ಭಾರತದ ಮುಂದಿನ ಗೃಹ ಸಚಿವ ಅಮಿತ್ ಶಾ : ಕೇಜ್ರಿವಾಲ್
ನವದೆಹಲಿ, ಮೇ 10: ಭಾರತೀಯ ಜನತಾ ಪಕ್ಷ (ಬಿಜೆಪಿ) ಅಧಿಕಾರಕ್ಕೆ ಬಂದರೆ, ಪಕ್ಷದ ಅಧ್ಯಕ್ಷ ಅಮಿತ್ ಶಾ ಅವರು ಮುಂದಿನ ಗೃಹ ಸಚಿವರಾಗಲಿದ್ದಾರೆ ಎಂದು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಶುಕ್ರವಾರದಂದು ಹೇಳಿದರು.
ಲೋಕಸಭಾ ಚುನಾವಣೆ 2019 | ವಿಶೇಷ ಪುಟ | ಗ್ಯಾಲರಿ
ಟ್ವೀಟೊಂದಕ್ಕೆ ಉತ್ತರ ನೀಡಿ, ಅಮಿತ್ ಅವರು ಗೃಹ ಸಚಿವರಾದರೆ, ದೇಶದ ಪರಿಸ್ಥಿತಿ ಏನಾಗಬಹುದು ಎಂಬುದನ್ನು ಜನರು ಯೋಚಿಸಬೇಕಿದೆ ಎಂದಿದ್ದಾರೆ. ಹೀಗಾಗಿ, ಯೋಚನೆ ಮಾಡಿ ಮತ ಹಾಕಿ ಎಂದು ಮನವಿ ಮಾಡಿದ್ದಾರೆ.
देशवासियों, वोट देते वक़्त सोचना। अगर मोदी जी दोबारा आ गए तो अमित शाह गृह मंत्री होंगे। जिस देश का गृह मंत्री अमित शाह हो, उस देश का क्या होगा, ये सोच के वोट डालना। https://t.co/ws2ZCA7hjv
— Arvind Kejriwal (@ArvindKejriwal) May 10, 2019
ಆರ್ ಬಿಐ ಮಾಜಿ ಗವರ್ನರ್ ಬಿಮಾಲ್ ಜಲಾನ್ ಅವರು ಒಳ್ಳೆ ವಿತ್ತ ಸಚಿವರಾಗಬಹುದು, ಅರವಿಂದ್ ವಿರ್ಮಾನಿ ಅವರು ಮುಖ್ಯ ಅರ್ಥಿಕ ಸಲಹೆಗಾರರಾಗಬಹುದು, ಅಮಿತ್ ಶಾ ಅವರು ಗೃಹ ಸಚಿವರಾಗಬಹುದು ಎಂದು ಚುನಾವಣೆ ಟ್ರೆಂಡ್ ಕುರಿತ ಸಂಸ್ಥೆ ಮಾಡಿದ್ದ ಟ್ವೀಟ್ ಗೆ ಕೇಜ್ರಿವಾಲ್ ಉತ್ತರಿಸಿದ್ದರು. ದೆಹಲಿಯಲ್ಲಿ ಮೇ 12ರಂದು ಚುನಾವಣೆ ನಡೆಯಲಿದ್ದು, ಇದು 6ನೇ ಹಂತದ ಮತದಾನವಾಗಿದೆ, ಮೇ 23ರಂದು ಫಲಿತಾಂಶ ಹೊರ ಬರಲಿದೆ.(ಪಿಟಿಐ)
Click it and Unblock the Notifications
Sign in with Google