ಗಾಂಧಿಜಯಂತಿಯಿಂದ ಗೋವಾದಲ್ಲಿ ಗುಟಖಾ ನಿಷೇಧ

ಗಾಂಧಿಜಯಂತಿಯಿಂದ ಗೋವಾದಲ್ಲಿ ಗುಟಖಾ ನಿಷೇಧ
ಗುಟಖಾ ಮೇಲೆ ನಿಷೇಧ ಹೇರಿದ ಪ್ರಪ್ರಥಮ ಸರ್ಕಾರ ನಮ್ಮದು - ದಯಾನಂದ್‌ ನಾರ್ವೇಕರ್‌

ಅಕ್ಟೋಬರ್‌ 2ರಿಂದ ಗೋವಾ ಸರ್ಕಾರ, ಗುಟಖಾ ಮತ್ತು ಇತರೆ ವಿಷಕಾರಕ ಉತ್ಪನ್ನಗಳ ಬಳಕೆಯನ್ನು ನಿಷೇಧಿಸಲಿದೆ.

ಈ ಕುರಿತು ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಆರೋಗ್ಯಸಚಿವ ದಯಾನಂದ್‌ ನಾರ್ವೇಕರ್‌, ಗೋವಾ ಸಾರ್ವಜನಿಕ ಆರೋಗ್ಯ ಕಾಯ್ದೆ-2005ರ ಅನ್ವಯ, ರಾಜ್ಯದಲ್ಲಿ ಗುಟಖಾ ಮತ್ತು ಇತರ ವಿಷಕಾರಕ ಪದಾರ್ಥಗಳ ಬಳಕೆಯ ಮೇಲೆ ನಿಷೇಧ ಹೇರಲಾಗುವುದು ಎಂದರು.

ದೇಶದಲ್ಲಿ ತಂಬಾಕು ಮುಂತಾದ ವಿಷಕಾರಕ ಪದಾರ್ಥಗಳ ಮೇಲೆ, ನಿಷೇಧ ಹೇರುತ್ತಿರುವ ಮೊಟ್ಟಮೊದಲ ರಾಜ್ಯ ಗೋವಾ ಎಂಬುದು ಹೆಮ್ಮೆಯ ಸಂಗತಿ. ನಿಷೇಧದ ನಂತರ ಗುಟಖಾ ಮಾರಾಟ ಮತ್ತು ಸಂಗ್ರಹಣೆ ಎರಡೂ ಕೂಡ ಅಪರಾಧವಾಗುತ್ತದೆ ಎಂದು ಹೇಳಿದರು.

ಈ ಪದಾರ್ಥಗಳನ್ನು ಮಾರಾಟ ಮಾಡುವವರು ಮತ್ತು ಸಂಗ್ರಹಿಸಿಟ್ಟುಕೊಂಡಿರುವವರು, ಸ್ವಯಂ ಪ್ರೇರಣೆಯಿಂದ ಸರ್ಕಾರದ ವಶಕ್ಕೆ ಒಪ್ಪಿಸಬೇಕು. ಈ ನಿಟ್ಟಿನಲ್ಲಿ ಈಗಾಗಲೇ ಲಕ್ಷಾಂತರ ರೂಪಾಯಿ ಮೌಲ್ಯದ ಉತ್ಪನ್ನವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಸಚಿವರು ಸ್ಪಷ್ಟಪಡಿಸಿದರು.

(ಪಿಟಿಐ)

ಮುಖಪುಟ / ವಾರ್ತೆಗಳು