1ರೂ. ನೋಟಿಗೆ ನೂರರ ಸಂಭ್ರಮ! ಶತಮಾನದ ಇತಿಹಾಸದತ್ತ ಒಂದು ನೋಟ

Updated: Thursday, November 30, 2017, 15:58 [IST]

ಮುಂಬೈ, ನವೆಂಬರ್ 30: ಈ ತಲೆಮಾರಿನ ಮಕ್ಕಳಿಗೆ ಒಂದರ್ಥದಲ್ಲಿ ಅಪರೂಪದ ವಸ್ತುವೇ ಆಗಿರುವ ಒಂದು ರೂಪಾಯಿಯ ನೋಟು ಚಲಾವಣೆಗೆ ಬಂದು ಇಂದಿಗೆ(ನ.30, 1917) ಸರಿಯಾಗಿ ನೂರು ವರ್ಷ ಸಂದಿದೆ. ಕಿಂಗ್ ಐದನೇ ಜಾರ್ಜ್ ಚಿತ್ರದೊಂದಿಗೆ ಹೊರಬಂದ ಈ ನೋಟಿನ ವಿಶೇಷತೆ ಎಂದರೆ ಇದನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಮುದ್ರಿಸುವುದಿಲ್ಲ. ಬದಲಾಗಿ ಭಾರತೀಯ ಸರ್ಕಾರ ಮುದ್ರಿಸುತ್ತದೆ.

ಭಾರತದ 2 ಸಾವಿರ ರು. ನೋಟು ಪಾಕಿಸ್ತಾನದಿಂದ 30 ರುಪಾಯಿಗೆ ಮಾರಾಟ

ಒಂದು ರೂ.ನೋಟಿನ ಕೆಲವು ವಿಶೇಷತೆಗಳು ಇಲ್ಲಿವೆ

* 1917 ರ ಸಮಯದಲ್ಲಿ ನಾಣ್ಯಗಳನ್ನು ಟಂಕಿಸುವುದಕ್ಕೆ ಸಾಧ್ಯವಿಲ್ಲದ ಸಮಯದಲ್ಲಿ ನೋಟುಗಳ ಮುದ್ರಣಕ್ಕೆ ಆಗಿನ ಬ್ರಿಟೀಷ್ ಸರ್ಕಾರ ತೊಡಗಿತ್ತು.

* ಒಂದು ರೂ. ನೋಟಿನ ಮೇಲೆ ಆಯಾ ವರ್ಷ ಬಿಡುಗಡೆಯಾದ ಒಂದು ರೂ. ನಾಣ್ಯವನ್ನೂ ಮುದ್ರಿಸಲಾಗುತ್ತಿತ್ತು.
* 1926 ರಲ್ಲಿ ವೆಚ್ಚ ಕಡಿತದ ದೃಷ್ಟಿಯಿಂದ ಇದರ ಮುದ್ರಣವನ್ನು ನಿಲ್ಲಿಸಲಾಯ್ತು. ನಂತರ ಮತ್ತೆ 1940 ಯಲ್ಲಿ ಮುದ್ರಣ ಆರಂಭಿಸಿ, 1994 ರಲ್ಲಿ ನಿಲ್ಲಿಸಲಾಯ್ತು. 2015 ರಲ್ಲಿ ಈ ಪುಟ್ಟ ನೋಟು ಮತ್ತೆ ಮುದ್ರಣಕ್ಕೆ ಬಂತು.

* ಎಲ್ಲಾ ನೋಟುಗಳಂತೆ ಈ ನೋಟಿನಲ್ಲಿ ಆರ್ ಬಿಐ ಗವರ್ನರ್ ಸಹಿ ಇರುವುದಿಲ್ಲ. ಬದಲಾಗಿ ಹಣಕಾಸು ಕಾರ್ಯದರ್ಶಿಯ ಸಹಿ ಇರುತ್ತದೆ.
* ಒಂದು ರೂಪಾಯಿಯ ಮೊದಲ ನೋಟಿನ ಮೇಲೆ ಬ್ರಿಟೀಶ್ ಹಣಕಾಸು ಕಾರ್ಯದರ್ಶಿಗಳಾದ ಎಂಎಂಎಸ್ ಗುಬ್ಬೇ, ಎಸಿ ಮ್ಯಾಕ್ ವಾಟರ್ಸ್ ಮತ್ತು ಎಚ್ ಡೆನ್ನಿಂಗ್ ರ ಸಹಿಗಳಿದ್ದವು.