ಕನ್ನಡಿಗ ನೀರಜ್ ಪಾಟೀಲ್ ಪರ ಕೀತ್ ವಾಜ್ ಚುನಾವಣೆ ಪ್ರಚಾರ

ಲಂಡನ್, ಜೂನ್ 1: ಭಾರತೀಯ ಮೂಲದ- ದೀರ್ಘ ಕಾಲದಿಂದ ಸಂಸದರಾಗಿರುವ ಕೀತ್ ವಾಜ್ ಅವರು ಲಂಡನ್ ನ ಪಟ್ನಿ ಕ್ಷೇತ್ರದಿಂದ ಸ್ಪರ್ಧಿಸಿರುವ ಡಾ.ನೀರಜ್ ಪಾಟೀಲ್ ಪರವಾಗಿ ಚುನಾವನೆ ಪ್ರಚಾರ ನಡೆಸಿದ್ದಾರೆ. ಬ್ರಿಟಿಷ್ ಸಂಸತ್ ಗೆ ಸ್ಪರ್ಧಿಸುತ್ತಿರುವ ಮೊದಲ ಕನ್ನಡಿಗ ಡಾ.ನೀರಜ್ ಪಾಟೀಲ್.

ಇನ್ನು ಕೀತ್ ವಾಜ್ ಮೂಲತಃ ಗೋವಾದವರು. ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಭಾರತೀಯರು ಇರುವ ಲೀಸಸ್ಟೆರ್ ನಿಂದ 1987ರಿಂದ ಸತತವಾಗಿ ಗೆಲುವು ಸಾಧಿಸುತ್ತಾ ಬಂದಿದ್ದಾರೆ. ಇನ್ನು ನೀರಜ್ ಪಾಟೀಲ್ ಅವರು ಕನ್ಸರ್ವೆಟಿವ್ ಪಕ್ಷದ ಶಿಕ್ಷಣ ಸಚಿವ ಜಸ್ಟಿನ್ ಗ್ರೀನಿಂಗ್ ವಿರುದ್ಧ ಸ್ಪರ್ಧಿಸಿದ್ದಾರೆ. ಗ್ರೀನಿಂಗ್ 2005ರಿಂದ ಇದೇ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದಾರೆ.[ಬೆಂಗಳೂರು ಸ್ಟ್ರೀಟ್ ನಿಂದ ಪ್ರಚಾರ ಆರಂಭಿಸಿದ ಪಾಟೀಲ]

ಡಾ.ಪಾಟೀಲ್ ಲಂಡನ್ ಬೊರೋಗ್ ಆಫ್ ಲ್ಯಾಂಬೆತ್ ಗೆ 2010-2011ರಲ್ಲಿ ಮೇಯರ್ ಆಗಿ ಸೇವೆ ಸಲ್ಲಿಸಿದ್ದರು. ಕರ್ನಾಟಕ ಮೂಲದ ಪಾಟೀಲರು, ಥೇಮ್ಸ್ ನದಿ ದಡದಲ್ಲಿ ಬಸವೇಶ್ವರ ಮೂರ್ತಿ ಸ್ಥಾಪನೆ ಮಾಡುವ ಅಭಿಯಾನದಲ್ಲಿ ತುಂಬ ಸಕ್ರಿಯವಾಗಿದ್ದರು. ಅದರಲ್ಲಿ ಯಶಸ್ಸು ಕೂಡ ಸಾಧಿಸಿದರು.

ಇದೇ ತಿಂಗಳ ಎಂಟನೇ ತಾರೀಕು ಚುನಾವಣೆ ನಡೆಯಲಿದೆ. ಬ್ರೆಕ್ಸಿಟ್ ನಿಂದ ಬ್ರಿಟಿಷ್ ಆರ್ಥಿಕತೆ ಮೇಲೆ ಆಗಿರುವ ಪರಿಣಾಮವು ಈ ಬಾರಿಯ ಚುನಾವಣೆ ವಿಷಯ. ಮತ್ತು ತೆರಿಗೆ ವಿಚಾರ ಕೂಡ ಪ್ರಮುಖವಾಗಿ ಚರ್ಚೆಯಾಗುತ್ತಿದೆ.

English summary

Keith Vaz the longest serving Labour MP of Indian origin campaigned for Dr Neeraj Patil in Putney constituency of London. Dr Patil is the first Kannadiga to run for the British Parliament.Keith Vaz originally hails from Goa and has been on a winning streak from Leicester East since 1987. Leicester has the largest Indian population in UK.