ರಾಜಸ್ಥಾನದ ಸರ್ಕಾರಿ ಆಸ್ಪತ್ರೆಯಲ್ಲಿ 9 ನವಜಾತ ಶಿಶುಗಳ ಸಾವು

ಜೈಪುರ, ಡಿಸೆಂಬರ್ 11: ರಾಜಸ್ಥಾನದ ಕೋಟಾದಲ್ಲಿರುವ ಸರ್ಕಾರಿ ಆಸ್ಪತ್ರೆಯಲ್ಲಿ ಕೆಲವೇ ಗಂಟೆಯಲ್ಲಿ 9 ನವಜಾತ ಶಿಶುಗಳು ಸಾವನ್ನಪ್ಪಿವೆ.

ಜೆಕೆ ಲೋನ್ ಆಸ್ಪತ್ರೆಯಲ್ಲಿ ಐದು ಶಿಶುಗಳು ಬುಧವಾರ ರಾತ್ರಿ ಮೃತಪಟ್ಟರೆ ನಾಲ್ಕು ಶಿಶುಗಳು ಗುರುವಾರ ಸಾವನ್ನಪ್ಪಿವೆ.ಪ್ರತಿ ಶಿಶುಗಳು 1-4 ದಿನದ್ದಾಗಿವೆ ಈ ಕುರಿತು ತನಿಖೆ ನಡೆಸುವಂತೆ ಆರೋಗ್ಯ ಸಚಿವ ರಘು ಶರ್ಮಾ ಸೂಚಿಸಿದ್ದಾರೆ.

ಶಿಶುಗಳದ್ದು ಸಹಜ ಸಾವು, ಯಾವುದೇ ಇನ್‌ಫೆಕ್ಷನ್ ಅಥವಾ ಗಂಭೀರ ಕಾರಣಗಳಿಲ್ಲ ಎಂದು ಆಸ್ಪತ್ರೆ ಮುಖ್ಯಾಧಿಕಾರಿ ಸುರೇಶ್ ದುಲಾರಾ ತಿಳಿಸಿದ್ದಾರೆ.

ಶುಕ್ರವಾರ ವಾರ್ಡ್‌ಗಳಿಗೆ ಆರು ಹೆಚ್ಚುವರಿ ವೈದ್ಯರು ಹಾಗೂ ನರ್ಸ್‌ಗಳನ್ನು ನೇಮಿಸಲಾಗಿದೆ.

ಪ್ರಾಥಮಿಕ ತನಿಖೆ ನಡೆಸಲು ಸಚಿವ ರಘು ಶರ್ಮಾ ಸೂಚಿಸಿದ್ದಾರೆ. ನವಜಾತ ಶಿಶುಗಳ ಕಡೆಗೆ ತೀವ್ರ ನಿಗಾ ಇಡುವಂತೆಯೂ ಸೂಚನೆ ನೀಡಿದ್ದಾರೆ.
ಈ ರೀತಿ ಘಟನೆ ನಡೆದಿರುವುದು ಇದೇ ಮೊದಲಲ್ಲ, ಡಿಸೆಂಬರ್ 2019ರಲ್ಲಿ ಆಸ್ಪತ್ರೆಯಲ್ಲಿ 100 ನವಜಾತ ಶಿಶುಗಳು ಸಾವನ್ನಪ್ಪಿದ್ದವು.

English summary

Nine newborn infants have died at a state-run hospital in Kota city of Rajasthan within a span of hours, officials said on Thursday, a year after the same facility had hit national headlines over the deaths of an unusual number of infants.