	43	0
20	ಬಾಗಲಕೋಟೆ	290	267	96	121	18	4	6	22	0
21	ಧಾರವಾಡ	156	156	50	64	29	5	3	5	0
22	ಗದಗ	203	203	61	99	8	3	20	11	0
23	ಹಾವೇರಿ	193	193	41	78	5	51	3	15	0
24	ಉತ್ತರ ಕನ್ನಡ	239	239	50	107	41	1	3	37	0
25	ಬಳ್ಳಾರಿ	246	246	18	137	6	0	0	85	0
26	ಬೀದರ	149	149	22	53	36	23	6	9	0
27	ಗುಲಬರ್ಗ	213	213	28	82	36	46	1	18	2
28	ಯಾದಗಿರಿ	98	98	5	50	12	7	4	20	0
29	ರಾಯಚೂರು	154	154	28	63	34	6	10	13	0
30	ಕೊಪ್ಪಳ	96	96	25	36	25	0	3	7	0
	ಒಟ್ಟು :	4976	4952	906	1960	906	274	86	776	29

ನೀವೇ ಆಗಿರಿ ಕರ್ನಾಟಕದ ಗುರು | ಮತ ಹಾಕ್ತೀನಂತ ಪ್ರಮಾಣ ಮಾಡಿ

English summary

Urban Local Bodies (ULB) election 2013. Out of 4,976 wards Congress has successfully bagged 1,960 seats, beating ruling BJP (906) and JDS (906). Yeddyurappa lead KJP and Sriramulu lead BSR Congress have failed to make headway.