101 ಬಾರಿ ನಿಯಮ ಉಲ್ಲಂಘನೆ: ಬುಲೆಟ್ ಮಾಲೀಕ ಕಟ್ಟಿದ ದಂಡವೆಷ್ಟು?

ಬೆಂಗಳೂರು, ಆಗಸ್ಟ್ 28: 101 ಬಾರಿ ಟ್ರಾಫಿಕ್ ನಿಯಮ ಉಲ್ಲಂಘನೆ ಮಾಡಿದ ಆರೋಪದ ಮೇಲೆ ಬುಲೆಟ್ ಬೈಕ್ ಮಾಲೀಕನಿಗೆ 57 ಸಾವಿರ ರೂ ದಂಡ ವಿಧಿಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

11 ತಿಂಗಳಲ್ಲಿ 101 ಬಾರಿ ಟ್ರಾಫಿಕ್ ನಿಯಮ ಉಲ್ಲಂಘನೆ ಮಾಡಿದ ಆರೋಪದ ಮೇರೆಗೆ 57 ಸಾವಿರ ರೂ ದಂಡ ವಸೂಲಿ ಮಾಡಲಾಗಿದೆ.

ಎಲ್ ರಾಜೇಶ(25) ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಈ ದಂಡದ ಮೊತ್ತವನ್ನು ಹೊಂದಿಸಲು ಮೂರು ದಿನಗಳ ಸಮಯಾವಕಾಶವನ್ನು ಪಡೆದಿದ್ದರು.

ಇಷ್ಟು ದಂಡವನ್ನು ಕಟ್ಟುವುದರೊಂದಿಗೆ ಅತಿ ಹೆಚ್ಚು ದಂಡವನ್ನು ಕಟ್ಟಿದ ವಾಹನ ಸವಾರ ಎನಿಸಿಕೊಂಡಿದ್ದಾರೆ. ಡಿಸೆಂಬರ್ 2019ರಲ್ಲಿ ತರಕಾರಿ ಅಂಗಡಿ ಮಾಲೀಕರೊಬ್ಬರು 15,200 ರೂ. ದಂಡ ಕಟ್ಟಿದ್ದರು. ಚಲನ್ 5.1 ಅಡಿಯಷ್ಟು ಉದ್ದವಿತ್ತು.

ರಾಜೇಶ್ ವೈಟ್‌ಫೀಲ್ಡ್‌ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅಲ್ಲಿಂದ ಎಲೆಕ್ಟ್ರಾನಿಕ್‌ ಸಿಟಿಗೆ ನಿತ್ಯ ಬರುತ್ತಾರೆ. ಬುಧವಾರವೂ ಹಾಗೆಯೇ ಬಂದಿದ್ದರು, ಟ್ರಾಫಿಕ್ ನಿಯಮ ಉಲ್ಲಂಘಿಸಿದ್ದಕ್ಕಾಗಿ ಪೊಲೀಸರು ಅವರನ್ನು ತಡೆದರು.

ಅದೇ ದಿನ ಆರು ಬಾರಿ ಆತ ಟ್ರಾಫಿಕ್ ನಿಯಮ ಉಲ್ಲಂಘಿಸಿದ್ದ ಎಂದು ತಿಳಿಯಿತು. ಕೋರ್ಟ್‌ಗೆ ಅಷ್ಟು ಮೊತ್ತವನ್ನು ಕಟ್ಟಿದ ಬಳಿಕ ಆ ಗಾಡಿಯನ್ನು ನೀಡಲಾಗುತ್ತದೆ.

English summary

In a span of just 11 months, a Royal Enfield Bullet owner in Karnataka capital Bengaluru has committed 101 traffic violations. And for these violations, the man identified as 25-year-old L Rajesh Kumar has been told to pay Rs 57,200 as fines by authorities.