ಸಾಲ ಮರುಪಾವತಿಗೆ 60 ದಿನ ಕಾಲಾವಕಾಶ: ಆರ್ ಬಿ ಐ
ಗೃಹ ಸಾಲ, ವಾಹನ ಸಾಲ, ಬೆಳೆ ಸಾಲ ಮರುಪಾವತಿ ಮಾಡಬೇಕಾಗಿರುವವರಿಗೆ 60 ದಿನ ಕಾಲವಕಾಶ ನೀಡಿ ಭಾರತೀಯ ರಿಸರ್ವ್ ಬ್ಯಾಂಕ್ ಆದೇಶ ಹೊರಡಿಸಿದೆ.
ಮುಂಬೈ, ನವೆಂಬರ್, 21: ನೋಟು ನಿಷೇಧ ಪರಿಣಾಮ ಸಾರ್ವಜನಿಕರು ಹಣದ ಸಮಸ್ಯೆ ಎದುರಿಸುತ್ತಿರುವುದರಿಂದ ರೂ. ಕೋಟಿ ವರೆಗಿನ ಗೃಹ, ವಾಹನ, ಬೆಳೆ ಮತ್ತಿತರರ ಸಾಲ ಮರುಪಾವತಿಗೆ 60 ದಿನ ಕಾಲವಕಾಶ ನೀಡಿ ಭಾರತೀಯ ರಿಸರ್ವ್ ಬ್ಯಾಂಕ್ ಸೋಮವಾರ ಆದೇಶ ಹೊರಡಿಸಿದೆ.
ಈ ಆದೇಶವು ನವೆಂಬರ್ 1 ರಿಂದ ಡಿಸೆಂಬರ್ 31ರ ನಡುವಿನ ಅವಧಿಯಲ್ಲಿ ಸಾಲ ಮರುಪಾವತಿ ಮಾಡಬೇಕಾಗಿರುವವರಿಗೆ ಮಾತ್ರ ಅನ್ವಯವಾಗುತ್ತದೆ ಎಂದು ಆರ್ ಬಿ ಐ ಸ್ಪಷ್ಟಪಡಿಸಿದೆ.[ನೋಟು ಬ್ಯಾನ್ : ದಿನಭತ್ಯೆಗಾಗಿ ಕಾದಿರುವ ಇಂಗ್ಲೆಂಡ್ ಕ್ರಿಕೆಟ್ ತಂಡ]
ಅಷ್ಟೇ ಅಲ್ಲದೆ ಪ್ರತಿ ತಿಂಗಳು ಸಾಲ ಮರುಪಾವತಿ ಮಾಡುತ್ತಿದ್ದ ಮತ್ತು ಸಕ್ರಿಯವಾದ ಸಾಲದ ಖಾತೆ ಹೊಂದಿರುವವರಿಗೆ ಮಾತ್ರ ಈ ಆದೇಶ ಅನ್ವಯಿಸುತ್ತದೆ ಎಂದು ಆರ್ ಬಿ ಐ ಹೇಳಿದೆ.
ಸಕ್ರಿಯವಾದ ಬಂಡವಾಳ ಖಾತೆ ಹೊಂದಿದ್ದು, ಯಾವುದಾದರೂ ಬ್ಯಾಂಕ್ ಮೂಲಕ ಒಂದು ಕೋಟಿರೂ. ಗಿಂತಲೂ ಕಡಿಮೆ ಮೊತ್ತದ ಸಾಲ ಪಡೆದಿರುವ ಯಾವುದೇ ಸಾಲಗಾರರಿಗೆ ಈ ಆದೇಶ ಅನ್ವಯವಾಗುತ್ತದೆ.
ಅಷ್ಟೇ ಅಲ್ಲದೆ. ಒಂದು ಕೋಟಿಗೂ ಕಡಿಮೆ ಮೊತ್ತದ ವ್ಯಾಪರ ಸಾಲ, ವೈಯಕ್ತಿಕ ಸಾಲ, ಹೊಂದಿರುವವರೂ ಸಹ ಈ ಆದೇಶ ಅನ್ವಯವಾಗುತ್ತದೆ ಎಂದು ಆರ್ ಬಿ ಐ ಹೇಳಿದೆ.