ಗಡಿ ಜಿಲ್ಲೆ ಬೆಳಗಾವಿಗೆ ಸರ್ಕಾರ ಕೊಟ್ಟ ಅನುದಾನವೆಷ್ಟು?

ಬೆಳಗಾವಿ, ಏಪ್ರಿಲ್ 11 : ಬೆಳಗಾವಿ ಕರ್ನಾಟಕಕ್ಕೆ ಸೇರಿದ್ದು, ಜಿಲ್ಲೆಯ ಅಭಿವೃದ್ಧಿಗೆ ನಾವು ಬದ್ಧ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಲವು ಬಾರಿ ಘೋಷಣೆ ಮಾಡಿದ್ದರು. ಗಡಿನಾಡಿಗೆ ಕರ್ನಾಟಕ ಸರ್ಕಾರ 5 ವರ್ಷದಲ್ಲಿ ಕೊಟ್ಟ ಅನುದಾನ ಎಷ್ಟು? ಎಂಬ ಮಾಹಿತಿ ಸಿಕ್ಕಿದೆ.

ಒನ್ ಇಂಡಿಯಾ ಕನ್ನಡ ಮಾಹಿತಿ ಹಕ್ಕು ಕಾಯ್ದೆಯಡಿ ಕೇಳಿದ್ದ ಪ್ರಶ್ನೆಗೆ ಜಿಲ್ಲಾಧಿಕಾರಿಗಳ ಕಾರ್ಯಾಲಯ ಉತ್ತರ ನೀಡಿದೆ. 2013 ರಿಂದ 2018ರ ತನಕ ಜಿಲ್ಲೆಗೆ ಎಷ್ಟು ಅನುದಾನ ಸಿಕ್ಕಿದೆ?, ಎಷ್ಟು ಖರ್ಚಾಗಿದೆ ಎಂದು ವಿವರಗಳು ಲಭ್ಯವಾಗಿವೆ.

ಶಾಸಕರ ಸ್ಥಳೀಯ ಪ್ರದೇಶಾಭಿವೃದ್ಧಿ ಯೋಜನೆ ಅಡಿ ಜಿಲ್ಲೆಯ ಪ್ರತಿ ವಿಧಾನಸಭಾ ಕ್ಷೇತ್ರಕ್ಕೆ ಬಿಡುಗಡೆಯಾದ ಅನುದಾನದ ಮಾಹಿತಿಯನ್ನು ಸಂಗ್ರಹಿಸಲಾಗಿದೆ. 201-18ನೇ ಸಾಲಿಗೆ ಸಂಬಂಧಿಸಿದಂತೆ 2017ರ ಡಿಸೆಂಬರ್‌ನಲ್ಲಿ 140.467 ಕೋಟಿ ರೂ. ಅನುದಾನ ಬಾಕಿ ಉಳಿದಿದೆ.

ಬಿಡುಗಡೆಗೊಂಡ ಅನುದಾನವೆಷ್ಟು?
* 2013-14ನೇ ಸಾಲಿನಲ್ಲಿ 195.97 ಕೋಟಿ
* 2014-15ನೇ ಸಾಲಿನಲ್ಲಿ 200.00 ಕೋಟಿ
* 2015-16ನೇ ಸಾಲಿನಲ್ಲಿ 200.00 ಕೋಟಿ
* 2016-17 ನೇ ಸಾಲಿನಲ್ಲಿ 200.00ಕೋಟಿ
* 2017-18ನೇ ಸಾಲಿನಲ್ಲಿ 150.00 ಕೋಟಿ

ಈ ಪೈಕಿ 2017-18 ರ ಡಿಸೆಂಬರ್‌ನಲ್ಲಿ 140.467 ಕೋಟಿ ಅನುದಾನ ಬಾಕಿ ಉಳಿದಿರುತ್ತದೆ.

English summary

Reply to RTI application Belagavi district administration shared information about fund released to assembly constituency of the district under MLA local area development fund.