ಚಂಡಮಾರತದ ಅಬ್ಬರ ಕುರಿತ ಅಪ್ಡೇಟ್ಸ್, ಸಹಾಯಕ್ಕಾಗಿ ಡಯಲ್ 1938

ನವದೆಹಲಿ, ಮೇ 03: ಚಂಡಮಾರುತದ ಅಬ್ಬರಕ್ಕೆ ತತ್ತರಿಸಿರುವ ಒಡಿಶಾ, ಪಶ್ಚಿಮ ಬಂಗಾಲ ಕರಾವಳಿಯ ಜನರ ಅನುಕೂಲಕ್ಕಾಗಿ ಕೇಂದ್ರ ಗೃಹ ಸಚಿವಾಲಯವು 1938 ಸಹಾಯವಾಣಿ ಸಂಖ್ಯೆಗೆ ಚಾಲನೆ ನೀಡಿದೆ. ಕಂಟ್ರೋಲ್ ರೂಮ್ ಸ್ಥಾಪಿಸಲಾಗಿದ್ದು, ಚಂಡಮಾರುತದ ಬಗ್ಗೆ ಅಪ್ಡೇಟ್ಸ್ ಹಾಗೂ ನೆರವು ಪಡೆಯಲು ಈ ಸಂಖ್ಯೆ ಬಳಸಿ, ಮಾಹಿತಿ ಪಡೆಯಬಹುದು.

ಈ ನಡುವೆ ಒಡಿಶಾ, ಆಂಧ್ರಪ್ರದೇಶ ಹಾಗೂ ಪಶ್ಚಿಮ ಬಂಗಾಲ ಭಾಗಗಳಲ್ಲಿ ಸಂಚರಿಸುತ್ತಿದ್ದ 170ಕ್ಕೂ ಅಧಿಕ ರೈಲುಗಳ ಓಡಾಟ ಮತ್ತು ವಿಮಾನಗಳ ಹಾರಾಟವನ್ನು ಸ್ಥಗಿತಗೊಳಿಸಲಾಗಿದೆ. ಒಡಿಶಾದಲ್ಲಿ 8 ಲಕ್ಷ ಅಧಿಕ ಮಂದಿಯನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ.

ಫೋನಿ ಚಂಡಮಾರತ ಸಂತ್ರಸ್ತರಿಗೆ ನೆರವಾಗಲು ಭಾರತೀಯ ನೌಕಾದಳ, ವಾಯುಸೇನೆ, ಕರಾವಳಿ ಭದ್ರತಾ ಪಡೆ, 50 ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ(ಎನ್ ಡಿ ಆರ್ ಎಫ್) ರಕ್ಷಣಾ ಕಾರ್ಯದಲ್ಲಿ ತೊಡಗಿಸಿಕೊಂಡಿವೆ ಎಂದು ಎನ್ ಡಿಆರ್ ಎಫ್ ನ ಮುಖ್ಯಸ್ಥ ಎಸ್ಎನ್ ಪ್ರಧಾನ್ ಅವರು ಹೇಳಿದ್ದಾರೆ.

28 ತಂಡಗಳು ಒಡಿಶಾದ ಪುರಿಯಲ್ಲಿವೆ, 12 ತಂಡಗಳು ಆಂಧ್ರಪ್ರದೇಶದಲ್ಲಿ ಹಾಗೂ 6 ತಂಡಗಳು ಪಶ್ಚಿಮ ಬಂಗಾಲದಲ್ಲಿ ಕಾರ್ಯ ನಿರ್ವಹಿಸುತ್ತಿವೆ. ಪ್ರತಿ ತಂಡದಲ್ಲೂ ಡಿಐಜಿ ಶ್ರೇಣಿಯ ಅಧಿಕಾರಿಗಳಿದ್ದು, ರಕ್ಷಣೆ ಹಾಗೂ ಪರಿಹಾರ ಕಾರ್ಯ ಭರದಿಂದ ಸಾಗಿದೆ ಎಂದರು.

PLEASE RETWEET -#Odisha’s emergency helpline number for Cyclone Fani +916742534177, Control room number of different districts have been issued #CycloneFani pic.twitter.com/8h4VOMXMwF

— Doordarshan National (@DDNational) May 3, 2019

ಎನ್ ಡಿಆರ್ ಎಫ್ ತಂಡದಲ್ಲಿ ವೈದ್ಯರು, ಪ್ಯಾರಾ ಮೆಡಿಕಲ್ ಸಿಬ್ಬಂದಿ, ಇಂಜಿನಿಯರ್, ಮುಳುಗು ತಜ್ಞರು, ಬೋಟ್, ಜೀವ ರಕ್ಷಕ ಔಷಧ, ಜಾಕೆಟ್ಸ್, ಸ್ಕೂಬಾ ಸೆಟ್, ಸುಧಾರಿತ ಸಂವಹನ ಸಾಧನ(ಕ್ಯೂಡಿಎ) ಸೇರಿದಂತೆ ಅನೇಕ ಉಪಕರಣಗಳಿವೆ ಎಂದು ಪ್ರಧಾನ್ ಹೇಳಿದರು.

Andhra Pradesh: Relief operation by NDRF (National Disaster Response Force) is underway in Kotturu Mandal of Srikakulam which received rain and experienced strong winds today. #CycloneFani has made a landfall in Odisha's Puri. (Pic source: NDRF) pic.twitter.com/gzTZUzWMHT

— ANI (@ANI) May 3, 2019

ಫೋನಿ ಚಂಡಮಾರುತ ಸಹಾಯವಾಣಿ : +916742534177 ಉಳಿದಂತೆ ಜಿಲ್ಲಾವಾರು ನಿಯಂತ್ರಣ ಕೊಠಡಿ ಸಂಖ್ಯೆಗಳನ್ನು ಈ ಕೆಳಗಿನ ಟ್ವೀಟಲ್ಲಿ ನೀಡಲಾಗಿದೆ

English summary

The control room helpline number 1938 set up for cyclone Fani is now operational. The control room set up by the Ministry for Home Affairs would provide the latest updates.