Vande metro: ವಂದೇ ಮೆಟ್ರೋ ಸೇವೆ ಯಾವಾಗ ಆರಂಭ?-ಇಲ್ಲಿದೆ ಮಾಹಿತಿ
ನವದೆಹಲಿ, ಜನವರಿ, 29: ಈಗಾಗಲೇ ವಂದೇ ಭಾರತ್ ಭಾರೀ ಜನಮನ್ನಣೆ ಪಡೆದಿದೆ. ಹಾಗೆಯೇ ವಂದೇ ಭಾರತ್ ವಿಭಾಗವಾದ ವಂದೇ ಮೆಟ್ರೋ ಟ್ರ್ಯಾಕ್ಗಿಳಿಯುವ ಬಗ್ಗೆ ಏನೆಲ್ಲ ಅಪ್ಡೇಟ್ಸ್ ಹೊರಬಿದ್ದಿವೆ ಎನ್ನುವ ಮಾಹಿತಿಯನ್ನು ಇಲ್ಲಿ ತಿಳಿಯಿರಿ.
ಚೆನ್ನೈನಲ್ಲಿರುವ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿ (ICF) ಅದರ ಉತ್ಪಾದನೆಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದೆ. ವಂದೇ ಮೆಟ್ರೋ ದೇಶೀಯವಾಗಿ ಅಭಿವೃದ್ಧಿಪಡಿಸಿದ ಭಾರತದ ಪ್ರವರ್ತಕ ಸೆಮಿ-ಹೈ-ಸ್ಪೀಡ್ ರೈಲಿನ ಹೆಸರಾಂತ ವಂದೇ ಭಾರತ್ ಸರಣಿಯ ಕಾಂಪ್ಯಾಕ್ಟ್ ಪ್ರತಿರೂಪವಾಗಿದೆ.
ಕಳೆದ ವರ್ಷ ವಿನ್ಯಾಸ ಮತ್ತು ಉತ್ಪಾದನೆಯಲ್ಲಿ ಅಂತಿಮಗೊಳಿಸಲಾಗಿದೆ. ICF ಅಸ್ತಿತ್ವದಲ್ಲಿರುವ ಉಪನಗರ ರೈಲುಗಳನ್ನು ಕ್ರಮೇಣ ಬದಲಾಯಿಸುವ ಯೋಜನೆಯೊಂದಿಗೆ ಆರ್ಥಿಕ ವರ್ಷದ ಅಂತ್ಯದ ವೇಳೆಗೆ ಈ ಹೊಸ ಆವೃತ್ತಿಯನ್ನು ಅನಾವರಣಗೊಳಿಸಲು ಪ್ರಯತ್ನಿಸುತ್ತಿದೆ.
ಇಂಟಿಗ್ರಲ್ ಕೋಚ್ ಫ್ಯಾಕ್ಟರಿಯ ಜನರಲ್ ಮ್ಯಾನೇಜರ್ ಬಿಜಿ ಮಲ್ಯ ಅವರು ಮಾರ್ಚ್ ಅಂತ್ಯದ ವೇಳೆಗೆ ವಂದೇ ಮೆಟ್ರೋ ಸೇವೆ ಪ್ರಾರಂಭಿಸುವ ಬಗ್ಗೆ ಮಾಹಿತಿ ನೀಡಿದ್ದಾರೆ. ಐಸಿಎಫ್ ಸ್ಟೇಡಿಯಂನಲ್ಲಿ 75ನೇ ಗಣರಾಜ್ಯೋತ್ಸವದ ಸಂದರ್ಭದಲ್ಲಿ ಮಾತನಾಡಿದ ಮಲ್ಯ ಅವರು, "ಐಸಿಎಫ್ ಈ ವರ್ಷದ ಮಾರ್ಚ್ ವೇಳೆಗೆ ವಂದೇ ಮೆಟ್ರೋದ ಮಾದರಿಯನ್ನು ಪ್ರಾರಂಭಿಸಲು ನಿರ್ಧಾರ ಮಾಡಲಾಗಿದೆ," ಎಂದು ಘೋಷಣೆ ಮಾಡಿದರು.
ರೈಲ್ವೆ ಸಚಿವ ವೈಷ್ಣವ್ ಅವರು ಈ ಹಿಂದೆ, 50-60 ಕಿಲೋ ಮೀಟರ್ ಅಂತರದಲ್ಲಿ ನೆಲೆಗೊಂಡಿರುವ ಗಮನಾರ್ಹ ಜನಸಂಖ್ಯೆಯನ್ನು ಹೊಂದಿರುವ ದೊಡ್ಡ ನಗರಗಳಲ್ಲಿ ವಂದೇ ಮೆಟ್ರೋದ ಪಾತ್ರವನ್ನು ವಿವರಿಸಿದ್ದಾರೆ. ಈ ರೈಲು ವಿದ್ಯಾರ್ಥಿಗಳು, ದೈನಂದಿನ ಪ್ರಯಾಣಿಕರು ಮತ್ತು ವ್ಯಾಪಾರ ವೃತ್ತಿಪರರಿಗೆ ಸೇವೆ ಒದಗಿಸಲಿದೆ. ಅತ್ಯಾಧುನಿಕ ಪ್ರಯಾಣಿಕರ ಸೌಕರ್ಯಗಳೊಂದಿಗೆ ಸಜ್ಜುಗೊಂಡಿರುವ ವಂದೇ ಮೆಟ್ರೋ ಪ್ರಯಾಣಿಕರಿಗೆ ತ್ವರಿತ ಮತ್ತು ವಿಶ್ವ ದರ್ಜೆಯ ಶಟಲ್-ರೀತಿಯ ಪ್ರಯಾಣದ ಅನುಭವವನ್ನು ನೀಡಲಿದೆ ಎಂದು ಭರಸವೆ ನೀಡಿದ್ದಾರೆ.
ವಂದೇ ಮೆಟ್ರೋ ನಿರೀಕ್ಷಿತ ಸೇವೆಯು ಮುಂಬೈನಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ. ಅಲ್ಲಿ ವಾಯುಬಲ ವೈಜ್ಞಾನಿಕವಾಗಿ ವಿನ್ಯಾಸಗೊಳಿಸಲಾದ ಈ ರೈಲು ಗಂಟೆಗೆ ಗರಿಷ್ಠ 130 kmph ವೇಗದಲ್ಲಿ ಸಾಗಲಿದೆ. ಸಂಪೂರ್ಣ ಹವಾನಿಯಂತ್ರಿತ ಈ ರೈಲು 2024-25ರ ಆರ್ಥಿಕ ವರ್ಷದಲ್ಲಿ ಉತ್ಪಾದನೆಯನ್ನು ವಿಸ್ತರಿಸುವ ಯೋಜನೆಗಳೊಂದಿಗೆ, ಇದು ಭಾರತದ ರೈಲ್ವೆ ಪ್ರಗತಿಯಲ್ಲಿ ಗಮನಾರ್ಹವಾಗಿ ಗುರುತಿಸಿಕೊಳ್ಳಲಿದೆ.
Click it and Unblock the Notifications
Sign in with Google