ಬೋರ್ವೆಲ್ಗಳ ಸಂಖ್ಯೆ ದುಪ್ಪಟ್ಟು,ದರವೂ ಹೆಚ್ಚು, ಹೊಸತಕ್ಕೆ ಅವಕಾಶ ಕೊಡ್ಬೇಕಾ?
ಬೆಂಗಳೂರು, ಏ.27: ಕಳೆದ ಐದಾರು ವರ್ಷಗಳಿಂದ ಬೆಂಗಳೂರಿನಲ್ಲಿ ಕೊಳವೆ ಬಾವಿಗಳ ಸಂಖ್ಯೆ ದುಪ್ಪಟ್ಟಾಗಿದೆ.
ಜಲಮಂಡಳಿ ನೀಡಿರುವ ಮಾಹಿತಿ ಪ್ರಕಾರ ಬಿಬಿಎಂಪಿ ವ್ಯಾಪ್ತಿಯಲ್ಲಿ ಸುಮಾರು 11 ಸಾವಿರ ಸಾರ್ವಜನಿಕ ಕೊಳವೆ ಬಾವಿಗಳು ಸೇರಿದಂತೆ 3.61 ಲಕ್ಷ ಕೊಳವೆ ಬಾವಿಗಳಿವೆ.
2012ರಲ್ಲಿ ಕೇವಲ 1.5 ಲಕ್ಷಗಳಿದ್ದ ಕೊಳವೆಬಾವಿ 2019ರಷ್ಟೊತ್ತಿಗೆ 3.5 ಲಕ್ಷ ದಾಟಿದೆ. ಕೊಳವೆ ಬಾವಿಗಳನ್ನು ಎಲ್ಲೆಂದರಲ್ಲಿ ಮನಸ್ಸಿಗೆ ಬಂದಂತೆಲ್ಲ ತೆರೆಯುವುದಲ್ಲ. ಒಂದು ಕೊಳವೆಬಾವಿಗಳಿಂದ ಮತ್ತೊಂದು ಕೊಳವೆ ಬಾವಿಗೆ ಇರುವ ಅಂತರವನ್ನು ನೋಡಿಕೊಳ್ಳಬೇಕಾಗುತ್ತದೆ.
ಇತ್ತೀಚೆಗೆ ಜಲಮಂಡಳಿಯಿಂದ ಅನುಮತಿ ಪಡೆಯದೆಯೇ ಎಷ್ಟೋ ಮಂದಿ ಕೊಳವೆಬಾವಿಗಳನ್ನು ನಿರ್ಮಿಸಿದ್ದಾರೆ ಇದರಿಂದ ಅಂತರ್ಜಲ ಬತ್ತುತ್ತಿದೆ. ಮನೆ ಬಳಕೆ ಮತ್ತು ವಾಣಿಜ್ಯ ಉದ್ದೇಶಗಳಿಗೆ ಕೊಳವೆ ಬಾವಿಗಳನ್ನು ಕೊರೆಯಲು ಯಾವುದೇ ನಿಯಮಾವಳಿಗಳ ಪಾಲನೆ ಆಗುತ್ತಿಲ್ಲ.
ಒಂದೆಡೆ ಕಾಂಕ್ರೀಟೀಕರಣದಿಂದ ಮಳೆ ನೀರು ಭೂಮಿಯನ್ನು ಸೇರುತ್ತಿಲ್ಲ. ಇನ್ನೊಂದೆಡೆ ಈ ಲಕ್ಷಾಂತರ ಕೊಳವೆ ಬಾವಿಗಳ ಮೂಲಕ ಅಂರ್ಜಲವನ್ನು ಯಾವುದೇ ಅಡೆತಡೆಗಳಿಲ್ಲದೆ ಹೀರಲಾಗುತ್ತಿದೆ ಎನ್ನುವುದು ವಾದ.
ಇದರಿಂದ ನಗರ ಕೇಂದ್ರ ಭಾಗದಲ್ಲಿ ವಿವಿಧೆಡೆ 1200 ಅಡಿ ಕೆ.ಆರ್ಪುರ ಸೇರಿದಂತೆ ಹೊರವಲಯದ ಕೆಲವೆಡೆ 1400 ಅಡಿಗಳಷ್ಟು ಕೊರೆದರೂ ನೀರು ಸಿಗುತ್ತಿಲ್ಲ. 2001-02ರಲ್ಲಿ 600-700 ಅಡಿ ಕೊರೆದೆರೆ ನೀರು ಲಭ್ಯವಾಗುತ್ತಿತ್ತು.
ಹೀಗಾಗಿ ಕಾವೇರಿ ನೀರು ಲಭ್ಯವಾಗುವಂತಹ ಪ್ರದೇಶದಲ್ಲಿ ಕೊಳವೆ ಬಾವಿಯನ್ನು ಕೊರೆಯುವುದನ್ನು ನಿಲ್ಲಿಸಬೇಕು, ಹೊಸ ಕೊಳವೆ ಬಾವಿಗಳ ನಿರ್ಮಾಣಕ್ಕೆ ಅವಕಾಶ ಮಾಡಿಕೊಡಬಾರದು ಎಂದು ಪರಿಸರ ತಜ್ಞರು ಒತ್ತಾಯಿಸುತ್ತಿದ್ದಾರೆ.
Click it and Unblock the Notifications
Sign in with Google