ನಿನ್ನ ಪುಟ್ಟ ಪಾದಗಳು...

(ಪಾಬ್ಲೋ ನೆರುಡಾ ಅವರ Your Feet ಕವನದ ಭಾವಾನುವಾದ)

ನಿನ್ನ ಮೊಗಕ್ಕಿಂತ ನಾನು ನಿನ್ನ
ಪುಟ್ಟ ಪಾದಗಳನ್ನು ಪ್ರೀತಿಸುತ್ತೇನೆ..
ಸಂತಸದಿಂದ ಉಬ್ಬಿನಿಂತ ನಿನ್ನ
ದೃಡವಾದ ಪಾದಗಳನ್ನು ಪ್ರೀತಿಸುತ್ತೇನೆ..

ಅವೊಂದೆ ನಿನ್ನ ಜೊತೆಗಿದ್ದದ್ದು
ನಿನ್ನ ಸುಂದರ ದೇಹ ಅವುಗಳ ಮೇಲಲ್ಲವೆ ನಿಂತದ್ದು ?
ನಿನ್ನ ಬಳುಕಾಡುವ ಸೊಂಟ
ನಿನ್ನ ತುಳುಕಾಡುವ ಮೊಲೆ
ಗುಲಾಬಿ ಮೊಲೆತೊಟ್ಟು..
ಹತ್ತಿ ಹಗುರದ ನಿನ್ನ ಕಣ್ಣೆವೆ..
ಸಿಹಿಯಾದ ನಿನ್ನ ಕೆಂದುಟಿ
ಕಡುಗಪ್ಪು ಮುಂಗುರುಳು
ನಿನ್ನ ಬುಜದ ಮೇಲಿನ ನನ್ನ ಮೊಗ
ಅವಕ್ಕೆಲ್ಲ ಆಧಾರ ನಿನ್ನ ಪಾದಗಳೇ ಅಲ್ಲವೆ ?

ಎಲ್ಲಕ್ಕಿಂತ ಹೆಚ್ಚಾಗಿ ನಿನ್ನ ಪಾದಗಳನ್ನು
ನಾನು ಪ್ರೀತಿಸುತ್ತೇನೆ ಏಕೆ ಗೊತ್ತಾ ?
ನೀರು ನೆಲ ಗಾಳಿಯ ವಿರೋಧ ಎದುರಿಸಿ

ನನ್ನ ಹುಡುಕಿ ಬಂದದ್ದು ನಿನ್ನ ಪಾದಗಳೇ ಅಲ್ಲವೇ ?

English summary

Your Feet a poem by Pablo Neruda. Translated by Dinesh M, in Bangalore.