ಸಿಬಿಎಸ್ಇ ಪರೀಕ್ಷೆ ಆರಂಭ, ವಿದ್ಯಾರ್ಥಿಗಳು ಡಲ್

ಬೆಂಗಳೂರು, ಮಾ.1: ಸೆಂಟ್ರಲ್ ಬೋರ್ಡ್ ಆಫ್ ಸೆಕಂಡರಿ ಎಜುಕೇಷನ್ (ಸಿಬಿಎಸ್ ಇ) ಕ್ಲಾಸ್ 10 ಹಾಗೂ 12 ರ ವಿದ್ಯಾರ್ಥಿಗಳಿಗೆ ದೇಶದಾದ್ಯಂತ ಪರೀಕ್ಷೆ ಇಂದಿನಿಂದ ಆರಂಭಗೊಂಡಿದೆ. ಸಿಬಿಎಸ್ ಇ ಹೊರತಂದಿರುವ ಹೊಸ ನಿಯಮ ವಿದ್ಯಾರ್ಥಿಗಳಿಗೆ ಈಗಾಗಲೇ ಚುರುಕು ಮುಟ್ಟಿಸಿದೆ.

ಮಾ.1 ರಿಂದ ಮಾ.15 ರ ತನಕ ಕ್ಲಾಸ್ 10 ರ ಪರೀಕ್ಷೆಗಳು ನಡೆಯಲಿದೆ. ಕ್ಲಾಸ್ 12 ರ ಪರೀಕ್ಷೆಗಳು ಮಾ.1 ರಿಂದ ಏಪ್ರಿಲ್ 17 ರ ತನಕ ಪರೀಕ್ಷೆಗಳು ನಡೆಯಲಿದೆ. ಸಿಬಿಎಸ್ ಇ 2013-14 ಶೈಕ್ಷಣಿಕ ವರ್ಷದಿಂದ ವಿದ್ಯಾರ್ಥಿ ವಿರೋಧಿ ನಿಯಮವೊಂದನ್ನು ಜಾರಿಗೊಳಿಸಿದೆ. ಬೋರ್ಡ್ ಪರೀಕ್ಷೆಗಳನ್ನು ಪಾಸ್ ಮಾಡಲು ತೆಗೆದುಕೊಳ್ಳುವ ಪ್ರಯತ್ನಗಳ ಮಿತಿಯನ್ನು ಕಡಿಮೆಗೊಳಿಸಲಾಗಿದೆ.

ಹೊಸ ನಿಯಮದ ಪ್ರಕಾರ ಕ್ಲಾಸ್ 12 ರ ವಿದ್ಯಾರ್ಥಿ/ನಿಯರು ಪರೀಕ್ಷೆ ಪಾಸಾಗಲು 3 ಬಾರಿ ಪ್ರಯತ್ನ ಮಾಡಬಹುದಾಗಿದೆ. ಈ ವರೆಗೂ ಇದ್ದ 5 ಪ್ರಯತ್ನಗಳನ್ನು ಕಡಿಮೆಗೊಳಿಸಲಾಗಿದೆ. ಇದೇ ರೀತಿ ಕ್ಲಾಸ್ 10 ರ ವಿದ್ಯಾರ್ಥಿಗಳಿಗೆ 5 ರ ಬದಲಿಗೆ 4 ಪ್ರಯತ್ನಗಳು ಮಾತ್ರ ಲಭಿಸಲಿದೆ ಎಂದು ಸಿಬಿಎಸ್ ಇ ಚೇರ್ಮನ್ ವಿನೀತ್ ಜೋಶಿ ಹೇಳಿದ್ದಾರೆ.

* ವೇಳಾಪಟ್ಟಿ : 2ನೇ ಪಿಯು ಪರೀಕ್ಷೆ | ಎಸ್ಎಸ್ಎಲ್ಸಿ | ಸಿಇಟಿ

ಈ ಬಾರಿ ಅಂಧ ವಿದ್ಯಾರ್ಥಿಗಳಿಗೆ ಉತ್ತಮ ಸೌಲಭ್ಯ ಕಲ್ಪಿಸಲಾಗಿದ್ದು, ತಮ್ಮ ವಿಶೇಷ ಕಂಪ್ಯೂಟರ್ ಅನ್ನು ಪರೀಕ್ಷಾ ಕೇಂದ್ರಕ್ಕೆ ತರಲು ಅನುಮತಿ ನೀಡಲಗಿದೆ. ಸುಮಾರು 22 ಲಕ್ಷ ವಿದ್ಯಾರ್ಥಿಗಳು ಕ್ಲಾಸ್ 10 ಹಾಗೂ ಕ್ಲಾಸ್ 12 ಬೋರ್ಡ್ ಪರೀಕ್ಷೆ ಬರೆಯುತ್ತಿದ್ದಾರೆ. ಕಳೆದ ವರ್ಷಕ್ಕೆ ಹೋಲಿಸಿದರೆ 2 ಲಕ್ಷ ವಿದ್ಯಾರ್ಥಿಗಳು ಈ ಬಾರಿ ಹೆಚ್ಚಿಗೆ ಸೇರ್ಪಡೆಗೊಂಡಿದ್ದಾರೆ. ಈ ಪೈಕಿ 9.42,035 ವಿದ್ಯಾರ್ಥಿಗಳು ಕ್ಲಾಸ್ 12 ಬೋರ್ಡ್ ಪರೀಕ್ಷೆ ಹಾಗೂ 12,59,202 ಕ್ಲಾಸ್ 10 ವಿದ್ಯಾರ್ಥಿಗಳು ಮಾರ್ಚ್ 2013 ಪರೀಕ್ಷೆ ತೆಗೆದುಕೊಂಡಿದ್ದಾರೆ.

English summary

The Central Board of Secondary Education (CBSE), New Delhi has reduced the number of attempts to pass the boards examination to the class 10 and class 12 students The changes in improvement in performance and new rules will be effective from the academic year year 2013-14.