ಟೈಂ ಪಾಸ್‌ ಕವನಗಳು

ಟೈಂ ಪಾಸ್‌ ಕವನಗಳು

ಗೋಪೀನಾಥ ರಾವ್‌ [email protected] ಕೊರತೆ ಭಗವಂತ ಹತ್ತಕ್ಕೇ ಅವತಾರ ಯಾಕೆ ನಿಲ್ಲಿಸಿ ಬಿಟ್ಟ ? ಅಕ್ರಮ ಖೋಟಾ ಮೋಸದ ಆಟ ಕಡಿವಾಣಕ್ಕೆ ನೂರವತಾರದ ಕನಿಷ್ಠಾವಶ್ಯಕತೆ ಅನುಭವ ಪಟ್ಟ !! * ನವರಾತ್ರಿ ಮಹಿಮೆ ಕಣ್ಣಿಲ್ಲದೆ ಬೇಡುವ ಕುರುಡನೂ ಭಿಕ್ಷೆ ಸಿಗಬೇಕಿದ್ದರೆ ಹಾಕಬೇಕು ಬಣ್ಣ ! * ಸರಕಾರೀ ಮರ್ಜಿ ಉದ್ಯೋಗ ವಿನಿಮಯ ಕಛೇರಿಯಲ್ಲಿತ್ತ ಅರ್ಜಿಗೆ ಬಂದದ್ದು ಉತ್ತರ ಫಕ್ಕನೆ ವೃದ್ಧಾಪ್ಯ ವೇತನದ ಅರ್ಜಿ ಸ್ವೀಕೃತಿ ಪತ್ರದ ಜತೆ ಒಕ್ಕಣೆ ವಿವರಗಳಿಗೆ ಭೇಟಿ ನೀಡಿ ನಮ್ಮಾಫೀಸು ಸ್ಮಶಾನಕ್ಕೆ ಹತ್ತಿರ ! * ನಾಟಿ ಫಸಲು ಇಷ್ಟವಾದಾತ ದಕ್ಕಲಿಲ್ಲ ಕೈಕೊಟ್ಟ. ಸಿಕ್ಕಿದ ಹುಡುಗನೆ ಸೈ ಹಿಡಿದಳು ಕೈ ಏನು ಕಷ್ಟ ! ಗುಟ್ಟಲ್ಲಿ ಹಡೆದಳಾ ಬಾಲೆ ಅಷ್ಟಮ ಮಾಸದಲ್ಲೇ .. ಮಗು ಮಾತ್ರ ದಷ್ಟ ಪುಷ್ಟ ! * ಟೈಂ ಬಾಂಬು ಆಷಾಢ ಹುಣ್ಣಿಮೆ ಹೊಸ್ತಿಲ ಪೂಜೆಗೆ ಭರದಿಂದ ತಯಾರಿ ಹೊಸಾ ಜರತಾರಿ ಆಶಾ ಗಾಳಿಯಲ್ಲೆ ಸವಾರಿ ಉಷಾ ಕಾಲದಲ್ಲೆ ತಿಂಗಳ ಪರ್ಯಾಯದ ಬಾಂಬು ಸುರಿಮಳೆ .. ಯೋಜನೆಯೆಲ್ಲ ತಣ್ಣಗೆ ಆಶಾ ಢಂ! Post your views

ಮುಖಪುಟ / ಎನ್‌ಆರ್‌ಐ