ರಫೇಲ್ CAG ವರದಿ: ಸಂಸತ್ ಎದುರು ಕಾಂಗ್ರೆಸ್ಸಿಗರ ಪ್ರತಿಭಟನೆ

ನವದೆಹಲಿ, ಫೆಬ್ರವರಿ 13: ರಫೇಲ್ ಡೀಲ್ ಗೆ ಸಂಬಂಧಿಸಿದಂತೆ ಪ್ರಧಾನಿ ನರೇಂದ್ರ ಮೋದಿ ಅವರು ಸುಳ್ಳು ಹೇಳುತ್ತಿದ್ದಾರೆಂದು ಆರೋಪಿಸಿ, ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಮತ್ತು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಕಾಂಗ್ರೆಸ್ ನಾಯಕರು ಸಂಸತ್ ಎದುರು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಪ್ರತಿಭಟನೆಯಲ್ಲಿ ಯುಪಿಎ ಅಧ್ಯಕ್ಷ ಸೋನಿಯಾ ಗಾಂಧಿ, ಪ್ರತಿಪಕ್ಷನಾಯಕ ಮಲ್ಲಿಕಾರ್ಜುನ ಖರ್ಗೆ ಮುಂತಾದ ನಾಯಕರು ಭಾಗಿಯಾಗಿದ್ದರು.

ಭಾರತ ಸರ್ಕಾರ ಫ್ರಾನ್ಸ್‌ನಿಂದ 36 ರಫೇಲ್ ಯುದ್ಧ ವಿಮಾನಗಳ ಖರೀದಿ ಮಾಡುವುದಾಗಿ ಪ್ರಕಟಿಸಿದ ಎರಡು ವಾರ ಮುಂಚೆಯಷ್ಟೇ ಉದ್ಯಮಿ ಅನಿಲ್ ಅಂಬಾನಿ ಅವರು ಫ್ರಾನ್ಸ್ ರಕ್ಷಣಾ ಅಧಿಕಾರಿಗಳನ್ನು ಭೇಟಿ ಮಾಡಿದ್ದರು ಎಂಬ ಸಂಗತಿ ಇತ್ತೀಚೆಗೆ ಬೆಳಕಿಗೆ ಬಂದಿತ್ತು.

Former PM Dr. Manmohan Singh, UPA Chairperson Smt. Sonia Gandhi, Congress President @RahulGandhi & senior leaders from the party hold a protest against the PM's lies on the #RafaleScam outside the Gandhi statue in Parliament. #ChowkidarChorHai pic.twitter.com/NQd4U1UEfs

— Congress (@INCIndia) February 13, 2019

ಇದೀಗ ಸಿಎಜಿ ವರದಿಯನ್ನು ರಾಜ್ಯಸಭೆಯಲ್ಲಿ ಇಂದು ಮಂಡಿಸಲಾಗಿದ್ದು, 126 ರ ಬದಲಾಗಿ ಅದರಲ್ಲಿ 36 ರಫೇಲ್ ಯುದ್ಧವಿಮಾನವನ್ನು ಖರೀದಿ ಮಾಡಿದ ಕಾರಣ ಭಾರತ 17.08 % ರಷ್ಟು ಹಣ ಉಳಿಸಿದೆ ಎಂದು ಈ ವರದಿ ಹೇಳಿದೆ.

ಈ ವರದಿಯನ್ನು ವಿರೋಧಿಸಿರುವ ಕಾಂಗ್ರೆಸ್ ನಾಯಕರು ಪ್ರತಿಭಟನೆ ನಡೆಸುತ್ತಿದ್ದು, 'ಚೌಕಿದಾರ್ ಚೋರ್ ಹೈ' ಎಂದು ಘೋಷಣೆ ಕೂಗುತ್ತಿದ್ದಾರೆ. ಬಜೆಟ್ ಅಧಿವೇಶನದ ಕೊನೆಯ ದಿನವಾದ ಇಂದು ಸಿಎಜಿ ವರದಿಯನ್ನು ರಾಜ್ಯ ಸಭೆಯ ಮುಂದಿಡಲಾಗಿದೆ.

English summary

Former PM Dr. Manmohan Singh, UPA Chairperson Smt. Sonia Gandhi, Congress President Rahul Gandhi and senior leaders from the party hold a protest against the PM's lies on the Rafale deal outside the Gandhi statue in Parliament.