ಒಂದೇ ಡೋಸ್: ಜಾನ್ಸನ್&ಜಾನ್ಸನ್ ಕೊರೊನಾ ಲಸಿಕೆಯ ಭರವಸೆಯ ಫಲಿತಾಂಶ
ನ್ಯೂಯಾರ್ಕ್, ಜುಲೈ 31: ಜಾನ್ಸನ್ ಆಂಡ್ ಜಾನ್ಸನ್ ತಯಾರಿಸಿರುವ ಕೊರೊನಾ ಲಸಿಕೆಯನ್ನು ಸೋಂಕು ತಗುಲಿದ್ದ ಕೋತಿಗಳ ಮೇಲೆ ಪ್ರಯೋಗಿಸಲಾಗಿದ್ದು, ಭರವಸೆಯ ಫಲಿತಾಂಶ ಲಭ್ಯವಾಗಿದೆ.
ಕೊವಿಡ್-19 ನಿವಾರಣೆಗೆ ಜಾಗತಿಕ ಹೆಲ್ತ್ ಕೇರ್ ಸಂಸ್ಥೆ ಜಾನ್ಸನ್ ಆಂಡ್ ಜಾನ್ಸನ್ ತಯಾರಿಸಿರುವ ಲಸಿಕೆ ಜಗತ್ತಿನ ಗಮನ ಸೆಳೆಯುತ್ತಿದೆ. ಇದೀಗ ಮನುಷ್ಯರ ಮೇಲೂ ಪ್ರಯೋಗಕ್ಕೆ ಮುಂದಾಗಿದ್ದಾರೆ.
ಜನವರಿ ತಿಂಗಳಲ್ಲಿ ಚೀನಾ ಸಾರ್ಸ್-ಸಿಒವಿ-2 ಜಿನೋಮ್ ನ್ನು ಬಿಡುಗಡೆ ಮಾಡಿದಾಗಿನಿಂದಲೂ ಡಾನ್ ಎಚ್. ಬರೂಚ್ ಕೊವಿಡ್-19 ಲಸಿಕೆ ಅಭಿವೃದ್ಧಿಪಡಿಸುವುದರಲ್ಲಿ ಮಗ್ನರಾಗಿದ್ದರು.
ಸಂಸ್ಥೆ ತಯಾರಿಸಿರುವ ಲಸಿಕೆಯನ್ನು ಸಾರ್ಸ್-ಸಿಒವಿ-2 ಸೋಂಕು ತಗುಲಿರುವ ಕೋತಿಗಳ ಮೇಲೆ ಪ್ರಯೋಗಿಸಲಾಗಿದ್ದು ಒಂದೇ ಡೋಸ್ ಗೆ ದೃಢವಾದ ರಕ್ಷಣೆ ನೀಡಿದ್ದು ಸೋಂಕು ಗುಣಮುಖವಾಗುತ್ತಿರುವ ಲಕ್ಷಣಗಳು ಗೋಚರಿಸಿವೆ ಎಂದು ತಿಳಿದುಬಂದಿದೆ.
ರೀಸಸ್ ಮಕಾಕ್ ಗಳಿಗೆ ಈ ಲಸಿಕೆ ಪ್ರಯೋಗಿಸಲಾಗಿದ್ದು, ಅದನ್ನೇ ಈಗ ಮಾನವರ ಮೇಲೂ ಪ್ರಯೋಗಿಸುವ ಕುರಿತು ಚಿಂತನೆ ನಡೆಸಲಾಗುತ್ತಿದೆ ಎಂದು ಅಧ್ಯಯನದಲ್ಲಿ ತೊಡಗಿದ್ದ ಸಂಶೋಧಕ ಯುಎಸ್ ನಲ್ಲಿರುವ ಬೆತ್ ಇಸ್ರೇಲ್ ಡಿಕಾನೆಸ್ ಮೆಡಿಕಲ್ ಸೆಂಟರ್ ನ ಡಾನ್ ಎಚ್. ಬರೂಚ್ ಹೇಳಿದ್ದಾರೆ.
ಅಡೆನೊವೈರಸ್ ಸಿರೊಟೈಪ್ 26 ಎಂಬ ಸಾಮಾನ್ಯ ಶೀತದ ವೈರಾಣು ವನ್ನು ಸಾರ್ಸ್-ಸಿಒವಿ-2 ಸ್ಪೈಕ್ ಪ್ರೊಟೀನ್ ನ್ನು ಹೋಸ್ಟ್ ಸೆಲ್ ಗಳಿಗೆ ರವಾನಿಸುತ್ತದೆ. ಇದರಿಂದಾಗಿ ಕೊರೋನಾ ವಿರುದ್ಧದ ರೋಗನಿರೋಧಕ ಶಕ್ತಿ ಹೆಚ್ಚಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.
Click it and Unblock the Notifications
Sign in with Google