ಕೇಂದ್ರ ಚುನಾವಣಾ ಆಯೋಗ ಆಯುಕ್ತರಾಗಿ ಬ್ರಹ್ಮ ಅಧಿಕಾರ ಸ್ವೀಕಾರ
ನವದೆಹಲಿ, ಜ.16: ಕೇಂದ್ರ ಚುನಾವಣಾ ಆಯೋಗದ ಮುಖ್ಯ ಆಯುಕ್ತರಾಗಿ ನೇಮಕಗೊಂಡಿರುವ ಹರಿ ಶಂಕರ್ ಬ್ರಹ್ಮ ಅವರು ಶುಕ್ರವಾರ ಅಧಿಕಾರ ಸ್ವೀಕರಿಸಿದ್ದಾರೆ. ವಿ. ಎಸ್. ಸಂಪತ್ ಅವರಿಂದ ತೆರವಾಗಿರುವ ಸ್ಥಾನಕ್ಕೆ ಬ್ರಹ್ಮ ಅವರನ್ನು ಆಯ್ಕೆ ಮಾಡಲಾಗಿತು.
65ವರ್ಷ
ವಯಸ್ಸಿನ
ಆಯುಕ್ತ
ವಿಎಸ್
ಸಂಪತ್
ಅವರು
ಅಧಿಕಾರ
ತೊರೆದ
ಬೆನ್ನಲ್ಳೇ
ಹಿರಿಯ
ಆಯುಕ್ತರಾಗಿರುವ
ಬ್ರಹ್ಮ
ಅವರನ್ನು
ಆಯೋಗದ
ಮುಖ್ಯ
ಆಯುಕ್ತರನ್ನಾಗಿ
ರಾಷ್ಟ್ರಪತಿ
ಪ್ರಣಬ್
ಮುಖರ್ಜಿ
ನೇಮಕ
ಮಾಡಿದ್ದಾರೆ
ಎಂದು
ಕಾನೂನು
ಸಚಿವಾಲಯದ
ಪ್ರಕಟಿಸಿತ್ತು.
ಆಂಧ್ರಪ್ರದೇಶದ 1975ನೇ ಬ್ಯಾಚಿನ ಐಎಎಸ್ ಅಧಿಕಾರಿಯಾಗಿರುವ ಅಸ್ಸಾಂ ಮೂಲದ ಬ್ರಹ್ಮ(64) ಅವರ ಅಧಿಕಾರ ಅವಧಿಯೂ ತೀರಾ ಕಡಿಮೆ ಅವಧಿಯದ್ದಾಗಿದೆ. ಏ.19ರಂದು 65ನೇ ವರ್ಷಕ್ಕೆ ಕಾಲಿಡುವ ಬ್ರಹ್ಮ ಅವರು ಹುದ್ದೆ ತೊರೆಯಬೇಕಾಗುತ್ತದೆ. ಸಂವಿಧಾನದಲ್ಲಿ ಚುನಾವಣಾ ಮುಖ್ಯ ಆಯುಕ್ತದ ವಯೋಮಿತಿ 65 ವರ್ಷಕ್ಕೆ ಸೀಮಿತಗೊಳಿಸಲಾಗಿದೆ.
2010ರ ಆಗಸ್ಟ್ 25 ರಂದು ಆಯುಕ್ತರಾಗಿ ನೇಮಕಗೊಳ್ಳುವುದಕ್ಕೂ ಮೊದಲು ಕೇಂದ್ರ ಇಂಧನ ಇಲಾಖೆಯ ಕಾರ್ಯದರ್ಶಿಯಾಗಿದ್ದರು. ಬ್ರಹ್ಮ ಅವರನ್ನು ಸಂಪ್ರದಾಯದಂತೆ ಸೇವಾ ಹಿರಿತನವನ್ನು ಆಧರಿಸಿ ಮುಖ್ಯ ಆಯುಕ್ತರನ್ನಾಗಿ ನೇಮಕ ಮಾಡಲಾಗಿದೆ. ಜೆಎಂ ಲಿಂಗ್ಡೋ ನಂತರ ಈಶಾನ್ಯ ರಾಜ್ಯದ ಐಎಎಸ್ ಅಧಿಕಾರಿಯೊಬ್ಬರು ಈ ಉನ್ನತ ಸ್ಥಾನಕ್ಕೇರಿದ್ದಾರೆ. (ಪಿಟಿಐ)