ತಮ್ಮ ಜೀವನಗಾಥೆ ಪಠ್ಯವಾಗುವುದು ಬೇಡವೆಂದ ಮೋದಿ
ನವದೆಹಲಿ, ಮೇ 30: ಗುಜರಾತಿನ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರು ದೇಶದ ಪ್ರಧಾನಿಯಾಗುತ್ತಿದ್ದಂತೆ ಅವರ ಜೀವನಗಾಥೆಯನ್ನು ಶಾಲಾ ಮಕ್ಕಳಿಗೆ ಪಠ್ಯವಾಗಿಸಬೇಕು ಎಂದು ಮೋದಿ ಬೆಂಬಲಿಗರು ಆಶಿಸಿದ್ದರು. ಮಧ್ಯಪ್ರದೇಶ, ರಾಜಸ್ಥಾನ ಮತ್ತು ಗುಜರಾತಿನಲ್ಲಿ ಈಗಾಗಲೇ ಈ ಪ್ರಸ್ತಾವನೆಗೆ ಅಂಕಿತ ಬೀಳುವ ಲಕ್ಷಣಗಳೂ ಇವೆ.
ಈ ಮಧ್ಯೆ ಕೆಲ ರಾಜ್ಯ ಸರಕಾರಗಳ ಈ ಪ್ರಯತ್ನಕ್ಕೆ ತಣ್ಣೀರು ಎರಚಿರುವ ಪ್ರಧಾನಿ ಮೋದಿ ತಮ್ಮ ಕುರಿತಾದ ಪಠ್ಯ ಅಳವಡಿಕೆಯ ಅಗತ್ಯವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ಸ್ವತಃ ನರೇಂದ್ರ ಮೋದಿ ಅವರೇ ಇದಕ್ಕೆ ಅಸಮ್ಮತಿ ಸೂಚಿಸಿದ್ದಾರೆ. ನರೇಂದ್ರ ಮೋದಿಯ ಜೀವನದ ಹೋರಾಟವನ್ನೊಳಗೊಂಡ ಪಾಠವನ್ನು ಶಾಲಾ ಪಠ್ಯದಲ್ಲಿ ಅಳವಡಿಸುವ ಚಿಂತನೆ ನಡೆದಿದೆ ಎಂಬ ಸುದ್ದಿ ನನ್ನ ಕಿವಿಗೂ ಬಿದ್ದಿದೆ. ಆದರೆ ಜೀವಂತ ವ್ಯಕ್ತಿಗಳನ್ನು ಪಠ್ಯದಲ್ಲಿ ಅಳವಡಿಸುವುದು ಸಮಂಜಸವಲ್ಲ ಎಂಬುದು ನನ್ನ ಬಲವಾದ ಅನಿಸಿಕೆ ಎಂದು ಪ್ರತಿಪಾದಿಸಿದ್ದಾರೆ.
I firmly believe that the life story of living individuals should not be included as a part of the school curriculum.
— Narendra Modi (@narendramodi) May 30, 2014 'ಭಾರತದ ಇತಿಹಾಸವು ಅನೇಕ ಮಹಾಮಹಿಮ ನಾಯಕರಿಂದ ತುಂಬಿದೆ. ಇಂದಿನ ಭಾರತಕ್ಕೆ ಅವರೆಲ್ಲಾ ಅದ್ಭುತ ಕಾಣಿಕೆ ನೀಡಿದ್ದಾರೆ. ಎಳೆಯ ಮನಸ್ಸುಗಳು ಅಂತಹವರ ಬಗ್ಗೆ ಓದಿ ತಿಳಿದುಕೊಳ್ಳಬೇಕು. ಅವರನ್ನು ಅನುಸರಿಸಬೇಕು ಎಂಬುದು ನನ್ನ ಆಶಯ' ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ.
India has a rich history of several stalwarts who made India what it is today. Young minds should read about these greats & emulate them.
— Narendra Modi (@narendramodi) May 30, 2014 
Click it and Unblock the Notifications
Sign in with Google