• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕುಂಭ ಮತ್ತು ಮೀನ ರಾಶಿ ಗುಣಸ್ವಭಾವಗಳು

By Shami
|
ನಮ್ಮ ಹಿರಿಯರು ಎಣಿಕೆ ಮಾಡಿರುವ ಗ್ರಹಗಳು ಹನ್ನೆರಡು. ಆ ಹನ್ನೆರಡು ಗ್ರಹಗಳ ರಾಶಿಗಳು ಹನ್ನೆರಡೆ. 1.ಮೇಷ, 2.ವೃಷಭ, 3.ಮಿಥುನ, 4.ಕರ್ಕಾಟಕ, 5.ಸಿಂಹ, 6.ಕನ್ಯಾ, 7.ತುಲಾ, 8.ವೃಶ್ಚಿಕ, 9.ಧನಸ್ಸು, 10.ಮಕರ, 11.ಕುಂಭ, 12.ಮೀನ.

* ಧವಳ

ಕುಂಭ ರಾಶಿ (Aquarius) ಜನವರಿ 21 - ಫೆಬ್ರವರಿ 19 : ಸದಾ ಕನಸುಗಳ ರೆಕ್ಕೆಯ ಮೂಲಕ ಕಲ್ಪನೆಯ ಲೋಕದಲ್ಲಿ ಹಾರಾಡ್ತಾ ಇರ್ತಾರೆ. ಕನಸು ಕಟ್ಟಿ ಅದರ ನನಸಿಗೆ ಪ್ರಯತ್ನಿಸುವ ಸ್ವಲ್ಪ ವಿಚಿತ್ರವೇ ಎನ್ನಬಹುದಾದ ಸ್ವಭಾವ ಹೊಂದಿದ ವ್ಯಕ್ತಿತ್ವ. ಇವರ ಆಸಕ್ತಿಯ ಕೇಂದ್ರ ಬಿಂದು ಸದಾ ಹುಡುಕಾಟ. ಇಡೀ ಜೀವನವೇ ಇವರಿಗೆ ಗೂಗಲ್ ಸರ್ಚ್ ಇಂಜಿನ್ ಥರ ಕಾಣಿಸತ್ತೆ.

ಎಲೆ ಬಣ್ಣ ಹಸಿರು, ಆದರೆ ಕೆಲವಕ್ಕೆ ಕೆಂಪು, ಒಂದಷ್ಟಕ್ಕೆ ಹಳದಿ, ಒಟ್ಟಾರೆ ಯಾಕಿ ಬದಲಾವಣೆ? ಏನೆ ಆಗ್ಲಿ ಇದನ್ನು ಕಂಡು ಹಿಡಿಯಲೇಬೇಕು ಅನ್ನುವ ಸಣ್ಣ ಮಟ್ಟದ, ಕೆಲವು ಬಾರಿ ಅತಿ ದೊಡ್ಡ ಮಟ್ಟದ ಹುಡುಕಾಟ. ವಿಜ್ಞಾನ -ತ೦ತ್ರಜ್ಞಾನದ ಸಂಗತಿಗಳ ವಿಷಯಕ್ಕೆ ಬಂದ್ರೆ ಇವರ ಕಲ್ಪನೆಗಳು ನ್ಯೂಟನ್ ಹಾಗೂ ಡಾರ್ವಿನ್ ಗೂ ಹೊಳೆಯೋದಿಲ್ಲ ಅಷ್ಟು ಟಿಪಿಕಲ್, ಕೆಲವು ಸರ್ತಿಯಂತೂ ಯುನೀಕ್.

ತಾವು ಏನಾದ್ರೂ ಹೊಸದನ್ನು ಕಂಡು ಹಿಡಿಯಬೇಕೆಂಬ ಹುಮ್ಮಸ್ಸು. ಇಂತಹವರು ಕಂಪ್ಯೂಟರ್ ರಂಗದ ಸಾಫ್ಟೂ ಹಾರ್ಡೂ ಒಟ್ಟಿನಲ್ಲಿ ಅತ್ಯಂತ ಸೂಕ್ತವಾದ ಕ್ಷೇತ್ರ. ಅಲ್ಲದೆ ಜ್ಯೋತಿಷ್ಯ, ರೇಡಿಯೋ, ಎಲೆಕ್ಟ್ರಾನಿಕ್ ಉದ್ಯಮ, ಏರೋಪ್ಲೇನ್ ಚಾಲಕರು ಆದರೆ ಯಶಸ್ಸು ನಿಮ್ಮ ಸೇವೆಯಲ್ಲಿ ಸದಾ ಸಂಗಾತಿ.

ಇನ್ನೊದು ಗುಣವೆಂದರೆ, ಎಲ್ಲ ವಿಷಯದಲ್ಲೂ ಸತ್ಯವನ್ನು ಕಂಡುಹಿಡಿಯುವ ತವಕ, ಆಸಕ್ತಿ, ಒಂದಷ್ಟು ಕುತೂಹಲ, ಸಂದರ್ಭಕ್ಕೆ ತಕ್ಕಂತೆ ಅವರ ಈ ಗುಣ ಪ್ರಕಟವಾಗುತ್ತದೆ. ಮನಸ್ಸು ಸ್ಥಿರವಾಗಿರಲ್ಲ. ಕ್ಷಣ ಚಿತ್ತ ಕ್ಷಣ ಪಿತ್ತ. ಇದರಿಂದ ನರಗಳು ತೊಂದರೆ ಅನುಭವಿಸಿ ಈ ವ್ಯಕ್ತಿತ್ವದವರು ಸುಲಭವಾಗಿ ನರಕ್ಕೆ ಸಂಬಂಧಿತ ಕಾಯಿಲೆಗೆ ಒಳಗಾಗುತ್ತಾರೆ. ಏನೆ ಇರಲಿ ಇವರು ತಾವಿರುವ ವಾತಾವರಣವನ್ನು ಆಹ್ಲಾದಕರವಾಗಿ ಇಟ್ಟಿರುತ್ತಾರೆ. ಇದರಿಂದ ಇವರ ಎಷ್ಟೋ ತಪ್ಪುಗಳು ಮುಚ್ಚಿ ಹೋಗುತ್ತದೆ.

ಕುಭರಾಶಿಯವರು ಇವರು ನೇರ, ನಿಷ್ಠುರವಾದಿ, ವಾಸ್ತವವಾದಿಗಳು. ಯಾವುದನ್ನೇ ನೇರವಾಗಿ ಹೇಳಬೇಕಾದರೂ ವೇದಾಂತ-ಭಗವಂತನ ಸಹಾಯ ಪಡೆದು ಕೊಳ್ತಾರೆ. ಸ್ನೇಹದ ವಿಷಯದಲ್ಲಿ ಉತ್ತಮ ಸ್ನೇಹಿತರಾಗಿ ತಮ್ಮ ಜವಾಬ್ದಾರಿ ನಿರ್ವಹಿಸುತ್ತಾರೆ. ಇವರು ಅತ್ಯುತ್ತಮ ರೊಮ್ಯಾಂಟಿಕ್ ಸಂಗಾತಿಯಾಗಿರುತ್ತಾರೆ. ವೈವಾಹಿಕ ಬದುಕು ಒಟ್ಟಾರೆಯಾಗಿ ಪ್ರಸನ್ನವಾಗಿರುತ್ತದೆ.

ಮೀನ ರಾಶಿ (Pisces) ಫೆಬ್ರವರಿ 19 - ಮಾರ್ಚ್ 20 : 'ಪರೋಪಕಾರ್ಥಂ ಇದಂ ಶರೀರಂ' ಎನ್ನುವ ಸ್ವಭಾವ ಇವರ ಜನ್ಮಕ್ಕೆ ಅಂಟಿದ ಗುಣ. ತಮಗೆ ಏನೆ ತೊಂದ್ರೆ ಆದ್ರೂ ಚಿಂತಿಸದೆ ಬೇರೆಯವರ ಸಹಾಯಕ್ಕೆ ನಿಂತು ಬಿಡ್ತಾರೆ. ಸಾಕಷ್ಟು ಸರ್ತಿ ಇವರ ಈ ಗುಣ ಅವರ ಪರ್ಸನಲ್ ಬದುಕಿನ ಮೇಲೆ ಕೆಟ್ಟ ಪ್ರಭಾವ ಬೀರುತ್ತದೆ.

'ಮನೆಗೆ ಮಾರಿ ಪರರಿಗೆ ಉಪಕಾರಿ'ಯಾಗಿ ಮನೆಯ ಸದಸ್ಯರ ಕೆಂಗಣ್ಣಿಗೆ ಗುರಿಯಾಗುತ್ತಾರೆ. ಸಹನೆ, ಕಾಳಜಿ, ಸಮಚಿತ್ತ ಇವರ ವಿಶೇಷ ಗುಣ. ಇವರ ಇನ್ನೊಂದು ಗುಣ ಅಂದ್ರೆ ಸಲಹೆ ಕೊಡೋದು. ಸರಳ ಭಾಷೆಯಲ್ಲಿ ಹೇಳೋದಾದ್ರೆ ಬಿಟ್ಟಿ ಸಲಹೆ ನೀಡುವುದಕ್ಕೆ ಪ್ರಖ್ಯಾತರು. ಎಷ್ಟೋ ಸರ್ತಿ ಸತ್ಯ ಅಪಥ್ಯ ಆಗಿರುತ್ತದೆ, ಆದರೆ ಇವರು ಅದರ ಕಡೆ ಗಮನ ಕೊಡದೆ ನೇರವಾಗಿ ಹೇಳಿ ಬಿಡ್ತಾರೆ.

ಸಂತೋಷವನ್ನು ಹಂಚಿಕೊಂಡು ಬದುಕುವ ಗುಣ ಇವರದು ಹಾಗೂ ಬೇರೆಯವರಿಗೆ ಇಷ್ಟ ಇರ್ಲಿ ಬಿಡಲಿ ತಮ್ಮ ದುಃಖವನ್ನು ಹಂಚದೆ ಬಿಡರು. ಏಕಾಗ್ರತೆ, ಗ್ರಹಣ ಶಕ್ತಿ ಇವರ ಪ್ಲಸ್ ಪಾಯಿಂಟ್ ಗಳಲ್ಲಿ ಒಂದಾಗಿದೆ. ಯಾವುದೇ ಸಂಗತಿಯನ್ನಾಗಲಿ ಕೂಲಂಕಷವಾಗಿ ಗಮನಿಸುತ್ತಾರೆ. ಮೀನರಾಶಿಯವರು ಸೌಂದರ್ಯ ಸವಿಯುವುದರಲ್ಲಿ ಮೊದಲಿಗರು. ಆ ಸೌಂದರ್ಯ- ಪ್ರಕೃತಿ, ಆಕೃತಿ, ಏನೆ ಆಗಿರಬಹುದು, ಜೀವನವನ್ನು ಸವಿದು ಬದುಕುತ್ತಾರೆ.

ಪ್ರವಾಸ ಮಾಡುವುದು ಅಂದ್ರೆ ಸಿಕ್ಕಾಪಟ್ಟೆ ಇಷ್ಟ ಇವರಿಗೆ. ಐಷಾರಾಮ ಜೀವನದತ್ತ ಹೆಚ್ಚು ಒಲವು. ಇವರು ತಮ್ಮ ಕೈಕೆಳಗೆ ಕೆಲಸ ಮಾಡುವವರಿಗೆ ಅತ್ಯುತ್ತಮ ಸರ್ ಆಗಿರುತ್ತಾರೆ. ದೈವ ಭಕ್ತಿಯಲ್ಲೂ ಒಂದು ಕೈ ಮುಂದೆ. ಇವರಿಗೆ ಕುಂಭ ರಾಶಿಯವರು ಸಂಗಾತಿ ಆದ್ರೆ ನೋಡಿ ಆಗ ಬದುಕು ಎಷ್ಟು ಬೊಂಬಾಟ್ ಆಗಿರುತ್ತದೆ! ಪ್ರಣಯ ಪಕ್ಷಿಗಳಂತೆ ಜೀವನ ನಡೆಸುವ ಇವರು ಇತರರಿಗೆ ಮಾದರಿ(ಹೊಟ್ಟೆಉರಿ)ಆಗ್ತಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Basic nature of people with Aquarius and Pisces zodiac signs. ಕುಂಭ ಮತ್ತು ಮೀನ ರಾಶಿ ಗುಣಸ್ವಭಾವಗಳು.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more