ಶ್ರೀಲಂಕಾದಲ್ಲಿ ಸರಣಿ ಆತ್ಮಾಹುತಿ ಬಾಂಬ್ ಸಿಡಿಸಿದ ಉಗ್ರರು ಎಲ್ಲಿಯವರು?

ಕೊಲಂಬೋ, ಏ.22: ಶ್ರೀಲಂಕಾದ ಕೊಲಂಬೋದಲ್ಲಿ 8 ಕಡೆಗಳಲ್ಲಿ ಆತ್ಮಾಹುತಿ ಬಾಂಬ್ ಸ್ಫೋಟಗೊಳಿಸಿ 290ಕ್ಕೂ ಹೆಚ್ಚು ಮಂದಿ ಸಾವಿಗೆ ಕಾರಣರಾದ ಉಗ್ರರು ಶ್ರೀಲಂಕಾ ಪ್ರಜೆಗಳು ಎಂದು ಶ್ರೀಲಂಕಾ ಸಚಿವರು ಸ್ಪಷ್ಟಪಡಿಸಿದ್ದಾರೆ.

ಸೋಮವಾರ ಮಾಧ್ಯಮದವರ ಜೊತೆ ಮಾತನಾಡಿರುವ ಶ್ರೀಲಂಕಾ ಸಚಿವ ರಜಿತ 290ಮಂದಿ ಸಾವಿಗೆ ಕಾರಣರಾಗಿರುವ ಉಗ್ರರು ಶ್ರೀಲಂಕಾದವರೇ ಎಂದು ದೃಢಪಡಿಸಿದ್ದಾರೆ.

ರಾಷ್ಟ್ರೀಯ ತೌಹೀದ್ ಜಮಾತ್ ಸಂಘಟನೆಯ ಉಗ್ರರು ಈ ದಾಳಿ ನಡೆಸಿದ್ದಾರೆ ಎನ್ನುವ ಅನುಮಾನವಿದೆ.ರಾಯ್ಟರ್ಸ್ ವರದಿ ಪ್ರಕಾರ ಚರ್ಚ್, ಹೋಟೆಲ್‌ಗಳಲ್ಲಿ ನಡೆದ ಬಾಂಬ್ ಸ್ಫೋಟಕ್ಕೆ ಒಟ್ಟು 7 ಉಗ್ರರು ಜವಾಬ್ದಾರರಾಗುತ್ತಾರೆ.

ಶ್ರೀಲಂಕಾ ಪೊಲೀಸರು ಇದುವರೆಗೆ 24 ಮಂದಿ ಶಂಕಿತರನ್ನು ಬಂಧಿಸಲಾಗಿದ್ದು ವಿಚಾರಣೆ ಪ್ರಗತಿಯಲ್ಲಿದೆ. ಸೋಮವಾರ ರಾತ್ರಿ 8 ಗಂಟೆಯಿಂದ ಮಂಗಳವಾರ ಬೆಳಗ್ಗೆ 4 ಗಂಟೆಯವರೆಗೆ ಕರ್ಫ್ಯೂ ಘೋಷಿಸಲಾಗಿದೆ.

English summary

A Sri Lankan minister said on Monday afternoon that all suicide bombers who carried out multiple explosions in Colombo and elsewhere in the country a day earlier 'are believed to be Lankan nationals.