ಮಾಲೆಯಿದು...... ಅಂಕಣ ಮಾಲೆಯಿದು!

ಮಾಲೆಯಿದು...... ಅಂಕಣ ಮಾಲೆಯಿದು!

ಕೆ. ತ್ರಿವೇಣಿ ಶ್ರೀನಿವಾಸರಾವ್‌, ಇಲಿನಾಯ್‌, ಅಮೆರಿಕಾ ತವರು : ಕಡೂರು - ಚಿಕ್ಕಮಗಳೂರು ಜಿಲ್ಲೆ [email protected] ರವಿ ಕಾಣದ್ದೆಲ್ಲ ಕಂಡಿದ್ದು ಕವಿಗಾದರೆ ಪಾಪಿಗಳಲೋಕದ ಪಾತಕಗಳು ಕಂಡಿದ್ದು ಮಾತ್ರ ಈ ರವೀಗೆ! ಭ್ರಷ್ಟಾತಿಭ್ರಷ್ಟ ದುಷ್ಟಾನಿಷ್ಟಗಳಿಗೆಲ್ಲಾ ನಿಷ್ಟುರದ ವಿಷಕಾರಿ ನಡೆದಿಹುದು ನೋಡಲ್ಲಿ ನಿತ್ಯ ನಿರಂತರ ಸತ್ಯ ಸೂರ್ಯಶಿಕಾರಿ! ಇರಬಹುದು ಜಗದೊಳಗೆ ನೂರಾರು ಜೋಷಿ.... ಭೀಮಸೇನ ಜೋಷಿ, ಸುನೀಲ್‌ ಜೋಷಿ, ಮುರಳಿ ಮನೋಹರ ಜೋಷಿ...... ನಮ್ಮ ಪಾಲಿಗೆ ಜೋಷಿಯೆಂದರೆ : ಆತ್ಮೀಯ ಗೆಳೆಯ, ಅಕ್ಕರೆಯ ನೆಂಟ ವಿಚಿತ್ರಾನ್ನ ಬಡಿಸುವ ಭಟ್ಟ, ಕನ್ನಡದ ಬಂಟ! ಬುಧವಾರದ ಬೆಳಗಿನ ಬ್ರೇಕ್‌ಫಾಸ್ಟು : ಜಾಲತರಂಗ ಸದ್ಯದ ಸ್ಥಿತಿಗತಿಗಳ ಜಾಲಾಡುವ ರಂಗ! ಹಾಸ್ಯದ ಟ್ರ್ಯಾಕಲಿ ಗದ್ಯದ ಕೈಹಿಡಿದು ಪದ್ಯದ ಜಾಗಿಂಗಾ? ಆಗಾಗ ಲೇಖಕ-ಓದುಗನ ಪತ್ರಾಸ್ತ್ರಗಳ ರಣರಂಗ! ಬಂದು ನೆಲೆಸಿದ್ದಾಯ್ತು ಇಲ್ಲಿ ಪಶ್ಚಿಮದಲ್ಲಿ ಬಿಟ್ಟೇಬಂದೆವಲ್ಲ ಕರುಳುಹೃದಯವನೆಲ್ಲ ಆ ತೀರದಲ್ಲಿ ! ಪೂರ್ವ ಪೂರ್ವವೇ, ಪಶ್ಚಿಮ ಪಶ್ಚಿಮವೇ ಎಂಬ ಮಾತೇ ಈಗಿಲ್ಲ ಮನುಜನೊಲವಿಗೆ ಮಣಿದು ಪೂರ್ವ-ಪಶ್ಚಿಮವಿಲ್ಲಿ ಒಂದುಗೂಡಿದೆಯಲ್ಲ ! ತೆರೆದ ಬಾಗಿಲ ಒಳಗೆ ತೆರೆದ ಮನಸಿನ ಬರಹ ಜಾಜಿ, ಮಲ್ಲಿಗೆ ಬಂದು ಮೆಲ್ಲನೆ ಮಾತಾಡಿಸಿದ ತರಹ! ರಾಮನ ಆ ಜಾನಕಿಯೇ ನಮ್ಮ ಸ್ತ್ರೀಕುಲದ ರತ್ನ ಇಲ್ಲೇಕೋ ಗಂಡನ್ನೇ ಹೆಣ್ಣೆಂದು ನಂಬಿಸುವ ಪ್ರಯತ್ನ ! ನೂರೊಂದು ನೆನಪನು ಮೊಗೆದು ನೂರೆಂಟು ಮಾತು ನುಡಿದವರು ನೀವಲ್ಲವೇ ನಮ್ಮೊಡನೆ ಕೂತು? ಯಾರ ಕಥೆ-ವ್ಯಥೆಗಳೋ? ಮತ್ತಾರ ಚರಿತೆಗಳೋ? ನಿಮ್ಮ ಮಾತೆಲ್ಲ ಮುತ್ತಾದ ಜೀವ ಕವಿತೆಗಳೋ! ಕ್ಷಮಿಸಿ, ಈ ಕೆಂಡಸಂಪಿಗೆ ಹೂವಲ್ಲ : ಒಂದು ಅಂಕಣ ಸಂಪಾದಕರ ಸಿಕ್ಸರುಗಳು ಸಿಡಿದಾಡೋ ಅಂಗಣ! ಅನಿವಾಸಿಗಳ ಆಪ್ತ, ಟೀಕೆ-ಟಿಪ್ಪಣಿಗೆಲ್ಲ ಕಿವಿಗೊಡದ ನಿರ್ಲಿಪ್ತ ಕನ್ನಡಮ್ಮನ ಗುಡಿಗೆ ಹೂತಂದ ಭಕ್ತ ! ಸಂತೃಪ್ತ .....! Post your views

ಮುಖಪುಟ / ಎನ್‌ಆರ್‌ಐ