ಇಟಗಿ ಈರಣ್ಣನವರ ಕನ್ನಡ ಶಾಯಿರಿಗಳು

ಪ್ರೊ.ಇಟಗಿ ಈರಣ್ಣ ಅವರು ಬರೆದ ಕನ್ನಡ ಶಾಯಿರಿಗಳನ್ನು ರೂಪಾಂತರ ಕ್ರಿಯಾಶೀಲ ಜೀವಗಳು ಸಂಸ್ಥೆ ಪುಸ್ತಕ ರೂಪದಲ್ಲಿ ಪ್ರಕಟಿಸಿದೆ. ಗದಗಿನಲ್ಲಿ ಮುಕ್ತಾಯಗೊಂಡ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಈ ಪುಸ್ತಕ ಬಿಸಿ ಬಿಸಿ ಆಮ್ಲೆಟ್ಟುಗಳಂತೆ ಮಾರಾಟವಾಯಿತು. ಪುಸ್ತಕದ ಬೆಲೆ ರೂ.125. ಪುಸ್ತಕಗಳಿಗಾಗಿ

ಸಂಪರ್ಕಿಸಬಹುದು.

ಕೃತಿಯಲ್ಲಿ ಬದುಕಿನ ವಿವಿಧ ಮಜಲುಗಳನ್ನು ನೇವರಿಸುತ್ತಾ, ಮನುಷ್ಯ ಸ್ವಭಾವಗಳಿಗೆ ಕಚಗುಳಿಗೆಗಳನ್ನು ಕೊಡುವ 180 ಶಾಯಿರಿಗಳಿವೆ. ಆಯ್ದ ಕೆಲವು ಶಾಯಿರಿಗಳು ನಿಮ್ಮ ಸ್ಯಾಂಪಲ್ ಓದಿಗೆ. ಕನ್ನಡ ಶಾಯಿರಿಗಳ ಬಗ್ಗೆ ಪ್ರಜಾವಾಣಿಯಲ್ಲಿ ಬರೆಯುತ್ತಾ ಕ ವೆಂ ರಾಜಗೋಪಾಲ್ ಅವರು ಹೇಳುತ್ತಾರೆ : "ಸಾಮಾನ್ಯರಿಗೂ ಅಸಾಮಾನ್ಯರಿಗೂ 'ಮಜಾ'

* ಈ ಕತ್ತಲ ರಾತ್ರಿ ನಿನ್ನ ದಾರಿ ಕಾದೂ ಕಾದೂ ನನ್ನೆದಿ ಒಂದs ಅಳತಿ ಸುಡಾಕ ಹತ್ತೇತಿ|
ಕತ್ತಲಾಗೇತೆಂತ ಹೆದರಿ ಕುಂದರಬ್ಯಾಡ ನನ್ನ ಸುಡೂ ಎದಿ ನಿನ್ನ ದಾರ್ಯಾಗ ಬೆಳಕು ಚೆಲ್ಲೇತಿ||

* ನನಗನಸತೈತಿ ಈ ಹರಿಯೂ ಬೆಳದಿಂಗಳಾ ಹೆಪ್ಪಾಗಿ ನಿನ್ ಮೈ ಆಗಿರಬೇಕು |
ಇಲ್ಲಾಂದ್ರ ನನ್ನ ಬಿಸಿ ನಿನ್ನ ಮೈಗೆ ತಾಗಿ ಅದು ಕರಗಿ ಈ ಬೆಳದಿಂಗಳಾಗಿ ಹರಡಿರಬೇಕು ||

* ಮುಚ್ಚಿದ ತುಟಿ ನೀ ಬಿಚ್ಚಿ ನಕ್ಕೆಂದ್ರ ಹುಣವಿ ಬೆಳದಿಂಗಳು ಹರಿತೈತಿ |
ಕಟ್ಟಿದ ಮುಡಿ ನೀ ಬಿಚ್ಚಿ ಸವರಿದೆಂದ್ರ ಅಮಾಸಿ ಕತ್ತಲು ಕವೀತೈತಿ ||

* ಮಾತಾಡುವಾಗ ಮುತ್ತು ಕೊಡೋಕೆ ಬರಾಂಗಿಲ್ಲ ಮುತ್ತು ಕೊಡುವಾಗ ಮಾತಾಡಾಕ ಬರಾಂಗಿಲ್ಲ |
ಮುತ್ತಿನಂತಾ ಪ್ರೀತಿ ಮಾತಿನ್ಯಾಕಿ ಆಕಿ ಬೇರೆ ಮಾತಿನ್ಯಾಗ ಮುತ್ತು ಕೊಡತಾಳಲ್ಲ ||

* ಬಡ್ಡಿ ತಗೊಂಡು ಸಾಲಾ ಕೊಡಾಕ ಇದೇನೂ ಬ್ಯಾಂಕ್ ಅಲ್ಲಾ |
ದುಡ್ಡು ತಗೊಂಡು ಪ್ರೀತಿ ಕೊಡಾಕ ನಾನೇನೂ ಸೂಳಿ ಅಲ್ಲಾ ||

* ಎಷ್ಟು ದಿನ ಕಾದಿದ್ವಿ ಈ ರಾತ್ರಿಗೆ |
ಮಾತ್ ಮಾತಿನ್ಯಾಗ ಮುಗಿತಿ ರಾತ್ರಿ ಏನನ್ನಬೇಕು ಈ ನಮ್ಮ ಮಾತಿಗೆ ||

* ಕನ್ನಡದೊಳಗ 'ಶಾಯಿರಿ' ನಂತೂ ಯಾರೂ ಬರೆದಿಲ್ಲ ಇವತ್ತಿನ ತನಕ |
ನನಗಂತೂ ಬರೀಬೇಕನಸತೈತಿ ನಾನಂತೂ ಸಾಯೋತನಕ ||