ದೆಹಲಿ:ಅತ್ಯಾಚಾರ ಪ್ರಕರಣಗಳು 3127, ಅದರಲ್ಲಿ ಶೇ.31ರಷ್ಟು ಮಕ್ಕಳ ಮೇಲೆ

ನವದೆಹಲಿ, ನವೆಂಬರ್ 06: ದೆಹಲಿಯಲ್ಲಿ ಕಳೆದ ವರ್ಷ 3127 ಅತ್ಯಾಚಾರ ಪ್ರಕರಣಗಳು ದಾಖಲಾಗಿದ್ದು, ಅದರಲ್ಲಿ ಶೇ.31ರಷ್ಟು ಅತ್ಯಾಚಾರ ಮಕ್ಕಳ ಮೇಲೆ ನಡೆದಿದೆ ಎನ್ನುವ ವಿಷಯ ಬೆಳಕಿಗೆ ಬಂದಿದೆ.

ಪ್ರಜಾ ಫೌಂಡೇಶನ್ ಎನ್ನುವ ಎನ್‌ಜಿಒವೊಂದು ಈ ವಿಷಯ ತಿಳಿಸಿದೆ. ಕಳೆದ ಐದು ವರ್ಷಗಳಲ್ಲಿ ಅಪರಾಧ ಪ್ರಕರಣಗಳು ಕಡಿಮೆಯಾಗಿವೆ. ಅತ್ಯಾಚಾರ ಪ್ರಕರಣ ಶೇ.1 ಹಾಗೂ ಕೊಲೆ ಪ್ರಕರಣಗಳು ಶೇ.9ರಷ್ಟು ಕಡಿಮೆಯಾಗಿವೆ.

ಕಳೆದ ವರ್ಷ 3127 ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ , 969 ಪ್ರಕರಣಗಳು ಪೋಕ್ಸೋ ಕಾಯ್ದೆಯಲ್ಲಿ ದಾಖಲಾಗಿವೆ. 425 ಅತ್ಯಾಚಾರ ಸಂತ್ರಸ್ತರು 16-18ವರ್ಷದವರಾಗಿದ್ದಾರೆ.

ಪೋಕ್ಸೋ ಕಾಯ್ದೆಯಡಿ ದಾಖಲಾಗಿರುವ ಶೇ.96ರಷ್ಟು ಪ್ರಕರಣಗಳಲ್ಲಿ ಸಂತ್ರಸ್ತರಿಗೆ ಆರೋಪಿಗಳು ಪರಿಚಯವಿದ್ದಾರೆ. 2019ರಲ್ಲಿ 2.37 ಲಕ್ಷ ಕಳ್ಳತನ ಪ್ರಕರಣಗಳು ದಾಖಲಾಗಿವೆ.115 ಸೈಬರ್ ಕ್ರೈಂ ಪ್ರಕರಣಗಳು ದಾಖಲಾಗಿವೆ. ದೆಹಲಿಯಲ್ಲಿ 13 ಜಿಲ್ಲಾ ಸೈಬರ್ ಸೆಲ್‌ಗಳಿವೆ.

English summary

Thirty-one per cent of the total 3,137 rape cases in Delhi last year were committed against children, an NGO claimed.