• search

ಜಾತಿ ವಿಹೀನರ ಮನೆಯ ಜ್ಯೋತಿ ದಟ್ಸ್ ಕನ್ನಡ.ಕಾಂ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Happy and Prosperous New Year 2010
    ಈ ಜ್ಯೋತಿಯ ಬೆಳಕಲ್ಲಿ ನಮ್ಮನಿಮ್ಮ ಹೊಸವರ್ಷದ ಕನಸುಗಳು ಸಾಕಾರವಾಗಲಿ ಎಂದು ಆಶಿಸುತ್ತಾ ನಾಲ್ಕು ಮಾತುಗಳನ್ನು ಬರೆಯುತ್ತಿದ್ದೇನೆ. ಬಾಂಧವ್ಯಗಳು ನಿರಂತರವಾಗಿರಬೇಕು, ಫಲಪ್ರದವಾಗುತ್ತಿರಬೇಕು. ಶಾಂತಿ, ಸಂಪತ್ತು ಉಭಯತ್ರರಿಗೂ ಸಲ್ಲಬೇಕು. ಇದಕ್ಕಿಂತ ಇನ್ನೇನು ಬೇಕು. ಹ್ಯಾಪಿ ನ್ಯೂ ಇಯರ್!

    * ಶಾಮ್

    ಪ್ರತಿದಿನ ತಪ್ಪದೆ ಭೇಟಿಕೊಡುವ ದಟ್ಸ್ ಕನ್ನಡ ಅಂತರ್ಜಾಲ ತಾಣದ ಆಪ್ತಮಿತ್ರರು(Loyal Visitors) ಆಗಾಗ ಬಂದುಹೋಗಿ ಮಾಡುವ ಬಂಧು-ಭಗಿನಿಯರು(unique visitors) ಅಂತರ್ಜಾಲ ಮಾರ್ಗದಲ್ಲಿ ಕನ್ನಡ ಹುಡುಕುತ್ತಾ ಬಾಯಾರಿ thatkskannada ಕೊಂಡಿಗೆ ಢಿಕ್ಕಿಹೊಡೆದು ಬಂದಿಳಿಯುವ ಹೊಸ ಗೆಳೆಯ ಗೆಳತಿಯರಿಗೆಲ್ಲ(New Visitor) ಹೊಸವರ್ಷ 2010ರ ಹೃತ್ಪೂರ್ವಕ ಶುಭಾಶಯಗಳು. ದಟ್ಸ್ ಕನ್ನಡ ಡಾಟ್ ಕಾಂ ಎಂದರೆ ಜಾತಿ ವಿಹೀನರ ಮನೆಯ ಕನ್ನಡ ಜ್ಯೋತಿ.

    ಪಾಶ್ಚಿಮಾತ್ಯರ ಹೊಸ ಕ್ಯಾಲೆಂಡರ್ ಸಂವತ್ಸರದ ಮುನ್ನಾದಿನವಾದ ಇಂದು ನಮ್ಮ ಕನ್ನಡದ ಜಾಗತಿಕ ಹಳ್ಳಿಮನೆಗೆ ನಿಮಗೆ ಮತ್ತೊಮ್ಮೆ ಸ್ವಾಗತಕೋರಲು ಅತೀವ ಸಂತೋಷವಾಗುತ್ತಿದೆ. ಕಾರಣ ಸ್ಪಷ್ಟ. ನಮ್ಮ ಓದುಗರಿಗೆ ನಾವು ಕೊಡಬಹುದಾದ ಏಕಮೇವ ಬಳುವಳಿಯೆಂದರೆ ತ್ವರಿತಗತಿಯ ಮಾಹಿತಿ ಹಾಗೂ ತಾಣದಲ್ಲಿ ಸುಲಭ, ಸುಸೂತ್ರ ವಿಹಾರಕ್ಕೆ ಹೊರಡಲು ನಿಮಗೆ ಇನ್ನಷ್ಟು ಅನುಕೂಲವಾಗುವ ವಿನ್ಯಾಸ.

    ಇಂದಿನಿಂದ ಅಂತಹ ಇನ್ನೊಂದು ಹೊಸ ನಮೂನೆಯ ವಿನ್ಯಾಸವನ್ನು ನಿಮ್ಮ ಕಣ್ಣೆದುರು ತೆರೆದಿಡುತ್ತಿದ್ದೇನೆ. ಕಾಲಕಾಲಕ್ಕೆ ತಾಣವನ್ನು ನವೀಕರಿಸುವ, ಅಲಂಕರಿಸುವ ಮತ್ತು ಕನ್ನಡ ಓದುಗರ ಚಕಚಕ ಓದುವ ಚಡಪಡಿಕೆಯನ್ನು ತೃಪ್ತಿಗೊಳಿಸುವ ಉದ್ದೇಶವೇ ನೂತನ ವಿನ್ಯಾಸದ ಉದ್ದೇಶ. ನಮ್ಮ ತಾಣ ಆರಂಭವಾದಾಗಿನಿಂದ ಇದುವರೆಗೆ ವರ್ಷಕ್ಕೊಮ್ಮೆಯಂತೆ ವಿನ್ಯಾಸ ಪುನರ್ರೂಪಿಸಬೇಕೆಂಬ ನಮ್ಮ ಸಂಕಲ್ಪ ಇವತ್ತು ಮತ್ತೊಮ್ಮೆ ಸಾಕಾರವಾಗಿದೆ. ಅಂದಹಾಗೆ, 2010 ದಟ್ಸ್ ಕನ್ನಡ ತಾಣಕ್ಕೆ ದಶಮಾನೋತ್ಸವ ವರ್ಷ. ಈ ಸಂದರ್ಭಕ್ಕೆ ನಾವು ನೀಡಿರುವ ದಟ್ಸ್ ಕನ್ನಡದ ಹೊಸ ವೆಬ್ ನೋಟ ನಿಮಗೆ ಆಸಕ್ತಿದಾಯಕವೂ, ತೃಪ್ತಿದಾಯಕವಾಗಿಯೂ ಇದೆ ಎಂಬ ವಿಶ್ವಾಸ ಇಟ್ಟುಕೊಂಡಿದ್ದೇನೆ.

    ವೇಷಗಳು ಬದಲಾಗಬಹುದು, ಸ್ವಭಾವ ಬದಲಾಗುವಂಥದಲ್ಲ. ಪ್ರಧಾನವಾಗಿ ಕನ್ನಡನಾಡಿನ ಆಗುಹೋಗುಗಳು, ಪ್ರಜಾಪ್ರತಿನಿಧಿ ವ್ಯವಸ್ಥೆಯ ನಮ್ಮ ಕರ್ನಾಟಕದ ಜನತಂತ್ರ, ನಿರಂತರ ಬದಲಾವಣೆಗೆ ಪಕ್ಕಾಗಿರುವ ಕಾಲಮಾನಗಳು ಹಾಗೂ ಕನ್ನಡ ಚಲನಚಿತ್ರ ಪ್ರೇಮಿಗಳಿಗೆ ಉದ್ಯಮ ಉತ್ಪತ್ತಿ ಮಾಡುವ ಕಸರಸದೌತಣಗಳ ಸಮಾರಾಧನೆ ಮಾಡುವುದೇ ನಮ್ಮ ಕಾಯಕ ಮತ್ತು ಆಕಾಂಕ್ಷೆ. ಈ ಕಾಯಕವನ್ನು ಇನ್ನಷ್ಟು ಆಸ್ಥೆಯಿಂದ ಮಾಡುವುದಕ್ಕೆ ನಿಮ್ಮ ಪ್ರೋತ್ಸಾಹ ಮತ್ತು ಪಾಲುದಾರಿಕೆಯನ್ನು ನಾನು ಮತ್ತು ನನ್ನ ತಂಡ ಆತಂಕ ಮತ್ತು ಕುತೂಹಲದಿಂದ ಎದುರು ನೋಡುತ್ತಲೇ ಇರುತ್ತೇವೆ.

    ಹೊಸವರ್ಷದಲ್ಲಿ ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ಶಾಂತಿ ಮತ್ತು ಸಂಪತ್ತು ಪ್ರಾಪ್ತವಾಗಲಿ ಎನ್ನುವುದು ನನ್ನ ಈ ನಾಲಕ್ಕು ವಾಕ್ಯಗಳಲ್ಲಿ ಅಡಗಿರುವ ಆಶಯ. ಪ್ರತಿಯಾಗಿ, ತಾವೂ ಕೂಡ ನಮಗೆ ಅದನ್ನೇ ಬಯಸುತ್ತೀರೆಂಬ ಭರವಸೆ ಇಟ್ಟುಕೊಳ್ಳೋಣವೆ?

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more