ಎಸ್ಎಸ್ಎಲ್ಸಿ ಪರೀಕ್ಷೆ 2013, ಟೈಂ ಟೇಬಲ್

By Mahesh

Updated: Monday, February 25, 2013, 16:05 [IST]

ಬೆಂಗಳೂರು, ಫೆ.25: : 2012-13ನೇ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆಗಳ ವೇಳಾಪಟ್ಟಿಯನ್ನು ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ವಿಶ್ವೇಶ್ವರ ಹೆಗಡೆ ಕಾಗೇರಿ ಬಿಡುಗಡೆ ಮಾಡಿದರು.

ಸೋಮವಾರ ಪತ್ರಿಕಾಗೋಷ್ಠಿ ನಡೆಸಿದ ಅವರು, ಏಪ್ರಿಲ್ 1ರಿಂದ 10ರವರೆಗೆ ಪರೀಕ್ಷೆಗಳು ನಡೆಯಲಿವೆ ಎಂದು ತಿಳಿಸಿದರು.

ರಾಜ್ಯದಲ್ಲಿ ಈ ಬಾರಿ 8.49 ಲಕ್ಷ ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ. ಅದಕ್ಕಾಗಿ 3,003 ಪರೀಕ್ಷಾ ಕೇಂದ್ರಗಳನ್ನು ಸ್ಥಾಪಿಸಲಾಗುವುದು ಎಂದು ಮಾಹಿತಿ ನೀಡಿದರು.

ಜೆಟಿಎಸ್ ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ, ಮೌಖಿಕ ಪರೀಕ್ಷಾ ಆಯಾ ಪರೀಕ್ಷಾ ಕೇಂದ್ರಗಳಲ್ಲಿ ಏ.12ರಂದು ನಡೆಯಲಿದೆ. ಬೆಳಗ್ಗಿನ ಅವಧಿಯ ಪರೀಕ್ಷೆ ಸಮಯ 10.30ರಿಂದ 1.45 ರ ಬದಲಾಗಿ 9.30 ರಿಂದ 12.45ಕ್ಕೆ ಹಾಗೂ ಮಧ್ಯಾನ್ಹದ ಅವಧಿ ಪರೀಕ್ಷೆ ಸಮಯ: 2.30ರಿಂದ ಸಂಜೆ 5.45 ರ ಬದಲಾಗಿ 2.00 ರಿಂದ 5.15ಗೆ ಎಂದು ನಿಗದಿ ಪಡಿಸಲಾಗಿದೆ.

ಪ್ರತಿ ವಿಷಯಕ್ಕೂ ಪ್ರಶ್ನೆ ಪತ್ರಿಕೆ ಓದಲು 15 ನಿಮಿಷಗಳನ್ನು ಪರೀಕ್ಷೆಯ ಪ್ರಾರಂಭದಲ್ಲಿ ನೀಡಲಾಗುವುದು ಎಂದರು. ಎಸ್ಸೆಸ್ಸೆಲ್ಸಿ ಪರೀಕ್ಷೆಗಳ ವೇಳಾಪಟ್ಟಿ ಈ ರೀತಿ ಕೆಳಗಿನಂತಿದೆ.

ವೇಳಾಪಟ್ಟಿ ವಿವರ ಹೀಗಿದೆ:

ದಿನಾಂಕ:	ದಿನ:	ಪಠ್ಯ ವಿಷಯ:
ಪ್ರಥಮ ಭಾಷೆ
ಏಪ್ರಿಲ್ 01, 2013	ಸೋಮವಾರ	ಕನ್ನಡ, ತೆಲುಗು, ಹಿಂದಿ, ಮರಾಠಿ, ತಮಿಳು, ಉರ್ದು, ಇಂಗ್ಲಿಷ್, ಸಂಸ್ಕೃತ
Core Subjects
ಏಪ್ರಿಲ್ 03, 2013	ಬುಧವಾರ	ಭಾರತೀಯ ಅರ್ಥಶಾಸ್ತ್ರ, ಎಲಿಮೆಂಟ್ಸ್ ಆಫ್ ಇಂಜಿನಿಯರಿಂಗ್, ಎಲಿಮೆಂಟ್ಸ್ ಆಫ್ ಎಲೆಕ್ಟ್ರಾನಿಕ್ಸ್ ಇಂಜಿನಿಯರಿಂಗ್, ಎಲಿಮೆಂಟ್ಸ್ ಆಫ್ ಕಂಪ್ಯೂಟರ್ ಸೈನ್ಸ್, ಇಂಜಿನಿಯರಿಂಗ್ ಡ್ರಾಯಿಂಗ್(ಮಧ್ಯಾಹ್ನದ ಅವಧಿ)
ದ್ವಿತೀಯ ಭಾಷೆ
ಏಪ್ರಿಲ್ 05, 2013	ಶುಕ್ರವಾರ	ಇಂಗ್ಲಿಷ್, ಕನ್ನಡ
Core Subjects
ಏಪ್ರಿಲ್ 06, 2013	ಶನಿವಾರ	ವಿಜ್ಞಾನ, ಭಾರತೀಯ ರಾಜ್ಯಶಾಸ್ತ್ರ ಮತ್ತು ಪೌರನೀತಿ ಮಧ್ಯಾಹ್ನ: ಕರ್ನಾಟಕ ಹಾಗೂ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ
ಏಪ್ರಿಲ್ 08, 2013	ಸೋಮವಾರ	ಗಣಿತ, ಭಾರತೀಯ ಸಮಾಜಶಾಸ್ತ್ರ
ತೃತೀಯ ಭಾಷೆ
ಏಪ್ರಿಲ್ 09, 2013	ಮಂಗಳವಾರ	ಹಿಂದಿ, ಕನ್ನಡ, ಇಂಗ್ಲಿಷ್, ಅರೇಬಿಕ್, ಪರ್ಷಿಯನ್, ಉರ್ದು, ಸಂಸ್ಕೃತ, ಕೊಂಕಣಿ
ಏಪ್ರಿಲ್ 10, 2013	ಬುಧವಾರ	ಸಮಾಜ ವಿಜ್ಞಾನ