ಛತ್ತೀಸ್ಗಢದ ಗ್ರಾಮಸ್ಥರಿಗೆ ರಫೇಲ್ ಹೆಸರಿನ ಕಿರಿಕಿರಿ
ರಾಯ್ಪುರ, ಏ.16: ರಾಷ್ಟ್ರರಾಜಕಾರಣದಲ್ಲಿ ಸದ್ದು ಮಾಡಿರುವ ರಫೇಲ್ ಛತ್ತೀಸ್ಗಢದ ಗ್ರಾಮಸ್ಥರಿಗೆ ತಲೆನೋವಾಗಿ ಪರಿಣಮಿಸಿದೆ.
ಆದರೆ ಅವರಿಗೆ ರಫೇಲ್ ಯುದ್ಧ ವಿಮಾನದಿಂದ ಬಾಂಬ್ ಏನೂ ಹಾಕಲಾಗಿಲ್ಲ ಆ ಹಳ್ಳಿಯ ಹೆಸರೇ ರಫೇಲ್ ಎಂದಿರುವುದು ಸ್ಥಳೀಯ ಸಮಸ್ಯೆಗೆ ಕಾರಣವಾಗಿದೆ.
ಆ ಹಳ್ಳಿಯ ಹೆಸರೀಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ. ಆದರೆ, ಇದು ಸ್ಥಳೀಯರಿಗೆ ಹೆಮ್ಮೆ ಮೂಡಿಸುವ ವಿಷಯವಾಗಿಲ್ಲ.
ಬದಲಾಗಿ ಮುಜುಗರ ಉಂಟು ಮಾಡುತ್ತಿದೆ. ಹೀಗಾಗಿ ಹಳ್ಳಿಯ ಹೆಸರನ್ನೇ ಬದಲಾಯಿಸಿ ಎಂಬ ಒತ್ತಾಯ ಅವರದ್ದು.
ಅಂದ ಹಾಗೆ ಆ ಹಳ್ಳಿಯ ಹೆಸರು ರಫೆಲ್. ಛತ್ತೀಸ್ಗಢದ ಮಹಾಮಂದ್ ಕ್ಷೇತ್ರ ವ್ಯಾಪ್ತಿಯಲ್ಲಿರುವ ರಫೆಲ್ ಗ್ರಾಮದಲ್ಲಿ 200ಕ್ಕೂ ಹೆಚ್ಚು ಕುಟುಂಬಗಳಿವೆ. ಯಾವುದೇ ಚುನಾವಣೆಗೆ ಅಭ್ಯರ್ಥಿಗಳು ಪ್ರಚಾರಕ್ಕೂ ಬರುತ್ತಿಲ್ಲ, ಅಕ್ಕಪಕ್ಕದ ಊರಿನವರು ಇವರನ್ನು ಆಡಿಕೊಳ್ಳುತ್ತಿದ್ದಾರೆ.
ರಫೇಲ್ ಯುದ್ಧ ವಿಮಾನ ಖರೀದಿ ವಿಚಾರ ಚರ್ಚೆ ಆದಾಗಲೆಲ್ಲ ಈ ಹಳ್ಳಿಯ ಹೆಸರು ನಗೆಪಾಟಲಿಗೆ ಗುರಿಯಾಗುತ್ತಿದೆ. ಮೂಲಸೌಕರ್ಯವೂ ಇಲ್ಲದೆ ಈ ಹಳ್ಳಿಯ ಹೆಸರನ್ನೇ ಬಲಾಯಿಸಿ ಎಂದು ಮುಖ್ಯಮಂತ್ರಿಗೆ ಆಗ್ರಹಿಸಲು ನಿರ್ಧರಿಸಿದ್ದಾರೆ.
Click it and Unblock the Notifications
Sign in with Google